Meira af lélegum viðreynslulínum ... og smá bold

Í framhaldi af sjokkerandi færslu minni um nýtilkomna leti karlmanna við að reyna við konur rifuðust nokkrar lélegar viðreynslulínur upp fyrir mér. Nú skil ég hvers vegna þeim hefur ekkert gengið við veiðarnar og hafa gefist upp. Dúllurnar ...

- Ég vildi að þú værir leikfangahesturinn á Umferðarmiðstöðinni þá gæti ég verið á þér allan daginn  fyrir klink. 

- Kallaðu mig bara mjólk. Ég geri líkama þínum gott.

- Viltu í glas eða kannski bara peninginn?

- Ég er kannski ekki sá allra sætasti á svæðinu en ég er sá eini sem er að tala við þig.

- Eigum við að koma að leika hús? Þú mátt vera svalahurðin og ég skelli þér alla nóttina.

- Ég er nýfluttur í bæinn. Geturðu sagt mér í hvaða átt heimili þitt er?

- Ég elska hvert bein í líkama þínum, sérstaklega mitt.

Hann: Má bjóða þér upp í dans?
Hún: Mér finnst þetta leiðinlegt lag og langar heldur alls ekki að dansa við þig.
Hann: Þú hefur misskilið mig. Ég sagði að þig skorti allan „elegans“.

- Ef hægra lærið á þér væri aðfangadagur og það vinstra gamlársdagur mætti ég þá heimsækja þig á milli jóla og nýárs?

- Þú ert kannski ekki sú sætasta hérna en fegurðin er bara í slökkvara fjarlægð ...

- Hæ, ég er líksnyrtir. Hvernig ertu í því að þykjast dauð?

- Sú staðreynd að ég er að missa tennurnar þýðir bara að það verður meira pláss fyrir tunguna í þér.

Felicia á bara örfáa mánuði eftir ólifaða, hún fékk þær fréttir í dag og systir hennar, Bridget Ericsdóttir, grét með henni. Sorglegur þáttur. Felicia gefur í skyn að hún vilji að Bridget gangi Nick yngri í móðurstað, þar sem Bridget er nú gift föður barnsins.

Út að borða-dæmið hans Erics þar sem hann ætlaði að plata fyrri konu sína, Stefaníu, til að afsala sér Forrester-tískuhúsinu, með því að hann þættist hata Brooke, rann út í sandinn þar sem Steffí sá í gegnum karlinn. Hún segir honum aftur á móti fréttirnar um Feliciu, dóttur þeirra. Fleira fréttnæmt gerðist ekki, minnir mig. Ég er aftur á móti orðin húkkt á nýju veðursíðunni ... www.yr.no og skelli þar inn orðinu Akranes. Allt hefur ræst þar. Hver þarf spákonur, -menn þegar svona góð veðursíða segir manni allt það markverðasta sem getur gerst?

Athugasemdir

[Heiða B. Heiðars, 19.9.2007 kl. 20:53]

Arg! Þessi með leikfangahestinum er snilld!! :)

[krossgata, 19.9.2007 kl. 21:16]

Það er engin setning þarna sem myndi svipta mér af fótunum.  Það ætti kannski að setja af stað kosningu um bestu upptínslulínuna...

[Hrönn Sigurðardóttir, 19.9.2007 kl. 21:29]

Mér finnst svalahurðin svolítið góð

[Guðríður Hrefna Haraldsdóttir, 19.9.2007 kl. 21:32]

Ég veit hreinlega ekki hver besta viðreynslulínan er en flissa enn yfir þeirri sem kom á hina færsluna um svipað efni, um að skrifa "tilboð" á miða og segja svo að ef hann brosi þá þýði það samþykki. Fannst það hryllilega fyndið en efast um að það virki í reynd. Annars finnst flestum húmor vera æsandi ... úúúúúú ...

Líst vel á keppni um bestu viðreynslulínuna. Síðan hægt að kjósa um þá bestu. Ég skal splæsa flottum verðlaunum, dekurdag í himnaríki eða slíkt ... 

[Hrönn Sigurðardóttir, 19.9.2007 kl. 21:54]

Jeyiiiiii mér líst vel á það..... Verður rabbarabarapæja ekki örugglega innifalið?

[Jóna Á. Gísladóttir, 19.9.2007 kl. 22:25]

ég væri til í að deita líksnyrtinn

[Steingrímur Helgason, 19.9.2007 kl. 22:58]

Já, nú skil ég betur. Með dona pikköpplínur byggi ég líka ein á útnáranesi. Með ketti !

S.

[Jóhanna Hafliðadóttir (IP-tala skráð) 19.9.2007 kl. 23:29]

Fyrir langa löngu sagði maður við mig "Hvernig litist þér á að ég færði þér morgunmatinn í rúmið í fyrramálið?" - það voru nú svo langar í mér leiðslurnar að ég fattaði ekki pickuppið  - svo það virkaði ekki (held það hefði hvort sem mér ekki virkað - mér fannst hann monthani.) En línan er góð.

[Guðríður Hrefna Haraldsdóttir, 19.9.2007 kl. 23:39]

Jóhanna, þessi lína er góð! Sammála. Fleiri? Eða á Jóhanna að fá pæið?

Farin að sofa meira ... blundaði yfir mynd ...  

[Jenný Anna Baldursdóttir, 20.9.2007 kl. 00:20]

Búin að splæsa mínum pikköpp línum í Ellýjarfærslur.  En törnoff línur eru flottastar.

Hann:  Villtu dansa?

Hún: Já

Hann: Dansaðu þá.

Annars elska ég hestinn, líksnyrtinn og svalahurðina.  OMG hvað ég hló.

[Jens Guð, 20.9.2007 kl. 02:26]

  Ég hef aldrei fattað trixið með "pick up" línum.  En það eru margir góðir brandarar með þær. Ég held reyndar að í fæstum tilfellum sé um raunveruleg dæmi að ræða.  Og þó.  Hvað veit gamall maður á sextugsaldri um það hvað unga fólkið er að pæla?

[María Anna P Kristjánsdóttir, 20.9.2007 kl. 08:20]

Mér finnst á milli jóla og nýárs nokkuð góð,kannski  grófari en hinar, en hvað erum við ekki öllu fullorðin þolum ýmislegt,

[Heimir Lárusson Fjeldsted, 20.9.2007 kl. 08:47]

Þið eruð ágætar stelpur.

[Guðríður Hrefna Haraldsdóttir, 20.9.2007 kl. 08:59]

Já, sumt af þessu var ansi gróft en ég lokaði bara augunum þegar ég skellti þessu inn, enda dama. Þetta nær samt engan veginn Ástu í góðu stuði, hvað þá Tomma bílstjóra ... Ég fell stundum í öngvit þegar þau byrja að tala. Aðallega úr hlátri, þau eru svo skemmtileg.

[Kjartan Pálmarsson, 20.9.2007 kl. 09:05]

Heimsókn milli Jóla og Nýárs er snilld

En  þetta með feitletruðu og fjallmyndarlegu þáttaröð þá er það nú svo að ég hef óvart  dottið ofaní einn og einn þátt og það eina sem mig langar að gera er að hitta höfund þessarar eilífðar sápu og skella á hann einum god morgen. sá hlýtur að vera steiktur í kollinum. Eitt dæmi Brook er eins og vörður við hringekju sem í eru allir feðgarnir,tengdasonurinn og fleiri kallar sem svo pota í hana ,,allir'' með reglulegu millibili aftur og aftur  mikið svakalega held ég að hún sé farin að lykta ........ heimsborgaralega