Ill meðferð ...

Sit hér við vinnu mína og horfi af og til á fallegu öldurnar. Var að fletta gömlum Vikum í gær og rakst þar á dagsanna sögu sem mig langar að deila með bloggvinum mínum:

Jón og Gunna fóru til dómarans og kváðust vilja skilja.
„Hver er orsökin?“ spurði dómarinn
„Grimmdarleg og ómanneskjuleg hegðun mannsins míns,“ sagði Gunna, „alltaf þegar hann er á fylleríi dettur honum eitthvað fáránlegt í hug en nú hefur hann farið yfir öll mörk. Um síðustu helgi batt hann mig við rúmið, setti á mig gervihænugogg, smurði mig með lýsi og neyddi mig til að syngja Gleðibankann!“
„Guð minn góður,“ sagði dómarinn. „þetta er hræðilegt.“
„Já,“ sagði konan, „Jón veit alveg hvað ég hata þetta lag!“

 

Athugasemdir

[Guðrún Jóhannesdóttir, 2.10.2007 kl. 17:03]

Ekki minnist ég tess arna úr skilnaðarferli mínu og hans Jóns hehehehe

[Edda Agnarsdóttir, 2.10.2007 kl. 17:53]

Æ æ enda maðurinn ekki mikill "Gleðibanki"!

[Jenný Anna Baldursdóttir, 2.10.2007 kl. 18:24]

Hahahaha, þú drepur mig (ef merghvarfið gerir það ekki).

[Ásdís Sigurðardóttir, 2.10.2007 kl. 20:32]

Hún Gunna hefur semsagt verið óttarleg hæna,  ef Jón greyið hefði valið t.d. Góða ferð, hefði þetta sloppið til. 

[Ásgeir Rúnar Helgason, 2.10.2007 kl. 20:40]

OKeiii!

Allt er jú afstætt og misjafnt er mannanna meinið:

[Halldór Sigurðsson, 2.10.2007 kl. 21:29]

hehehe alger snilld

[Brynja (IP-tala skráð) 2.10.2007 kl. 21:30]

Var að súpa á mínu eðal kaffi þegar ég las þetta og frussaði nánast öllu yfir skjáinn Gleðibankinn Rúllar á mínu heimili í sátt og samlyndi

[Jóna Á. Gísladóttir, 2.10.2007 kl. 22:08]

neeeeeiiiii

[Steingrímur Helgason, 2.10.2007 kl. 23:54]

Skrýtin kona, þetta er fínt lag !

Shnilld zamt.....

S.

[Þröstur Unnar, 3.10.2007 kl. 00:13]

Hvað er með Guðríði, farin að sofa fyrir fréttir á hverju kvöldi, verð að segja að ég hef áhyggjur af þessu. Ætli það sé húsbóndinn nýi, eða er hún fúl útí okkur Edda að þyggja ekki eplapæið. It worryes me.

Kannski er hún bara að hlusta á Gleðibankann boundet and slippy.

[Þóra Sigurðardóttir, 3.10.2007 kl. 00:27]

Veistu nokkuð símanúmerið hjá Jóni þessum

[Jens Guð, 3.10.2007 kl. 01:52]

  Ég náði þessum ekki alveg.  Enda barnalegur og fattlaus. 

[Guðríður Hrefna Haraldsdóttir, 3.10.2007 kl. 08:05]

Æ, Jens, þú ert ekkert fattlaus eða barnalegur, elskan, þetta er bara sýrður brandari. Flestum hefði þótt nóg um að láta maka sig lýsi og niðurlægja ... nei, þessi kona leit á það sem aukaatriði, hún hataði Gleðibankann ... eins og skipti einhverju máli hvaða lag hún var neydd til að syngja ..., jamm.

Ég veit ekki hvernig ég á að skilja NEIIIIIII-ið frá Jónu.

Já, ég var að vinna í gærkvöldi og tölvan var líka hundleiðinleg við mig, ég datt í sífellu út úr tengingu og gat eiginlega hvergi kommentað nema með mikilli fyrirhöfn. Gat því ekki bloggað um það hvernig ég var næstum því dáin af kjúklingaeitrun og svona ...