Hringtorg óttans ... Sódóma Skagans ... Árni spennunnar

Við Inga brenndum á Skagann seinnipartinn og komumst aldeilis í hann krappan á leiðinni. Við stefndum inn í innri hring í einu af hringtorgunum í Mosfellsbæ og risastór trukkur með langan vagn (án yfirbyggingar) tók sömu ákvörðun nema hann fór í ytri hring á fleygiferð, já, og þann innri líka. Ef Inga hefði ekki skellt sér upp á hringtorgið og stoppað bílinn værum við ekki enn komnar upp á Skaga, mun líklega komnar á séns niðri á löggustöð ... eða spítala, slík var ferðin á trukknum. Frábær bílstjóri hún Inga og með fjarlægðaskynjunina í góðu standi.

Erfðaprinsinn skrapp á Mörkina (sódómugómorrustað okkar Skagamanna, beint á móti kirkjunni) til að horfa á landsleikinn og á meðan fær Jónas að leika sér í himnaríki. Ég hreinsaði hann vel áður og þessi elska kann að meta það og leggur ekki lengur ganginn í einelti, heldur alla íbúðina.

Fékk nýju bókina hans Árna Þórarinssonar í hendur í dag og eina ástæðan fyrir því að ég er að blogga núna en ekki lesa er sú að ég er að hlusta á fréttirnar á Stöð 2, skylduna. Svo verður lesið.

Viðbót: Ég hvet alla til að skrifa undir áskorun til stjórnvalda, sjá meira um málið hjá Ásdísi. Sett hér undirskriftahlekkinn og hlekkinn að síðu Ásdísar:

 

http://www.petitiononline.com/lidsauki/petition-sign.html?

http://asdisomar.blog.is/blog/asdisomar/

 

Athugasemdir

[Glúmur Gylfason (IP-tala skráð) 17.10.2007 kl. 19:34]

Þú ert svo hrifin af atvinnubílstjórum að ég þori ekki að koma með álit í sambandi við trukkinn.

[Guðríður Hrefna Haraldsdóttir, 17.10.2007 kl. 19:39]

Láttu það flakka (ef það er ekki mjög móðgandi). Tek það fram að strætóbílstjórarnir mínir eru annað og meira en atvinnubílstjórar ...

[Guðríður Hrefna Haraldsdóttir, 17.10.2007 kl. 20:27]

Til hamingju með það ... er það ekki annars? Annars ertu alltaf flottur, hvort sem þú keyrir eða pikkar á lyklaborð. Hehehhe

[Glúmur Gylfason (IP-tala skráð) 17.10.2007 kl. 21:44]

Held að íslenskir atvinnubílstjórar með meirapróf séu hópurinn sem næstur  er í röðinni á eftir 17 ára strákum - þeirra sem oftast enda með hjólin upp í loft. A. m. k. sé miðað við myndbirtingar í blöðum.

[Jenný Anna Baldursdóttir, 17.10.2007 kl. 22:23]

[Jensen (IP-tala skráð) 17.10.2007 kl. 23:54]

Það er með þessa blessaða trukkabílstjóra,ég held að þeir sjái ekki nógu vel út um framrúðuna hjá sér.Það er soldið fyndið og líka kjánalegt þeir eru margir hverjir komnir með hálfsfermetra skilti með nöfnum og eða gælunöfnum sínum í framrúðuna,auðvitað amerísk della.Það er alveg ógnarkraftur í þessum trukkum,þekki það sjálfur af eigin raun,menn verða of öruggir með sig undir stýri á svona tröllum,en menn mega ekki gleyma því hvílík ábyrgð það er að aka um á svona flykkjum.,.,.jæja nóg í bili.     En bíddu nú við er Jenný alveg orðlaus.?

[Jens Guð, 18.10.2007 kl. 00:21]

Árni Þórarins er ekki aðeins góður penni.  Ég teiknaði fyrir hann  myndir af poppurum í gamla dagq þegar hann hélt úti á Morgunblaðinu poppmúsíksíðu sem hét Slagsíðan.  Ég varð meira að segja pínulítið frægur þegar hann t´´ok við mig viðtal á Slagsíðunni. 

[Kjartan Pálmarsson, 18.10.2007 kl. 01:08]

[Breiðholtskhatarinn (IP-tala skráð) 18.10.2007 kl. 01:36]

Hví fékkstu bókina í hendur? Einhver sérstök ástæða? Heitir bókina kannski "Skaginn hefur eina skessu" ?

[Birgir Þór Bragason, 18.10.2007 kl. 08:56]

ég get svarið það að ég lenti í þessu um daginn. Ég er ekki viss með trukkabílstjórann en ég held að hún hafi allavega verið yfir fertugt.