Æsandi hryllingsblogg með erótísku ívafi

Fékk svona BDSMS frá Ástu í morgun um drossíufar en Ásta hélt samt að við kæmumst ekki í bæinn vegna hvassviðris. Ég trúi á veðurmælinn á Kjalarnesinu (þótt mætti setja upp annan rétt sunnan við göngin) og sagði henni að hviðurnar næðu ekki einu sinni 30 m/sek. „Drífðu þig bara, kjéddlíng,“ sagði ég og fór að búa til latte fyrir okkur. Ferðin gekk glimrandi vel en greinilega ekki hjá öllum ... við ókum fram á bilaðan aukastrætó milli Mosó og Rvk. Farþegarnir voru horfnir. Hvað er í gangi? Okkur Skagamönnum hefur reyndar snarfækkað undanfarna daga, alveg úr 6.243 íbúum niður í 2.585. Skyldu geimverur hafa étið farþegana? Hvers vegna sleppur bílstjórinn alltaf? Já, Ásta hefur væntanlega bjargað mér frá skelfilegum örlögum með því að senda mér þetta BjargardeginumSMS.

Sótti útprentaðar blaðsíður af tilvonandi næstu Viku í prentarann áðan og sá að guðdómlega lífsreynslusagan er m.a. tilbúin og ... líka sitthvað fleira sem ekki tengist virðulegu fjölskyldublaði, heldur dónablaði sem heitir B&B. Ég argaði upp yfir mig, ekki af hræðslu, kommon ég er lífsreynd. Þegar öryggisverðirnir komu hlaupandi (því miður alltaf tveir saman) var ég orðin róleg. Þeir slefuðu af leiðindum þegar þeir sáu klámsíðurnar og sögðust óttast mun meira dulbúna klámið, m.a. í tónlistarmyndböndum og í "sárasaklausum" bæklingum. Ég rétti úr mér aftur, þar sem ég stóð ögrandi við prentarann, þurrkaði votar varir og lokaði munninum. Ekki stund, ekki staður ...

Enn einn æsispennandi morguninn er sem sagt runninn upp. Hvað gerist í tíukaffinu? Mun Eiríkur  hreyfa augun getnaðarlega við vatnskælinn? Horfir nýi maðurinn áfergjulega á mig þegar ég fæ mér espressó með G-mjólk(urstreng) út í? Hvað ætli verði í hádegismatinn hér í Lynghálsinum? Kannski ostrur og hvítvín? Missið alls ekki af næstu færslu um Dindlana í Hálsaskógi!!!

Athugasemdir

[krossgata, 18.10.2007 kl. 10:03]

G-mjólkurstreng! 

Ég velti fyrir mér ef settur yrði upp vindhraðamælir sunnan við göngin og þú myndir fara að taka eitthvað mark á honum (alveg óvart geri ég ráð fyrir) hvort það væri ekki argasta trúvilla?

[Guðríður Hrefna Haraldsdóttir, 18.10.2007 kl. 10:12]

Sko, ég trúi til dæmis á útvarpsbylgjur þótt þær séu ósýnilegar ... Gott að einhver þorfði að kommenta, ég hélt að ég hefði algjörlega gengið fram af bloggvinum mínum með þessu klámi. Ert þú kannski ónæm fyrir slíku, lífsreynd eins og ég, kæra krossgata?

[krossgata, 18.10.2007 kl. 10:14]

Ég á mína sterku daga.    Og svo lífsreynd og gömul sem á grönum má sjá.

[Kjartan Pálmarsson, 18.10.2007 kl. 10:22]

Ég held að í hádeginu verði borin fram, gratíneruð smálúða með Parísarkartöflum ásamt fersku salati, og hvítt með og eftirrétturinn verði Indverskur sólberjabúðingur með kókosmjöli. Segðu bara engum frá því.

[Guðríður Hrefna Haraldsdóttir, 18.10.2007 kl. 10:31]

Hljómar vel. Ætla bara rétt að vona að þetta sé kynörvandi matur ...

[Kristín Katla Árnadóttir, 18.10.2007 kl. 10:48]

Þú er alveg frábær Gurrí mín

[Guðrún Jóhannesdóttir, 18.10.2007 kl. 11:18]

fór hlæjandi frá tölvunni í nótt (eftir vinnu) og skelli upp úr um leið og ég opna fyrsta bloggið   Ég varð reyndar snöggvast hálfsmeyk þegar ég sá geimverumyndina hélt að erfðaprinsinn væri að blogga til að láta vita af ráni á móður hans hehehehe

Verða ekki kampavín með ostrunum ;)

nú býður maður spenntur eftir næstu færslu.... 

[Þröstur Unnar, 18.10.2007 kl. 11:41]

Hef eftir áræðanlegum heimildum að þessi fækkun íbúa tengist Stóra Orkuveitumálinu.

[Doddi - Þorsteinn G. Jónsson (IP-tala skráð) 18.10.2007 kl. 14:37]

Það má leika sér með G-mjólkurstreng ... haba haba. Viagra-bættar ostrur ... Konur með börn á brjósti auka kynhvöt annarra kvenna í nágrenni við sig (þ.e. svitalyktin af þeim) ... lífið er blátt og ég elska það.

Spurning um að fá sér ostrur með þér, einhvern tíma, Gurrí?

[Ásdís Sigurðardóttir, 18.10.2007 kl. 14:49]

Woman you kill me    

[Einar (IP-tala skráð) 18.10.2007 kl. 15:02]

Ég held sem betur fer að skagamenn eru í örum vexti, komnir á sjöunda þúsund "and growing" nema að þetta er eitthvað geimverudæmi þá erum við í slæmum málum :( 

Kveðja

Mr. E 

[Anna Ólafsdóttir (anno) (IP-tala skráð) 18.10.2007 kl. 18:32]

Djísöss,  þessi kafli: Enn einn æsispennandi morgunninn: Ertu komin með hlutverk í einhverjum Bold and beautiful, Neighbours, Guiding light (eða hvað þeir heita nú allir) þætti???