Langar heim í heiðardalinn ...

Var svo rosalega dugleg í dag að ég verðlaunaði mig með sykurdrullu, bakarístertu úr mötuneytinu, til að ná upp blóðsykrinum. Engin súkkulaðiterta til. Hefði kannski frekar átt að fara í ávaxtadeildina og fá mér bananabombur eða appelsínusúkkulaði. Langar sjúklega að fara að komast heim, Inga búin að bjóðast til að skutla mér í Mosó og nýjasta Mary Higgings-Clark bókin bíður spennt ofan í poka eftir að verða lesin í strætó. 

Þetta gerist stundum á föstudögum ... síðum til að lesa yfir er dælt í okkur fram til þrjú en þá hefst biðin langa eftir síðustu fimm síðunum eða svo. Held þó að það sé ekki viljandi gert til að ég komist ekki heim fyrir myrkur en Jón Óskar benti mér þó á að ég væri með strætó á heilanum og gaf í skyn að ég kúgaði umbrotsdeildina andlega með sakleysislegum spurningum á borð við: "Haldið þið að ég nái 16.45 strætó frá Mosó eða kannski bara 17.45?"

Athugasemdir

[Anna Ólafsdóttir (anno) (IP-tala skráð) 2.11.2007 kl. 17:26]

Ég væri alveg til í að fara með þér í alvörubakarí  

[Fjóla Æ., 2.11.2007 kl. 17:43]

Ég vona bara að þú komist heim til að lesa þessa dýrindisbók sem þú ert með í poka. Einn af mínum uppáhaldshöfundum þar á ferð.

[Kristín Katla Árnadóttir, 2.11.2007 kl. 18:12]

Knús og klem

[Ásdís Sigurðardóttir, 2.11.2007 kl. 19:14]

Þú ofdekraða kona, má ég vera þú eina helgi ? fara heim í himnaríki með frábærar bækur í poka, borða himneskar súkkulaðibækur.  Hafðu það rosalega gott um helgina min kæra.

[Hildigunnur Rúnarsdóttir, 2.11.2007 kl. 19:22]

Ég er reyndar löngu orðin leið á Mary Higgins Clark enda farin að endurtaka sig ansi hreint mikið.  En hvað sem þið gerið, ekki láta gabba ykkur til að lesa eftir dóttur hennar, Carol.  Las eina bók eftir hana og það var sko þynnsti þrettándi sem ég hef á ævi minni lent í.  

[Steingrímur Helgason, 2.11.2007 kl. 19:52]

Mosfellsbakaríisfrönskssúkkulaðiterta á skilið svona langt nafn.

Mary Higgings-Clark, lesa, ólaunað, viljandi ?

S.

[Guðríður Hrefna Haraldsdóttir, 2.11.2007 kl. 20:05]

Þessi nýja MHC lítur bara ágætlega út og mér líst vel á þetta sem ég er búin með. Minnir að ég hafi ekki klárað þá sem kom í fyrra. Höfundar geta ekki alltaf verið stórkostlegir ... Já, Steingrímur, viljandi en reyndar vinnutengt. Hjá sumum koma ekki jól nema þeir fái Arnald eða Mary Higgins ... 

[Marta B Helgadóttir, 3.11.2007 kl. 01:29]

Það er kominn nýr bókalisti fyrir Leshring