Þakkargjörð án sláturs og klikkað veður á Kjalarnesi

Við Inga fórum í guðdómlega þakkargjörðarmáltíð á TGI Friday í gær. Held að vér Íslendingar hefðum gott af því að fá svona sið, fjölskylduþakklætishátíð áður en aðventan gengur í garð. Er ekki hægt að íslenska þennan sið án þess að t.d. slátur komi við sögu? Það er nefnilega maturinn sem er æði, kalkúnninn með sætkartöflumús, trönuberjasultu, fyllingu og sósu ... namm. Þetta bragðaðist afar vel í gær og ekki skemmdi þjónustan fyrir! Hún var afbragð.

Södd og sæl og komin með smá amerískan hreim settist ég í leisígörl til að horfa á House lækni. Bókin um Aron Pálma lá í fanginu til að lesa í auglýsingahléum. Ja, mín bara sofnaði þegar þátturinn var hálfnaður. Vaknaði kl. 4 í morgun með bæði Aron Pálma og Tomma (getraun: kött eða bílstjóra?) í fanginu. Allt uppljómað í himnaríki. Svipað gerðist inni í bókaherbergi, erfðaprinsinn sofnaði yfir House, vaknaði um sexleytið, þegar ég fór á fætur, og var þá með Harry Potter á maganum og Kubb til fóta. Kláraði bókina í nótt, enda átti ég bara einn kafla eftir, og háttaði upp í rúm. Gott var að vakna tveimur tímum seinna við frábærlega dásamlegt BD-SMS frá Ástu. Þegar ég hoppaði út úr himnaríki var alsæll og einnig vel útsofinn erfðaprinsinn tekinn til við að lesa Potter.

Ferðin okkar Ástu í bæinn gekk stóráfallalaust þrátt fyrir klikkað veður á leiðinni. Við fórum hina leiðina út úr bænum, aðalleiðina svokölluðu, og sáum á skiltinu þar að vindhviður á Kjalarnesi voru bara 21 m/sek. Við reyndum að hlæja í gegnum hræðslutárin og skelfingarskjálftann þegar við komum upp úr göngunum sunnanmegin en hviðurnar voru sko ansi mikið meira en 21 metri á sekúndu! Það hefði verið ófært ef það hefði snjóað, mun kaldara á Kjalarnesi en á Skaganum, hefði getað snjóað ...

Þurrkurnar voru á mesta hraða hjá Ástu og hún bað mig, sem aðstoðarbílstjóra sinn um að fylgjast vel með þeim. Það síðasta sem ég man var þegar Ásta sagði: „Nú þyngjast augnlokin ...“ Svo var ég bara komin við skrifborðið mitt. Í dag ætla ég að vera dugleg, ekki veitir af ... ég er sko að safna fyrir Hawaii-ferð handa Ástu. 

Athugasemdir

[Þröstur Unnar, 23.11.2007 kl. 08:38]

Óregla í Himnaríki?

Dramadrottning.

[siggi (IP-tala skráð) 23.11.2007 kl. 09:08]

hæ Frú Gurrí. Gott til þess að vita að þú sért heil komin til borgarinnar, það hlýtur að hafa verið hvasst undir Kjalarnesi, ´því hér í Norðlingaholti er ofsaverður, ég gæti haldið að ég væri að fara í gegnum bílaþvottastöð þessa min, svo mikil er rigningin.

siggi

[Guðríður Hrefna Haraldsdóttir, 23.11.2007 kl. 09:09]

Svona óregla er nú ekki algeng ... voðalega hef ég verið þreytt fyrst þetta gerðist. Held að hitapoki við bakið hafi gert útslagið og svæft mig, er að ná allra síðustu leifum þursabitsins úr mér. Jamm, æm ðe dramakvín! NOT!!!

[Guðríður Hrefna Haraldsdóttir, 23.11.2007 kl. 09:10]

Já, Siggi, þetta er góð samlíking, það var svo blaut rigningin núna að þetta var eins og inni í bílaþvottastöð ...

[siggi (IP-tala skráð) 23.11.2007 kl. 09:31]

Erum við ekki öll innvið beinið DRAMAKV'IN? spyr sá er ekki veit 

siggi

[Guðríður Hrefna Haraldsdóttir, 23.11.2007 kl. 09:39]

Heheheh, jú, missti mig aðeins í veðurlýsingunum, sorrí! Kjalarnesið var samt eins og bílaþvottastöð!!!

[siggi (IP-tala skráð) 23.11.2007 kl. 09:43]

Skrýtið, nú er komið logn og enginn rigning núna þegar ég er á leiðinni í strætó,  ég sem var búin að undirbúa mig undir bleytu ég þessi mikla DRAMAKV'IN

siggi

[Brynja blogg.central.is/skordal_1 (IP-tala skráð) 23.11.2007 kl. 10:33]

Nammi trúi því að maturinn hafi verið lostæti æ já þetta er leiðinda veður ekkert skrítið þótt sumir sofni í lasígörl kemur stundum fyrir besta fólk þarf að fara alla leið til Hveragerðis í dag og heimta gott veður Hafðu góða helgi mín kæra

[Hulda (IP-tala skráð) 23.11.2007 kl. 11:07]

Þetta var nú svakalega góður þáttur með House í gær

[Kristín Katla Árnadóttir, 23.11.2007 kl. 11:46]

[Ragnheiður , 23.11.2007 kl. 12:45]

KÖTT !

Það þorir enginn að taka þá í þessari getraun.....

Iss ég væri löngu dáin úr veðurhræðslu...óboj

[Ásdís Sigurðardóttir, 23.11.2007 kl. 13:12]

Ég missti af House, verð að bíða eftir endursýningunni.  Eg fór á röltið með húsbandinu, það var verið að kveikja á jólaljósunum hér í bæ og búði opnar til 22.00 og 22% afsl. í flestum búðum, fengum jólaglögg í Kjarnanum. Veðrið einstaklega frábært.  Vona að þú fáir gott veður á heimleiðinni. Öfunda þig rosalega af öllum þessum bókalestri.   

[Guðrún Jóhannesdóttir, 23.11.2007 kl. 13:36]

humm, kötturinn Tommi!  hinn hefði örugglega EKKI legið kyrr og látið þig sofa hehehehehe

[Linda, 23.11.2007 kl. 13:44]

Það væri frábært að Íslenska þessa hátíð og sleppa slátri og súrmat í leiðinni, alvega sammála  Með því fáa sem ég sakna frá BNA er Thanksgiving, yndisleg hátíð og dásamlegur matur og oftast góður félagskapur.

[Magnús Geir Guðmundsson, 23.11.2007 kl. 16:01]

Íslenskan lifi!

Og svo verður hægt að leika sér um kl. 21.30 með mér, í a la Kalla Tomm og það á íslensku!

[Guðrún Jóhannesdóttir, 23.11.2007 kl. 19:14]

slátur og ekki slátur, krakkar við höldum nú jólin sláturlaus, svona flest okkar er það ekki

Þakkargjörðarhátíð?  alltaf gaman að borða góðan mat! 

[Jens Guð, 23.11.2007 kl. 21:15]

Það góða við að halda upp á Þakkargjörðardaginn er að við getum gert það tvisvar með mánaðar millibili:  Fyrst er það með Kanadísku Vestur-Íslendingunum.  Síðan með Bandóðuríkjamönnum.  Ég las einmitt bókina hans Arons Pálma áðan um fjörið í bandarískum fangelsum.  Þar kom að vísu fátt á óvart.  Það er búið að afgreiða fangelsismálin þarna svo oft í fjölmiðlum.

[Saumakonan, 23.11.2007 kl. 21:17]

jammí... mig langar í svona  þakkargjörðamáltíð *slurp*

[Einar Örn Einarsson, 23.11.2007 kl. 22:39]

Hehe það er þakkargjörð í sjálfu sér hver sláturlaus máltíð..... allavega blóðmörinn

Er ekki blíða heima á Skaga eins og alltaf?

[Guðríður Hrefna Haraldsdóttir, 23.11.2007 kl. 22:48]

Alltaf blíða á Skaganum, Einar .

Jens, bókin kom mér satt að segja á óvart, ég hélt að ég hefði lesið flest, ef ekki allt, um mál Arons Pálma, en ég varð eiginlega alveg brjáluð, enn brjálaðri en áður út í bandaríska réttarkerfið og refsingagleðina í Texas. Þarna átti barn í hlut!

Anna, TGI-Friday ... þetta er Thank God it´s Friday, held ég að staðurinn heiti fullu nafni.

Já, og hinar dúllurnar, leggjum höfuðið í bleyti og finnum upp hátíð í skammdeginu, hátíð sem inniheldur helst kalkúnamáltíð. Þarf alls ekki að heita þakkargjörðarhátíð ...  Thank Tom Cruise it´s nearly Christmas ... en auðvitað á íslensku? Æ, ég er farin að röfla, enda grútsyfjuð ....zzzzZZZZZZZ 

[Jensen (IP-tala skráð) 23.11.2007 kl. 23:29]

Þess óska ég að við hér á landi,förum EKKI að taka upp það sem kallað er Þakkagjörðshátið-átveislubull ættað frá sódóma Bandaríkjunum(annars var mér sagt einhverntíman að þettað hafi komið með Ítölum til  U S A)..en jæja förum ekki að éta upp meira bull sem frá Bandaríkjunum kemur.Eitt lákúrulegt dæmi''valentínusardagur,eða Valdísardagur einsog margir segja,Valdís á Bylgjunni er alltaf að reyna að troða þessu inná okkur.....Íslenskt eitthvað gamalt og gott frekar..

[Guðríður Hrefna Haraldsdóttir, 24.11.2007 kl. 00:16]

Já, Jensen, finnum upp eitthvað alveg íslenskt ... en samt með kalkúnaveislu. Sammála þér með amrísku valentínusarvitleysuna. Vil bara eitthvað næs í skammdeginu en það má ekki tengjast súru slátri, þorrinn er fyrir slíkt.

[Jensen (IP-tala skráð) 24.11.2007 kl. 00:19]

Mæli með Sægreifanum við Tryggvagötu,alltaf eitthvað þjóðlegt þar.