Jólaboðinn ljúfi ... tekin í baði ...

Sat með kaffibolla við stofugluggann og beið eftir að baðkerið fylltist. Á meðan ég lá í baði og las Hroka og hleypidóma í kilju notaði einhver tækifærið ... og nú er alhvít jörð, Langisandur er meira að segja gráhvítur. Vissi ekki að eitt stykki sunnudagsmorgunbað hefði svona mikil áhrif. Alltaf gaman að láta koma sér á óvart. Mikið ætla ég út á svalir á eftir og fara í snjókast, jafnvel búa til snjókarl.

Lítið fór fyrir menningarlífinu í gærkvöldi. Fór greinilega of snemma á fætur (til að vernda bakið), kom mér vel fyrir í leisígörl sem ég var búin að koma vel fyrir við glugga, og með kaffibolla í annarri og góða bók í hinni sá ég fram á notalegan laugardag. Því miður sofnaði ég fljótlega og svaf eiginlega meira og minna allan daginn. Hvernig er þetta hægt? Fann fyrir gífurlegri leti erfðaprinsins í gærkvöldi við að hreyfa sig spönn frá rassi og því sleppti ég því að klæða mig og fara að hlusta á Megas. Held meira að segja að það hafi verið pönnukökur í Skrúðgarðinum. Ef ég þekki Skagamenn rétt þá hefur verið vel mætt.

Sigrún Ósk, meðreiðarmær mín í Útsvari, hafði samband og ég held að það væri snjallt að hittast, eins og hún stakk upp á. Stilla saman strengi, æfa svindl og svona.

Það næst illa í þriðja aðilann ... enda bissí maður. Annað en við (broskarl). Sigrún er líka blaðamaður, vinnur í Rvík og býr í næsta nágrenni við himnaríki. Já, heimurinn er lítill.

Hún ber það harkalega af sér að vera gáfnaljósið í hópnum. Hún dirfist þó ekki að þykjast vera sæta manneskjan, það sæti er frátekið ...

Say no more ... 

Athugasemdir

[Guðný Anna Arnþórsdóttir, 25.11.2007 kl. 12:20]

Oh, hvað þetta er kósí hjá ykkur í Himnaríki..

Mér líst einkum og sér í lagi sérdeilis prýðilega á að þú verðir í Útsvari. Hvenær verður þátturinn?

Ég skil þig vel að sofa heilan dag. Ég gæti sofið í viku, uppstyttulaust, ef ég tæki nokkrar Panodil á dag. Við erum svona næm, sum.

Góðan bata í bakinu, elsku heillin.

[Guðríður Hrefna Haraldsdóttir, 25.11.2007 kl. 12:26]

Þátturinn verður næsta föstudag! Argggg! Já, bakið hlýtur að verða orðið gott þá. Býst við að einhver annar en ég hlaupi í bjölluna, annars verður Beta sjúkraþjálfari brjáluð! Annars er ég eiginlega alveg að vera albata í bakinu.

[Jóna Á. Gísladóttir, 25.11.2007 kl. 12:36]

Úff það virkar kalt á svölunum í Himnaríki

[Guðrún Jóhannesdóttir, 25.11.2007 kl. 12:48]

snjókast og snjókarl á svölum himnaríkis   ég byggi mér snjóHÚS geri snjókarl og fer í snjókast á mínum "svölum" sem er bílskúrsþak þeirra niðri hehehehe. EN ég fór á MEGAS!!! frábært kvöld.

Góðan dag himnaríkisprinsessa, ótrúkeg áhrif sem þú hefur á veðrið, dansar regndans og það rignir, lætur renna í morgunbaðið og það snjóar

[Heiða B. Heiðars, 25.11.2007 kl. 12:59]

Megas!! Hvar var Megas? Andsk... mig langar svooooo á Megas!! Trúi því ekki að þú hafir sofið hann af þér!

[Guðrún Jóhannesdóttir, 25.11.2007 kl. 13:06]

Megas var hér í nafla alheimsins á AKRANESI hjá henni Maríu í SKRÚÐGARÐINUM! já Gurrí missti af miklu

[Hildigunnur Rúnarsdóttir, 25.11.2007 kl. 13:14]

Veistu hverjir eru í Hafnarfjarðarliðinu? Ef hann Gísli málbein er þar á meðal á ég eftir að eiga í vandræðum með að vita með hverjum ég á að halda  

[Guðríður Hrefna Haraldsdóttir, 25.11.2007 kl. 13:22]

Megas snillingur, synd að missa af honum.

Svona lítur þetta út á vef RÚV:  

12. þáttur 30.11.

Akranes
Bjarni Ármannsson
Guðríður Haraldsdóttir
Sigrún Ósk Kristjánsdóttir

Hafnarfjörður
Sævar Helgi Bragason
Björk Jakobsdóttir
Guðni Gíslason

[Þröstur Unnar, 25.11.2007 kl. 14:02]

Það er spurning um að þora ekki að horfa á þáttin. Er nebbnilega með hjartað í brókinni.

Flott á Skaganim í dag, Drífa Sig  út að labba kona.

[Þröstur Unnar, 25.11.2007 kl. 14:03]

Skaganum ....auddað.

[siggi (IP-tala skráð) 25.11.2007 kl. 16:32]

Skemmtu þér vel í Útsvari næsta Föstudagskvöld, ætla að horfa annars ekki mikið fyrir að horfa á þennan leiðinda þátt.

siggi

[Magga (IP-tala skráð) 25.11.2007 kl. 20:51]

Mikið rosalega hlakkar mig til að sjá þig keppa í Útsvari, þið rúllið þessu upp, Ég var spennt þegar ég heyrði að minn gamli heimabær (þó stutt hafi verið) væri að keppa.Var rosalega glöð að lesa að þú værir í liðinu.....Áfram Akranes ....

[Guðný Anna Arnþórsdóttir, 25.11.2007 kl. 22:13]

Iss, þið burstið Hafnarfjörðinn....

[Hildigunnur Rúnarsdóttir, 26.11.2007 kl. 10:16]

Noh, þá er ekki nokkur spurning, held með ykkur (þó ég þekki reyndar Guðna ágætlega)