Fokið heim í heiðardalinn

Við Ásta komumst heilu og höldnu (í hviðum upp á 27 m/sek) alla leið í Einarsbúð og þangað mætti erfðaprinsinn ofsaglaður, enda finnst honum fátt skemmtilegra en fara í búðir. Á meðan ég lá í hægindastól í spennumyndahorninu keypti erfðaprinsinn í matinn og það lítur út fyrir guðdómlegan kvöldverð í himnaríki á laugardag. Fimm manna veislu.

Fékk þessa líka frábæru hjálp í Einarbúð við valið, ákvað að kaupa fylltan lambahrygg með gráðaosti og villisveppum, verður tilbúið á morgun. Það er nóg að segjast ætla að halda veislu þá er ekkert lát á hugmyndum og ráðgjöf í þessarri búð. Þetta verður ekki gamaldags ósmekkleg veisla með 20 tegundum af meðlæti og kokkteilsósu, eins og ég var þekkt fyrir, alla vega ein jól í gamla daga. Þess í stað verður ferskt salat og sætkartöfluréttur. Þarf reyndar að finna sellerírót til að fullkomna þann síðarnefnda. Jamms, það er nóg að gera á stóru heimili.

Athugasemdir

[Jenný Anna Baldursdóttir, 29.11.2007 kl. 20:11]

Hei, værirðu til í að deila með þér sætukartöfluuppskrift.  Nota þær mikið og get alltaf þegið tilbreytingu.

Bon apitit.

[siggi (IP-tala skráð) 29.11.2007 kl. 20:52]

ég vona að þú borðir nú ekki yfir þig af öllum þessa góða mat sem e-prinsin var að kaupa, á MEÐAN ÖLDURÐ móðir sat og skoðaði spennumyndir, fannstu eina til að horfa á? Er ekki komið mikið rok í himmnaríki? Hér í Norlingaholtinu er nokkuð hvasst, vara meira að seigja að hugsa um að taka niður jólaljósin sem ég er búin að setja upp á savlirnar, en ég myndi fjúka á haf út ef ég myndi leggja í það að fara út á svalir, þó er nú nokkuð þungt í mér pundið. Góð gjöf til uppáhalds móður er aldrei of dýr, og hugsaðu þér þá þarft þú ekki að naggast í honum e-prinsi að ryksuga fyrir þig. En flottur diskur t.d Ellen og "when I think of engles I think of you" í nýrri útsetningu er frábær gjöf. 'Eg verð að kaupa hann sjálfur og hlusta á hann í laumi.

bestu kv til þín og e-prinsins + katta

siggi

[Steingrímur Helgason, 30.11.2007 kl. 00:23]

Þetta var matarleg færsla.  Blogglegt smjattpatterí frá mér.

Í sveitinni er það ekki talinn góður siður við lömbin sín hryggu að fylla þau með öðru en góðum (l)anda úr pyttlu.  En auðvitað er þetta öðruvísi í úthverfum tjöruborgar.

[Guðrún Jóhannesdóttir, 30.11.2007 kl. 00:27]

bíddu, er þetta fjölskyldumynd frá síðustu matarveislu, sýnist þú vera þarna og erfðaprinsinn við hlið "aldraðrar" móður sinnar

Vonandi sofa allir vel í himnaríki í nótt, þrátt fyrir belginginn í Kára gamla

[Jóhanna (IP-tala skráð) 30.11.2007 kl. 07:34]

Gurrí mín...

Gangi þér ógó vel í kvöld í Útsvarinu. Ég efa ekki að þú verður ekki bara flottust, heldur gáfuðust líka...

Hlakka til að sjá þáttinn svo á sunnudag þegar ég skila mér aftur frá Budapest...

Gangi þér vel og ég skal lána þér gáfurnar mínar í eins og klukkutíma í kvöld ;)