Sætustu sjarmatröllin

Það styttist í að sjarmatröllin í ættinni verði ársgamlir eða tæpar þrjár vikur. Af því tilefni stal ég nýlegri mynd af heimasíðunni þeirra. Veit að þetta er frænkumont en það rennur nú þingeyskt blóð í æðunum ... með þessu skagfirska, eyfirska og sunnlenska.

Stefni á algjöran letidag í dag, horfa á vídjó á milli þvottavéla, eitthvað slíkt. Tókst með herkjum að sofa til hádegis. Mikill vinnukafli fram undan, gott að vera vel úthvíld. Annars sagðist erfðaprinsinn ætla að viðra mig, hann er ekki bara stærri og frekari heldur gekk hann í Heimspekiskólann þegar hann var lítill. Lærði að rífa kjaft á kurteislegan hátt og rökstyðja mál sitt. Jamm, vona að dagurinn ykkar verði góður.  

Athugasemdir

[Anna Ólafsdóttir Björnsson, 2.12.2007 kl. 16:48]

Æ, en krúttlegir! Já, fínn letidagur hérna, vona að þú getir líka slakað á og haft það rosalega gott.

[Guðríður Hrefna Haraldsdóttir, 2.12.2007 kl. 16:50]

Var að setja í vél og ætla að fara að horfa á myndina um Simpsons! Snilld!

[www.zordis.com, 2.12.2007 kl. 20:22]

Algjörir dásemdardrengir, svakalega mikil breyting á þeim en sami grallarasvipurinn! 

Að rífast kurteisilega er kúl, hefði getað notað það í dag .....

[Ragnheiður Ástvaldsdóttir (IP-tala skráð) 2.12.2007 kl. 20:43]

Frænkur hafa þau forréttindi að mega monta sig, enda eru þetta meira en lítil sjarmatröll og full ástæða til að vera montin af þeim, góð blanda greinilega.

Til hamingju með sigurinn í Útsvari

[Guðrún Vala Elísdóttir, 2.12.2007 kl. 22:43]

Þeir eru ofsasætir en ég verð að segja að í huga mér hljómar alltaf ,,Gurrí glæsilega" eftir að ég sá þig í sjónvarpinu. Ég var ekkert smá stolt fyrir hönd nágranna minna.