Má ekki bregða mér frá ...

Ja, hérna ... Maður má ekki liggja heima í hálsbólgu og ófærð þá verður allt vitlaust í vinnunni og það ekki í fyrsta sinn. Það verður gaman að fá SME í salinn, ef Mannlíf heldur áfram að vera á sama stað, í tíu skrefa fjarlægð frá Vikunni. Við Sigurjón unnum saman á DV í gamla daga og mér hefur alltaf líkað vel við hann. Ég á eftir að sakna Heiðdísar Lilju, enda frábær vinnufélagi. Ásta sem tekur við Nýju lífi af henni, ásamt Ingibjörgu Dögg, var lengi á Vikunni og á án efa eftir að gera góða hluti. Feðgarnir Jón Trausti og Reynir verða fínir saman hjá DV en svakalega þarf að passa sig á honum Reyni ... Í matsalnum í gær sat ég nálægt honum og einhver við borðið spurði hvernig Skagaliðinu hefði gengið í Útsvari fyrir tveimur vikum. Ég sagði honum að við hefðum "malað" Hafnfirðinga ... með fjórum stigum ... hmmmm. Næsti keppinautur væri Ísafjörður þar sem eintómir doktorar og snillingar væru innanborðs, arggg. Sagði líka að bloggvinkona mín, Ragnhildur Sverrisdóttir úr Ísafjarðarliðinu, hefði lymskulega reynt að róa mig með því að kalla mig Vestfjarðaskelfinn. Bætti því við að ég léti ekki blekkjast af slíku. Reynir glotti og sagði blaðamanni DV, sem sat þarna líka, að setja þetta í Sandkorn. Þrátt fyrir áköf mótmæli mín frétti ég að þetta hefði verið birt ... og ég m.a. kölluð doktor í Oliver Twist. Mikið á ég eftir að sitja þegjandi nálægt Reyni framvegis, þótt það verði erfitt. Honum tókst líka að ná öðru og öllu meiri frétt upp úr okkur Vikugellum um að Geiri í Goldfinger hefði boðið okkur í afmælispartí Goldfingers í kvöld, í miðjum réttarhöldunum gegn Vikunni. Sjá bls. 2 í helgarblaði DV.

Þetta með að stórviðburðir gerist alltaf ef ég bregð mér af bæ eru engar ýkjur. Í þriggja mánaða fríinu mínu í fyrra (blaðamenn fá aukalega tvo mánuði á launum, þrjá með sumarfríinu, á sjö ára fresti til að byggja sig upp andlega ... og bæta við sig þekkingu) þá urðu framkvæmdastjóraskipti hjá Fróða og sitt af hverju í þessa átt hefur gerst nokkrum sinnum, ég man alla vega eftir SMS-i frá Steingerði sem bannaði mér að vera frá vinnu framar, það yrði alltaf allt vitlaust á meðan. Held að þetta nýjasta hafi endanlega sannað það.

Til að bloggvinir mínir skilji almennilega hvað það skiptir miklu máli fyrir alheimssamfélagið að ég sé í vinnunni bendi ég á þá nöturlegu staðreynd að ég var í fríi þann 11. september 2001 ... og stödd í sjoppu í Borgarnesi þegar fyrri turninn féll! 

Sigurjón til Mannlífs og Jón Reynir til DV

Athugasemdir

[Heimir Lárusson Fjeldsted, 14.12.2007 kl. 17:44]

Þakka þér fyrir að setja hlutina í svo skiljanlegt samhengi að jafnvel ég held að ég skilji;-)

[Vilhelmina af Ugglas, 14.12.2007 kl. 17:54]

Ég kveð nú bloggheim í bili og sný aftur til Afríku.

Þar sem ég bý er útilokað að blogga en ég les bloggið þegar ég get. Jólagjöfin frá mér til þín er HÉR.

Gleðileg Jól!

[Jenný Anna Baldursdóttir, 14.12.2007 kl. 18:08]

Æ.í , ef þú hefðir verið í vinnunni t.d. 11. sept. þá liti sagan öðruvísi út.  Dem,dem,dem.  Á að mæta í súlupartýið?  Segi sonna

[Guðríður Hrefna Haraldsdóttir, 14.12.2007 kl. 18:09]

Takk, Vilhelmína, mikið ætla ég að kíkja í þessa bók. Gangi þér allt í haginn í Afríku, leitt að þú getir ekki bloggað þaðan.

Heimir, Netið er eitthvað svo hægt í dag, ég ætlaði að reyna að kommenta á Kjötborgarfærsluna þína um söknuð minn og slíkt ... það verður að bíða betri tíma. Takk fyrir að taka mig mátulega alvarlega.

[Guðríður Hrefna Haraldsdóttir, 14.12.2007 kl. 18:10]

Já, viltu koma með í súlupartí? Við Vikugellur ætlum reyndar ekki að mæta, allar uppteknar ... en með þér myndi ég vaða súlur, Jenný mín!

[Anna Sig (IP-tala skráð) 14.12.2007 kl. 18:16]

Siggi Egils er frábær, kynntist honum á vertíð í Ólafsvík 73, þá var hann á Valafellinu SH.

Djömmuðum oft saman, ásamt vini hans, honum Bjössa Sig......vær gaman að vita hvar hann er niðurkominn......hmmmmm

[Gummi (IP-tala skráð) 14.12.2007 kl. 22:27]

Ég fékk SMS sem sagði að SME væri ekki nógu góður. Einnig var talað um að bróðir hans GSE væri hugsanlega einnig á förum.

Einhver í æðstu stjórn þyrfti að fara til sálfræðings.

Ég sel þetta ekki dýrar en ég keypti það eins og Gróa á Leiti var vön að segja.

[Óskar Helgi Helgason (IP-tala skráð) 14.12.2007 kl. 23:03]

Heil og sæl, sem oftast Guðríður !

Hygg; að þú ættir að sneiða hjá sjoppunum í Borgarnesi, á komandi misserum, viljir þú ekki upplifa annað eins, á Heims kringlu okkar, Guðríður mín.

Með beztu kveðjum, í Himnaríkið / Óskar Helgi Helgason

[Jens Guð, 15.12.2007 kl. 00:00]

Vegna fjölda innlita á þitt blogg þætti mér vænt um það ef þú skrifaðir færslu um stöðu Aflsins, systursamtaka Stígamóta á Norðurlandi, http://jensgud.blog.is/blog/jensgud/entry/391858/

[Fishandchips, 15.12.2007 kl. 02:33]

Eitthvað "CSI" í gangi???

[Anna Ólafsdóttir Björnsson, 15.12.2007 kl. 03:15]

Ég er auðvitað ekki vitund hissa, Gurrí mín, á því að þú stýrir stórviðburðunum. Fínt samt að hafa samráð, heimkoma Hönnu hefur tafist um rúma 11 tíma en Ari er farinn að sækja hana núna. En alla vega, Ásta var góður vinnufélagi minn hjá Betware og ég óska henni alls hins besta. Hef alltaf haft álit á SME frá gömlu Vikuárunum, þannig að fyrst Þórarinn færir sig um set þá er ábyggilega fínt að fá hann í þetta hlutverk.

[Hanna Rúna (IP-tala skráð) 15.12.2007 kl. 12:59]

Sæl fyrrum nágrannakona !

Gaman að rekast á síðuna þína, virkilega gaman að lesa ... þú ert góður penni.

Endilega skilaðu kveðju til Svanhildar systur þinnar / ef þú manst eftir mér ( Hanna Rúna á Skagabraut 8 AK) 

gaman væri að heyra frá ykkur

[e-mail]

kær kveðja frá Hafnarfirði

Hanna Rúna

[Guðrún Jóhannesdóttir, 15.12.2007 kl. 13:48]

[Kristín Katla Árnadóttir, 15.12.2007 kl. 16:39]

[Ásdís Sigurðardóttir, 15.12.2007 kl. 19:50]

Ég er viss um að einn góðan veðurdag eða rokdag, verður þú orðin ritstjóri/stýra.    VEI VEI  VEI

[Ragnhildur Sverrisdóttir, 17.12.2007 kl. 23:52]

Jæja, svo hér er komin skýringin á þessari snörpu, en afar stuttu, analýsu DV á stöðu Útsvarsins  Ég var dálítið undrandi þegar ég sá þetta, enda mundi ég nú ekki eftir miklum pælingum um þetta, en Reynir kann greinilega að gera mikið úr litlu.

Kveðja frá einni sem titrar af ótta við Vestfjarðaskelfinn og ÓliverTwist-doktorinn.