Femínismi, töffaðir tvífarar og frosið grill ...

17.1.2008 | 08:59

Femínismi, töffaðir tvífarar og frosið grill ...

Fínasta veður á Skaganum í morgun, hafði reyndar snjóað meira niðri í miðbæ, þar sem Ásta býr, en hjá himnaríki. Ansi dimmt var svo á leiðinni og koldimmt á Kjalarnesinu, hvasst og svolítil snjókoma ... smá dimmviðri líka í hjörtum okkar, líklega vegna umræðuefnisins. Við vorum nefnilega að tala um femínisma. Ásta sagðist í fyrstu ekkert vit hafa á þessu en ég komst að því að hún heldur sko með körlunum. Hún vinnur sem skrifstofukona á Landspítalanum og er með afar lág konulaun, eins gott að hún á mann.

Ef hún ætti ekki mann með eðlileg laun hefði hún ekki getað grillað í snjónum í gær, þessa líka fínu steik. Dýrleg hugmynd að grilla í janúar! Maturinn hlýtur að bragðast betur. Jamm, ég er vitlaus í grillmat en fæ hann voða sjaldan, enda á ég ekki grill.

Alexandra, prinsessa af Lúxemborg (16), getur ekki erft krúnuna, þar sem hún er bara kona, benti ég Ástu á sem dæmi um viðurstyggðilega ósvífni og karlrembu!„Það er ekkert hægt að breyta slíku,“ andmælti Ásta, alveg búin að steingleyma Svíþjóð og svona ... Hún sagði spámannslega að ekkert myndi breytast fyrr en KARLMENN vildu að konur fengju jafnrétti og berðust fyrir því líka, konur væru líka konum verstar (döhhh) ... og eini almennilegi femínistinn væri Jóhanna Sigurðardóttir! Svo vorum við bara komnar upp í Hálsaskóg ... Ég fékk mér róandi te og opnaði gluggann til að ná andanum. Það verður ekki jafnrétti fyrr en barnabarnabarnabörnin mín verða komin á legg, hugsaði ég spámannslega ... og þessir afkomendur verða orðnir svo fjarskyldir mér, ég löngu dauð hvort eð er ...

Það verður vitlaust að gera í dag, ég gerði langan verkefnalista í gærkvöldi og ætla að hafa hann við hliðina á mér og krossa jafnóðum við það sem ég er búin með. Eigið góðan dag! P.s. Birti mynd til gleðiauka í dagsins önn og til að minna á hvað maður getur farið að líkjast hlutum með tímanum. Ég verð t.d. eins og kartöflupoki í laginu ef ég hleyp ekki reglulega upp stiga himnaríkis ...

Meginflokkur: Bloggar | Aukaflokkar: Matur og drykkur, Stjórnmál og samfélag, Vinir og fjölskylda | Facebook

Athugasemdir

Er Ásta sem sagt bara afslöppuð? Ef við hefðum allar þetta viðhorf væri hætt við meiriháttar bakslagi í það sem hefur unnist í gegnum árin.

Jóna Á. Gísladóttir, 17.1.2008 kl. 09:21

Flottur sófi en ekki get ég sagt það sama um ferlíkið sem er við hliðina á honum já Aumingja Grillið mitt lítur einmitt svona út núna mjög kuldalegt en grilla bara inni í staðin En hafðu góðan dag!

Brynja www.skordal.bloggar.is (IP-tala skráð) 17.1.2008 kl. 09:46

grilla, já, kannski maður ætti að huga að því aftur.

Anna, hrædd um að þetta sé svolítið mikið satt!

Hildigunnur Rúnarsdóttir, 17.1.2008 kl. 11:02

Já, Anna, mikið hefur þú rétt fyrir þér ... og þetta viðhorf bitnaði t.d. hryllilega á mér þegar ég var fyrirvinna heimilisins á svona konulaunum!

Guðríður Hrefna Haraldsdóttir, 17.1.2008 kl. 11:25

Ég vona að þú eigir góðan dag Gurrí mín

Kristín Katla Árnadóttir, 17.1.2008 kl. 11:46

Stundum finnst mér þetta einmitt líka Gurrí, þ.e. að við náum ekki fram jafnrétti fyrr en karlar vilja það, en sem betur fer eða ég vona það a.m.k. að svo sé ekki, við eigum öll jafnan rétt, ekkert flóknara en það.

Ég er mjög á móti því þegar talað er um að kona/karl eigi að fá ákveðið starf fyrir það að vera kona/karl, það er auðvitað kostir kunnátta og færni viðkomandi sem ræður.

Sömu laun fyrir sömu störf! EINFALT.

Sófinn flottari en gaurinn ég er ástfangin af þessum sófa

Guðrún Jóhannesdóttir, 17.1.2008 kl. 12:02

Við konur eigum bara að taka á honum stóra okkar og þora að biðja um hærri laun! Bara vera soldið djarfar!

Það er draumur minn að einn daginn verði hætt að líta á einstaklinga út frá litarhætti, kyni, trúarbrögðum o.s.frv. einstaklingur er bara einstaklingur sem hefur jafnan rétt á við alla aðra einstaklinga

Vera Knútsdóttir, 17.1.2008 kl. 12:12

Jess, Vera, mikið rétt. ... bróðir minn hlaut annað uppeldi en við systurnar, enginn sem sussaði á hann og skipaði honum að vera til friðs og hann myndi ekki hika við að standa upp og heimta hærri laun á meðan við systurnar erum ekki alveg með það á hreinu hvort við eigum það skilið. Þetta byrjar allt svo snemma, finnst mér! Sá einu sinni heimildamynd þar sem kona var látin leika við lítið barn á öðru eða þriðja árinu. Drengur klæddur í kjól var viðfangsefni hennar. Hún hélt að þetta væri stelpa, við vissum að svo var ekki og örguðum úr hlátri yfir því hvað konan dúllaðist í stráknum og reyndi að fá hann til að haga sér eins og prinsessa! Mjög lærdómsríkt.

Já, Guðrún, sófinn er djavilla flottur ... og Katla krútt, eigðu dásamlegan dag!

Guðríður Hrefna Haraldsdóttir, 17.1.2008 kl. 12:22

Já Vera það er sko alveg rétt sem þú segir, ég verð að viðurkenna það að við konur erum EKKI nógu ákveðnar allar í þessu, ég hef reyndar bara góða sögu að færa í þessu tilviki.

Man samt eftir því þegar ég þurfti að standa í launastappi fyrir mig og nokkrar aðrar konur, þær vildu bara samþykkja launalækkun sem okkur var boðin, þetta fór lengra og verkó kom inn í málið, þá sá ég að konur geta verið konum verstar því þarna átti að telja mér trú um að ég GRÆDDI á launalækkun það endaði nú samt þegjandi og hljóðalaust þannig að við héldum okkar, og það var nú bara fyrir það að sá sem við þurftum að semja við (karlmaður) var farinn að standa MEÐ OKKUR viðsemjendum sínum hehehehehehe

Guðrún Jóhannesdóttir, 17.1.2008 kl. 12:23

Jhérna, þú varst ekki að djóka með hana Ástu? Það er til kúrs upp í háskóla eða eithversstaðar "feminismi 101" er ekki bara að drífa sig?

Jenný Anna Baldursdóttir, 17.1.2008 kl. 12:42

Hvernig hljómar þetta: Hommar eru hommum verstir. Eða: Blindir eru blindum verstir. Hvað með: Karlar eru körlum verstir? Ég gubba ef ég heyri þessa klisju einu sinni enn , af því að hún er ekki sönn!

Þuríður Björg Þorgrímsdóttir, 17.1.2008 kl. 14:16

Góð umræða hjá ykkur. Ég hafði svo mikið sjálfstraust (örugglega uppeldistengt) að að hvarflaði aldrei að mér að ég ætti ekki að fá sömu laun og karlmenn og þegar mér var boðið upp á slíkt einu sinni í stóru fyrirtæki að maður jafngamall mér kom inn nýr og ég var að kenna honum og sá svo að hann var með hærri laun, (sá um launin) þá bara heimtaði ég meira og fékk það. En við verðum að halda áfram að hamra inn í konur að þær eru jafn mikils virði og karlmenn, reyndar finnst mér ég alltaf merkilegri af því ég fæði börnin.

Ásdís Sigurðardóttir, 17.1.2008 kl. 15:22

Jess, Ásdís, þarna þurfum við að byrja.

Ég er líka svo innilega sammála þér Þuríður, ég hef ekki þá upplifun að konur séu konum verstar og þoli ekki þessa helvítis klisju!!! Ef karlar níða skóinn hver af öðrum þá eru þeir málefnalegir og þetta bara pólitík ... en konur fá þetta svo oft.

Guðríður Hrefna Haraldsdóttir, 17.1.2008 kl. 16:09

Vó, slaka aðeins á stelpur mína. Þið eruð nú svo miklar dúllur að þið eigið ekki að vera að æsa ykkur upp úr öllu valdi.

Evert Engilbertsson (IP-tala skráð) 17.1.2008 kl. 16:24

Ég var í mörg ár einstæð móðir með fjárhagslegt öryggi, sem sé sjómannskona. Svo slasaðist sjómaðurinn minn og varð öryrki, svo ég er núna eina fyrirvinnan. Finn að ég spái miklu meira í launin mín þegar þau eru orðin aðaltekjulind heimilisins. Ég skammast mín fyrir að segja þetta, en svona er þetta nú bara.

Helga Magnúsdóttir (IP-tala skráð) 17.1.2008 kl. 16:42

Öruggara að hafa góðu tekjurnar sjálfur, segir sig sjálft. Það hlýtur að vera erfitt að sjá það ekki. Ég vil ekki gera mig seka um kvenrembu, en alla vega, hafði ekki fattað að svona skornir vöðvakallar eru í rauninni bara Chesterfieldsófar settir upp á rönd.

Anna Ólafsdóttir Björnsson, 17.1.2008 kl. 18:27

Við grillum bara í George Forman grillinu okkar sem að við fengum í jólagjöf. Snilldar grill.

Bryndís R (IP-tala skráð) 17.1.2008 kl. 20:17

Gurrí hver söng lagið hér á árum áður::::ég endurtek,ég endurtek ég endurtek ég endurtek;;;;;;;;;minnir að hafi verið Bjartmar:::::::fattarðu.

jensen (IP-tala skráð) 17.1.2008 kl. 21:57

Lífið gengur sinn vanagang. Konur eru með, konur eru á móti. Þær vilja margt og annað ekki, þær sætta sig við aðstæður vegna aðstæðna í dag en annað á morgun. Þróun og velferð okkar er sú heild sem við myndum!

Ég á góðri konu að þakka mitt innræti, hún var ekki kvenréttindakona sem barðist fyrir rétti kvenna, hún er amma mín, ekkja og ansi sjálfstæð og frökk. Ég held að samhljómurinn sé bestur, pínulítið af öllu.

www.zordis.com, 17.1.2008 kl. 22:27