Dregið til tíðinda ...

Mikið er dásamlegt í þessum fimbulkulda að hún Erla skuli vinna í sama húsi og ég í Hálsaskóginum, ekki er heldur amalegt að hún búi í sama sveitarfélagi og sérdeilis ekki slæmt að hún skuli eiga bíl og fara akandi heim kl. 17. Akkúrat kl. 17.00 í dag var hið fullkomna tilvonandi tímarit fulllesið og tilbúið í prentsmiðju.
Ég fékk það  þakkláta hlutverk að skafa framrúðuna að innan og má segja að við Erla höfum lent í ör-stórhríð eitt augnablik sem var bara hressandi. Erla spurði mig á leiðinni af hverju brekkan héti Súkkulaðibrekkan. Ég horfði þolinmóð á hana og útskýrði fyrir henni að Nói Síríus væri neðst í brekkunni. Þá skildi hún allt.

Gaman að sjá náfrændur mína, Skagfirðinga, næstum rústa Fljótdalshéraði í Útsvari í kvöld en skemmtunin stóð ekki lengi ... sjokkið kom í lok þáttarins þegar dregið var til tíðinda ... eða í átta liða úrslit.

Við Skagamenn fengum Kópavog of oll pleisis þann 28. mars nk., sem væri í góðu lagi ef Hilda systir byggi ekki í Kópavogi og Davíð frændi yrði ekki 19 ára þennan sama dag.

Athugasemdir

[Berglind Steinsdóttir, 1.2.2008 kl. 23:14]

Mér skildist á Sigmari að dagsetningar lægju ekki endilega fyrir, það þyrfti að vera hægt að ná öllu þessu önnum kafna saman - þannig að varðandi dagsetninguna er ekki öll nótt úti ...

[Ásdís Sigurðardóttir, 1.2.2008 kl. 23:19]

SEGI EINS

[Ásdís Sigurðardóttir, 1.2.2008 kl. 23:20]

OG Berglind, það er ekki allt neglt niður. En ertu ekki að fara austur. ???

[Ragnheiður , 1.2.2008 kl. 23:28]

Ég var meira að segja búin að fatta súkkulaðibrekkuna hehe. Maður verður svo gáfaður á því að búa við Hringbrautina.

Ekki hélt hún að það væri til brekka búin til úr súkkulaði ! hehehe

[Guðríður Hrefna Haraldsdóttir, 1.2.2008 kl. 23:28]

Jú, seinnipartinn á morgun!

[Guðríður Hrefna Haraldsdóttir, 1.2.2008 kl. 23:29]

Ja, Ragga, þessi tertusneið er álíka brött og sjálf Súkkulaðibrekkan.

[Tiger, 1.2.2008 kl. 23:35]

Ohh... ertu sem sagt skagamaður stúlkukind? Þarf maður þá að halda með þeim í þessum leik... eða hvað? Ég á víst einhverjar rætur þarna á skaga líka svo hver veit - kannski ertu frænka mín bara eftir allt saman.  Jamm, glætan.

Þessi með súkkulaðið og Nóa Síríus minnir mig á góðan bæ sem stendur á hól - hól sem kallast "saurhóll" - i wonder why.

[Kjartan Pálmarsson, 1.2.2008 kl. 23:51]

Já bæir munu bítast.

Baráttukveðjur úr Kópavogskjördæmi eystra

[Jenný Anna Baldursdóttir, 1.2.2008 kl. 23:57]

Nú er ég hætt að fylgjast með Útsvarinu en geri undanekningu þegar mitt fólk kemur til leiks. 

Horfi á Loga í satðinn.  Eða les eða eitthvað.

En af Skaganum missi ég ekki.

[Hildigunnur Rúnarsdóttir, 2.2.2008 kl. 00:57]

mwahahaha, jahá, næstum rústa!!?? Skemmtunin stóð semsagt fyrstu 4 mínúturnar. Gurrí! bróðir minn er í Héraðsliðinu, ekki láta þér detta í hug að dissa...

Jenný, horfa og halda með Fljótsdalshéraði, ójá! Ég mun ekki einu sinni halda með Reykjavík næst, þó Katrín sé náttúrlega í uppáhaldi.

[Þórarinn Þ Gíslason (IP-tala skráð) 2.2.2008 kl. 04:39]

Viðverukvitt

[Guðrún Jóhannesdóttir, 2.2.2008 kl. 11:35]

Það var hárrétt sem skagfirðingarnir sögðu, þeir skemmtileustu vinna ekki alltaf

Ég hef horft á örfáa þætti af útsvar, t.d. Gurríarþættina og eitthvað í viðbót, en aldrei grátið af hlátri fyrr, þetta var súperþáttur og ekkert annað.

Sá eftir skagfirðingum úr keppninni, nú get ég nefnilega bara haldið með 1 liði og hinir þættirnir ekkert spennó.

tigercopper, ertu nokkuð að tala um Saurhól í Saurbæ? 

ég þekki þann stað vel ;) 

[Ásgeir Rúnar Helgason, 2.2.2008 kl. 11:36]

Alltaf notanlegt að lesa þitt blogg.

Mannleg hlið á tilverunni.

[Edda Agnarsdóttir, 2.2.2008 kl. 12:34]

"'Ég hlakka svo til, ég hlakka svo til" er það ekki svona sem eitthvað lag byrjar? Það verður keppnisfjör þegar þið komið á skjáinn. Nú verðið þið að hittast svo þið getið lært að lesa líkamsmál hvers annars. Annars er ég sæmileg!

[Sigþóra (IP-tala skráð) 2.2.2008 kl. 13:48]

Ég hlakka svo til Gurri mín að sjá ykkur taka Kópavogsbúa í karphúsið það verður ekki mikið mál. Hef tröllarú á ykkur elskurnar mínar

Hittumst vonanadi á mánudaginn

[Tiger, 3.2.2008 kl. 18:39]

Hæ Guðrún Jóhannesdóttir. Nei, veistu ég heyrði eða las einhverstaðar eitthvað þar sem þetta nafn kom en man ekki hvaðan eða hvað eða hvernig á því stóð að nafnið poppaði upphjá mér núna..