Sex þúsund manns skjálfa á Skaganum ... finnst það fréttnæmt

Heitavatnslaust er á Akranesi. Hitaveituæðin milli Akraness og Borgarness er í sundur og farið að kólna í híbýlum Skagamanna.

Skagamenn fá þau svör hjá Orkuveitu Reykjavíkur að starfsmenn hennar séu á fullu að vinna að því að gera við bilunina í hitaveituæðinni og muni viðgerðinni ljúka milli klukkan átta og níu í kvöld ef allt gengur að óskum. Þá er hins vegar eftir að hleypa þrýstingi á kerfið á ný.

Samkvæmt heimildum Eyjunnar hefur heitavatnsleiðslan frá Deildartunguhver ítrekað verið að bila undanfarið og hefur valdið rekstrarerfiðleikum og óöryggi.

Þessa frétt fann ég á Eyjunni (eyjan.is), öðrum fréttavefum þótti greinilega ekki fréttnæmt að 6.000 manns væru að drepast úr kulda og kæmust ekki í bað (beiskj, beiskj). Það hlaut eitthvað að vera. Erfðaprinsinn spurði mig með frostviprur í fölbláum munnvikjum hvort spáð hefði verið svona rosalegu frosti en nú er skýringin komin. Held ég skríði bara undir sæng ... Vona að Anna sé í vinnunni (hjá OR), hún ber hag himnaríkis fyrir brjósti, ef ég þekki hana rétt, og ýtir á réttu takkana!

Svakalegur þessi eldsvoði í Camden í London! Nú kom sér vel að hafa Sky News ... 

Athugasemdir

[Kjartan Pálmarsson, 9.2.2008 kl. 22:49]

Sendi varmaðar kveðjur á Skagan beint úr hlýjunni í Kópavogskjördæmi eystar

[Guðrún Jóhannesdóttir, 9.2.2008 kl. 22:55]

Nú skil ég bláa litinn á syni mínum er hann kom skjálfandi úr sturtunni í kvöld 

[Guðríður Hrefna Haraldsdóttir, 9.2.2008 kl. 23:00]

Kveðjan hlýjaði sko alveg um hjartarætur, Kjartan, ég ætla samt undir sæng.

Ég fresta öllum baðförum til morguns, frú Guðrún, þá VERÐUR heita vatnið að vera komið!!! Vona að stráksi hafi náð í sig hita!

[Fjóla Æ., 9.2.2008 kl. 23:04]

Fáðu bara súrefnisvél eða 2  hjá Lungnadeild LSH. Það virkar hjá mér. Verra ef rafmagnið fer.

[Guðrún Jóhannesdóttir, 9.2.2008 kl. 23:10]

Jú það held ég, hann er a.m.k. farin að geta brosað fyrir munnherkjunum

[Guðrún Jóhannesdóttir, 9.2.2008 kl. 23:12]

 lungnavél þá ættu drengirnir örugglega að losna við þennan bláa lit sem mæður þeirra kvarta yfir hehehehehe

[jensen (IP-tala skráð) 10.2.2008 kl. 00:04]

Hvaða púki á vegum Orkuveitunar sprengdi heitavatnsleiðslurnar,las hjá þér á blogginu um dagin að þú hafir séð til Björns Inga á skaganum um daginn,var hann nokkuð þarna í dag,ha humm ja dularfullt ekki satt?

[Guðríður Hrefna Haraldsdóttir, 10.2.2008 kl. 00:37]

Takk, Anna, ofnarnir eru orðnir heitir, gæti verið Grétu að þakka, hún vonaði að þetta lagaðist og það lagaðist!!!

Jensen, held að Björn Ingi reyki ekki, þannig að það getur ekki hafa verið hann ...

[Tiger, 10.2.2008 kl. 00:47]

Æi hvað ég er nú feginn að búa ekki á Akranesi. Ég er nú kannski ekki mjög kulvís en öllu má nú ofgera á þessum köldu tímum. En segðu mér, er "himnaríki" afleggjari hjá þér eða er það staður? Bara forvitni í mínum sko...

[Guðríður Hrefna Haraldsdóttir, 10.2.2008 kl. 00:50]

Himnaríki er íbúðin mín! Til að leiðrétta annað kæri Tigercopper ... þá er ég gamall Skagamaður, ólst hér upp frá 2-12 ára og festi rætur hér. Þótt mér þyki mjög vænt um höfuðborgina þá á Skaginn alltaf stærstan sess í hjartanu.

[Brynja www.skordal.bloggar.is (IP-tala skráð) 10.2.2008 kl. 02:25]

Nú er kl langt gengin í 3 að nóttu já er enn vakandi börnin komin með grílukerti á nefið dúðuð undir sæng kallinn sofandi í lazyboy með þykka sæng og ég sit við tölvuna með þennan fína hitablásara allir ofnar kaldir hér ennþá hummm er Himnaríki á sér samning með hita maður spyr sig?? kannski erum við annars flokks hér á innesveginum!! Eins gott að ég fái mína heitu morgunsturtu í fyrramálið Annars veit ég ekki hvað Ef þið fréttið af fjölsk sem króknaði úr kulda í nótt þá vitiði hver það var jæja ætla að fá mér heitt súkkulaði fyrir svefn og hita sængina góða kalda nótt

[Tiger, 10.2.2008 kl. 14:27]

 Ok, ekki málið sko. Ég var einmitt að spá í því hvort þú værir fædd skagamaður/kona eða aðflutt. Ég á nefnilega rætur þangað en myndi aldrei nokkurn tíma vilja flytja þangað. En breyttir tímar eru náttúrulega svo skaginn gæti verið sannkallaður draumastaður auðvitað þó ekki hafi hann verið slíkur staður í gamla daga að mati sumra sem ég þekki. Ég hugsa nú að skaginn sé mun betri staður til að ala upp börn en t.d. höfuðborgin, svo allt hefur sína kosti.

Takk fyrir að svala forvitni minni Guðríður, og megi góðir vættir fylgja þér á skaganum í framtíðinni.