Afmæli og rapparar í strætó ...

17.2.2008 | 12:16

Afmæli og rapparar í strætó ...

Í afmælinu hennar Dobbu í gærkvöldi var allt fullt af Bolvíkingum og sálfræðingum. Ansi góð blanda. Ef Bolvíkingur sjokkeraði gesti kom sálfræðingur í kjölfarið og útskýrði hvað lá að baki og greindi viðbrögð okkar. Við þurftum reyndar engan sála þegar Vagnsbörnin fluttu tónlist.

-------------------

----------------------

-------------------------

Hilda skutlaði mér í Mosó þar sem elskan hann Kiddi beið eftir að flytja okkur á Skagann. Eitthvað var um sellebrittís-gæa á stoppistöðinni og þegar Skagavagninn renndi upp að henni lagðist einn þeirra á gangstéttina og kvikmyndaði dekkin og aðkomu vagnsins. Eins gott að Kiddi er klár ökumaður og lagði flott. Síðan hrúguðust þeir inn í vagninn og ... úúúú ... sjálfur Erpur rappari spurði bílstjórann hvort þetta væri ekki örugglega vagninn á Skagann og allt var kvikmyndað. Held að ég hafi verið sú eina sem þekkti þá því ég sá engan heimta eiginhandaráritun, kossa og svona. Þetta voru svo sem bara ég, unglingsstúlka og karl og svo strákarnir. Ef Rottweiler er enn starfandi, sem mig grunar, gæti Skagavagninn orðið víðfrægur í tónlistarmyndbandi.

Leið strákanna lá í Breiðina, skemmtistað þar sem áður var til húsa Hótel Akranes. Ef ég þekki Skagamenn rétt þá hefur verið mikið fjör í gærkvöldi. Jamms, flottasta fólkið ferðast með strætó ...

Meginflokkur: Bloggar | Aukaflokkur: Vinir og fjölskylda | Breytt 18.2.2008 kl. 09:03 | Facebook

Athugasemdir

Innlitskvitt og kveðjur

Linda Linnet Hilmarsdóttir, 17.2.2008 kl. 13:44

þetta hefur verið skemmtilegt afmæli enda alltaf stuð þar sem vagnsbörn koma saman og syngja þekki það vel frétti að Rottweiler hefðu skemmt sér vel á skaganum í partí framm eftir nótt

Brynja skordal, 17.2.2008 kl. 14:03

Leiðir fræga fólksins liggja á Skagann, ekki spurning.

Ásdís Sigurðardóttir, 17.2.2008 kl. 15:25

Gurri mín góða!

Þetta rifjar nú upp fyrir mér, að eiginkona míns góða æskuvinar og skólabróður, Jónasar rannsóknarlöggu ykkar á Skaga, heitir Ingunn og er einmitt frá bolungarvík! (eða bolungavík, svo ég móðgi nú engan!)

Svetti þessum mikla fróðleik hérna hjá þér, mín gullfallega elska, svona til að gera daginn enn skemmtilegri og minningarnar frá afmælinu enn betri!

Magnús Geir Guðmundsson, 17.2.2008 kl. 17:01

Þú ert aldeilis að lenda í ævintýrunum Guðríður. Alltaf skemmtilegt að lesa hjá þér og ætíð finnst manni sem maður sé bara staddur við hlið þér og sjái bara live það sem er að gerast.

Ég er sammála Ásdís um að skaginn virðist draga að sér ríka og fræga liðið - kannski maður ætti að fara aftur á gamlar slóðir - bara svona til að vera með ...

Good night sweety...