Sigur á stólakiller og endalausar snjóbirgðir ...

Þetta veður - þessi vetur, sagði Anna vinkona í athugasemd í gær. Þessi orð áttu svo vel við í morgun (og í allan vetur ef út í það er farið). Það byrjaði að falla jólasnjór þegar við ókum inn í höfuðborgina, það er greinilega endalaust til af snjó þarna uppi sem þarf að komast niður ...

Held að það viti á góðan dag, jafnvel frábæran dag, að strætóbílstjórinn á leið 18 mundi eftir því að stoppa á stoppistöðinni í morgun. Annað sem segir mér að þetta verði snilld er að skrifborðið mitt virkaði frekar óhreyft í morgun þegar ég kom. Það hefur greinilega farið vel um sölumanninn í gamla stólnum hennar Steingerðar (sem ekki er hægt að vanstilla) og inniskónum tókst kvikindið ekki að sparka lengra undir borð þar sem ég límdi þá niður með tonnataki og galdragripi. Ég viðurkenni að ég sit mjög skringilega við skrifborðið núna, en það er allt til þess vinnandi að þurfa ekki að skríða undir það á morgnana.

Athugasemdir

[Linda Linnet Hilmarsdóttir, 28.2.2008 kl. 12:11]

Innlitskvitt og kveðjur

[Guðrún Jóhannesdóttir, 28.2.2008 kl. 12:54]

Yndislegur snjórinn núna, hef saknað þessa á vissan hátt, hefði samt ekki trúað því hér í denn þá þoldi ég ekki snjó.

Mikið er ég ánægð fyrir þína hönd að heyra þetta með stólinn og skóna 

Góða heimferð mín kæra

[Brynja skordal, 28.2.2008 kl. 13:29]

Æ vona svo sannarlega að þeir þarna uppi fari að verða Búnir með snjó kvótan takk inniskórnir þínir eru sem sagt komnir til að vera alltaf undir borði góða ferð heim

[Kristín Katla Árnadóttir, 28.2.2008 kl. 14:23]

Ég er búin að fá nóg af snjó í bili ég vildi að það væri komið vor þetta er svona óskhyggja

[Tiger, 28.2.2008 kl. 14:23]

  Hahaha .. það er alltaf töff að hafa betur þegar maður er að berjast fyrir sínu. Hlýtur að vera skrítið að vera í inniskónum - límdum við gólfið.

Ég er hrifinn af snjó og elska ófærð..

[Sigga (IP-tala skráð) 28.2.2008 kl. 16:28]

Það er hásumar  í Ástralíu núna

[Magnús Geir Guðmundsson, 28.2.2008 kl. 17:52]

Nei, Guðríður Haraldsdóttir er sko engin NIÐURSKRIÐA!

[Ásdís Sigurðardóttir, 28.2.2008 kl. 19:20]

Ertu ekki þreytt í fótunum eftir daginn? niðurlímd og alles.  Við skulum vona að ofankoman minnki, þó ekki sé nema bara til að létta þér milliferðir, það má alveg snjóa á mig bara. 

[Steingrímur Helgason, 28.2.2008 kl. 23:42]

Ef ég ætti eina ósk þá væri hún sem slík að þú 'Gurrí' aumkvaðir þig yfir eitthvert karlkynsgreyjið, myndir bjóða honum hálft himnaríkið, hann væri hálfrithæfur í sambandssamanburðinum, & myndi byrja að blogga.

Þá fengi marbendill minn eitt gott kast...

[Steingerður Steinarsdóttir, 29.2.2008 kl. 11:38]

Segðu þessum stólaböðli að ég komi og taki í hann ef hann lætur ekki stólana í friði hér eftir. Mér finnst sjálfsagt að minna á að ég er stærri, sterkari. frekari og feitari en flestir.

[Helga Magnúsdóttir, 29.2.2008 kl. 12:21]

Hæ. Hann hefur lesið bloggið þitt og séð að ég ætlaði að koma og handrota hann ef hann bætti ekki ráð sitt. Þetta kallast fyrirbyggjandi aðgerðir.

[Þröstur Unnar, 29.2.2008 kl. 13:10]

Er hægt að rota hendur?

[Lára Hanna Einarsdóttir, 29.2.2008 kl. 13:34]

Ábending til ógiftra kvenna:  Í dag er hlaupársdagur. Þá mega konur biðja sér manns. Það besta er að maðurinn má ekki neita, en getur keypt sig frá bónorðinu. Kannski með gulli og demöntum eða bara hverju sem er... 

Ég hvet allar ógiftar konur til að notfæra sér þetta einstaka tækifæri!

[Þröstur Unnar, 29.2.2008 kl. 13:37]

*Usssssss

[Lára Hanna Einarsdóttir, 29.2.2008 kl. 13:38]

Hvað er síminn hjá þér, Þröstur? 

[Þröstur Unnar, 29.2.2008 kl. 14:07]

666-666x