"What happened in Malmö stays in Malmö!"

Helmingur starfsfólksins kom til vinnu í morgun, restin í kvöld. Ég hlakkaði mikið til að heyra sögurnar um fylliríin og framhjáhöldin, hneykslin og uppákomurnar, og fannst Reynir Trausta kjörinn til að reyna að veiða upp úr. Karlrassgatið sagði einfaldlega:  „What happened in Malmö stays in Malmö!“ Svo gaf hann kvikindislega í skyn að spennandi náttfatapartí hefðu verið haldin, einhver ástarsambönd orðið til og fleira og fleira ... Það á greinilega að láta mann sjá eftir því að hafa setið heima. Vá, hvað ég ætla sko að þegja um framhjáhöldin og hneykslin þegar ég fer með erfðaprinsinum í fótboltaferðina til London.

Horfði með fyrirlitningu á saltfisksplokkfiskinn í hádeginu og fékk mér grænmetisbuff með hvítlaussósu og fullt af salati. Afar gómsætt. Sýndist flestir fara að dæmi mínu.

Athugasemdir

[Þórunn María Örnólfsdóttir (IP-tala skráð) 10.3.2008 kl. 12:59]

Uss, það gerist aldrei neitt í malmö!  Það þorir bara enginn að segja þér frá því.  Annars myndir þú fá allar fréttirnar strax, ef þetta hefði verið eitthvað skemmtilegt.

[Jenný Anna Baldursdóttir, 10.3.2008 kl. 12:59]

Mér finnst það mannréttindabrot að bjóða upp á saltfisk í hádeginu.  Það er ár 2008 for crying out loud.

[Svanhildur Karlsdóttir, 10.3.2008 kl. 13:13]

Namminamm saltfisksplokkfiskur

[Ásdís Sigurðardóttir, 10.3.2008 kl. 13:23]

Ummmm nammi saltfiskplokkar með rúgbrauði. Var ekki líka stuð hjá þér um helgina??

[Gylfi Guðmundsson (IP-tala skráð) 10.3.2008 kl. 14:57]

Þetta hlýtur að hafa verið spennandi ferð! Líst vel á saltfiskplokkfiskinn en kannski síður á grænmetisbuffið!

[Steingerður Steinarsdóttir, 10.3.2008 kl. 16:33]

Spurðu hann hvort menn hafi almennt farið eftir orðtakinu When in Rome do what the Romans do og hegðað sér eins og Svíar.

[Tiger, 10.3.2008 kl. 16:49]

  Hahaha ... ég er sko sammála Einari, fiskur bætir og kætir - líka saltfiskur þó hann sé í plokki - en grænmetisréttir, well - ég er ekki mikið fyrir þá. Flottur á því Reynir Trausta, gott að geta treyst á þögn þegar eitthvað ósiðsamt gerist... *flaut*. Hvet þig til að borga vel fyrir þig þegar þú kemur aftur til baka úr boltaferðinni, útbúa slatta af boltahneykslisdóti og strá út stuttum sögusögnum en gefa ekki upp framhald - nema í skiptum fyrir sögur frá Malmö...

[Helga Magnúsdóttir, 10.3.2008 kl. 17:19]

Hæ. Ekki get ég sagt þér neinar spennandi Malmösögur. Við gömlu hjónin sváfum næstum því alla helgina. Orðin dálítið gömul og þreytt.