Tilgangur lífsins

Þegar ég lá í forhitun á bekknum hjá Betu sjúkraþjálfara í hádeginu fór ég að hugleiða tilgang lífsins. Margt kom upp í hugann og eftir það sem gerðist hálftíma seinna er ég fullviss um að ég sé óorðna hluti, sé svona sjáandi. Ég hugsaði með mér að fyrst það væri miðvikudagur væri góða sveppasúpan örugglega ekki á Skrúðgarðinum. Það var eins og við manninn mælt ... á boðstólum var tær grænmetissúpa með pasta. Stundum kem ég sjálfri mér svo dásamlega á óvart. Keypti bara salat hjá Maríu þegar hún var búin að útbúa girnilega beyglu fyrir einn gestinn og skamma mig fyrir að hafa ekki komið í sveppasúpuna í gær. Hún er að hugsa um að breyta nafninu á kaffidrykknum mínum, sem hét fyrst Kaffi Gurrí (tvöfaldur latte, ekki sjóðandi heitur) úr Íslensk kjötsúpa (sem er stríðni í henni af því ég nöldraði svo yfir kjötsúpunni sl. sumar) í eitthvað annað sem hæfir betur. Hugsa að enginn hafi haft lyst á því að panta sér kaffidrykkinn Íslenska kjötsúpu ... múahahahahaha!

Ætli eigi að fara að taka upp Birds II hérna við Langasandinn? Mjög mikill fjöldi leikara hefur flogið hér í kring og nú í augnablikinu virðist vera pása, þeir sitja alla vega á sjónum í afslöppun. Það væri nú stuð.

Nú styttist í að elsku sumarbúðirnar hennar Hildu systur fari á fullt ról. Skráning byrjar 1. apríl. Mér finnst líklegt að erfðaprinsinn verði duglegur að skutla mömmu sinni á Kleppjárnsreyki um helgar í sumar þar sem strætó gengur ekki þangað. Það er alltaf nóg að gera á skrifstofunni. Ég var dugleg að fara norður þegar sumarbúðirnar voru í Hrútafirði en það er náttúrlega bara snilld að hafa þær í Borgarfirðinum.  www.sumarbudir.is

Jæja, það er nóg að gera, ein grein búin og önnur langt komin. Langar að klára sem allra mest í dag, það er svo miklu meiri friður hérna heima. Stöku mjálm í köttum og erfðaprinsi og það truflar ekkert. Ég er eins og ný manneskja eftir meðhöndlun Betu, synd að þurfa að sitja svona við tölvuna í stað þess að hlaupa upp um fjöll og fiðrildi ... eins og maðurinn sagði um árið.

Athugasemdir

[Ingibjörg Gunnarsdóttir, 26.3.2008 kl. 15:20]

Persónulega finnst mér að Skrúðgarðsfólkið (Ísfólkið) ætti að setja upp matar- og kaffiseðil samkvæmt óskum þínum.  Betra að hafa manneskju með smekk (what??) í svoleiðis málum.  Vertu dugleg að skrifa - svona svo ég hafi eitthvað skemmtilegt að lesa í næstu Viku.  Hvað? Ég eigingjörn?   Not!

[Guðríður Hrefna Haraldsdóttir, 26.3.2008 kl. 15:30]

Orð þín eru mér lög, frú Ingibjörg :) Held áfram af fullum krafti. Kem hinu til Maríu, múahahhahaha

[Jenný Anna Baldursdóttir, 26.3.2008 kl. 16:13]

Er virkilega að koma sumar aftur og þú að hefja þín helgarferðalög í búðirnar?  Eins og það hafi verið í gær frú Guðríður, sem þú endasentist með rútum og alles til Hildu.  Og enn bíð ég eftir endanum í Harry Potter sem þú lofaðir mér einn sólríkan dag í ágúst s.l.

Knús.

[Helga Magnúsdóttir, 26.3.2008 kl. 16:28]

Vá, eru sumarbúðirnar að byrja, rosalega líður tíminn hratt. Úlli minn er frekar svekktur að vera orðinn of gamall til að fara. Hann elskar Ævintýraland og allt og alla sem því tilheyra.

[Brynja skordal, 26.3.2008 kl. 17:17]

Góðar súpurnar hjá henni í skúrðgarðinum og tvöfaldur latte bestur en ekki fengið kjötsúpu þar en vonandi hitti ég á kjötsúpuna þar einhvern tíman

[Ásdís Sigurðardóttir, 26.3.2008 kl. 20:06]

Sumarbúðir váá, kannski verða sumarbúðir fyrir aldraða þegar ég kemst á elli aldurinn. Ég sendi dóttir mína á tölvusumarbúðir upp í Borgarfirði árið 1986, hún var þá 8 ára hún er enn að dást af framsýni móður sinnar.  Hún er núna kerfisfræðingur, tölvunarfræðingur og eitthvað fleira svoleiðs búin í hljóðverkfræði og vinnur í hugbúnaðardeild Landsbankans í London, ekki slæmur afrakstur.  Þetta þótti framúrstefna á sínum tíma.  Knús til þín sæta mín 

[Halldór Jóhannsson (IP-tala skráð) 26.3.2008 kl. 22:16]

Er ekki Útsvarskeppnin á fóstudag?????  Við  bæinn sem er sagt að,gott sé að búa.

[Guðríður Hrefna Haraldsdóttir, 26.3.2008 kl. 22:26]

Júmms, það verður Útsvar á föstudaginn og jú, keppni við bæinn "góða" ...

Ásdís, þú hefur verið meiriháttar framsýn, frábær mamma!!!

Vona að þú hittir bráðum á kjötsúpu, Brynja, bara ekki á þriðjudegi, plís ...

Já, Helga og Jenný, sumarbúðirnar fara sko að hefjast ... þessar dúllur ... Og Jenný, HPotter endaði dásamlega vel, skal fara nákvæmlega yfir söguþráðinn þegar þú kemur í kaffi í himnaríki, elskan.  

[Þórarinn Þ Gíslason (IP-tala skráð) 27.3.2008 kl. 06:03]

Viðverukvitt.

[Sesselja Fjóla Þorsteinsdóttir, 27.3.2008 kl. 08:27]

Gaman að lesa skrifin þín

[www.zordis.com, 27.3.2008 kl. 08:40]

Girnileg kringla og ekkert til að maula á mínu heimili!  En það er engu að síður jákvætt á sinn hátt!

Byrja sumarbúðirnar 1.apríl eða ertu að gabba okkur?

[Guðríður Hrefna Haraldsdóttir, 27.3.2008 kl. 09:05]

Úps, nei, Zordís mín, skráning hefst 1. apríl, sumarbúðirnar byrja snemma í júní (sjá www.sumarbudir.is). Ætlaði ekki að sjokkera þig, elskan. Til hamingju með sýninguna, leitt að hafa ekki komist. Það fer að verða möst að eiga bíl í svona tilfellum, bíll erfðaprinsins kemst ekki langt, einhver smábilun í honum.