Góð okursíðan hans Dr. Gunna

Ég hef verið að lesa okursíðuna hans Doktors Gunna, http://eyjan.is/goto/drgunni/, og finnst alveg frábært að almenningur sé loks að vakna upp úr okurdásvefninum langa. Við höfum látið okra ógeðslega mikið á okkur í gegnum tíðina af því að við höfum ekkert gert, enda alltaf þótt flott að vera/þykjast „ríkur“ hér á landi. Hér lætur maður sko helst ekki sjá sig með Bónuspoka ... og hér þegir maður yfir því að maður sé svona „Íbúðalánssjóðsfólk“ ... hehehhe. Eina leiðin er greinilega sú að halda vöku sinni og hætta alfarið að skipta við okrarana. Ég hélt t.d. í alvöru að BT væri lágvöruverslun í raftækjum en það var áður en ég las síðu Dr. Gunna. Hef reyndar keypt fína hluti þar ... en á tilboðsverði. Eftir lesturinn veit ég að við eigum ekki að trúa blint á hilluverð, heldur bera það saman við kassaverð og verja tíma í að gera verðsamanburð milli verslana. Þannig sést hverjir okra minnst.

Athugasemdir

[Helga Magnúsdóttir, 19.4.2008 kl. 16:38]

Það er sko satt að við höfum látið allt yfir okkur ganga hvað verðlag varðar. Þegar Úlfar var lítill labbaði ég með hann einu sinni í viku og keypti inn i Bónus, það munaði alveg rosalega miklu í bleium og barnamat miðað við Hagkaup. Svo tók ég skutlu heim með vörurnar og vagninn en samt margborgaði þetta sig.

[Jenný Anna Baldursdóttir, 19.4.2008 kl. 16:56]

Flott framtak og nú er ég meira að segja búin að svíkja málstaðinn og vill frjálsan innflutning á matvöru.  Ég vil lifa með reisn (ok smá drami). 

Loveu

[Hólmdís Hjartardóttir, 19.4.2008 kl. 17:47]

HEYR HEYR.

[Ásdís Sigurðardóttir, 19.4.2008 kl. 17:49]

þetta var sko sniðugt hjá Dr. Gunna.  Ég er reyndar ein af þeim sem ber alltaf saman verð á hillu og kassa, hef svo gott töluminni, og stundum hefur fólk orðið pirrað fyrir aftan mig, þegar þarf að leiðrétta verð, en maður verður að hafa virkt eftirlit.    

[Svanhildur Karlsdóttir, 19.4.2008 kl. 18:46]

Ég er einmitt með síðuna hans í favorites, flott framtak hjá honum

[Breiðholtshatarinn (IP-tala skráð) 20.4.2008 kl. 00:01]

Jamm, hann þyrfti að fjalla um Hive. Hroðafón/Sko keypti Hive til þess eins að minnka þjónustu og okra. Það sem var áður net og sími með ótakmarkað í heimasíma og farsíma er búið að hækka um um það bil 3000 á mánuði og ótakmarkað er ekki lengur ótakmarkað. Maður fær bara einhverjar 300-400 mínútur í farsíma.

Ég hef góðar heimildir fyrir því að annar umsjónarmanna miðjunnar á útvarpi Sögu ætli að biðjast opinberlega afsökunar á því að hafa hvatt vini og vandamenn til að fá sér Hive. En hann vissi náttúrulega ekki þá að það ætti eftir að koma inn með Vódafóní VanHÆVi í kompaníið.

[Ólafur Þórðarson, 20.4.2008 kl. 14:42]

Merkilegt að fólk eigi eithvð afgangs miðað við húsnæðisokrið. Þak yfir höfuðið orðið tvöfalt eða þrefalt dýrara á örfáum árum og örfáir peningamafíósar hlægja alla leið í bankann meðan almenningur stritar.