Óhæfur formaður?

Æ, æ, æ. Ég vonaði innilega að flóttamennirnir kæmu hingað á Skagann svo að við gætum lagt eitthvað af mörkum til að hjálpa okkar minnsta bróður/systur, eins og önnur sveitarfélög hafa gert. Var ákveðin í að bjóða mig fram til að vera einhverri fjölskyldunni innan handar á meðan hún kæmi sér vel fyrir á Skaganum. 

Ég skammast mín sem Skagamaður fyrir að formaður félagsmálaráðs hér noti þau rök að betra sé að hlúa að Skagamönnum. Hvaða vandamál eru svo mikil og stór hér í bæ að ekki sé hægt að hjálpa illa stöddu fólki sem á sér enga framtíð í eigin landi (flóttamannabúðum)? 

Ég veit um félagsmálastjóra annars sveitarfélags sem tók sér það vald að gefa neikvæða umsögn um frumvarp sem var að fæðast (staðfest samvist samkynhneigðra). Hann talaði ekki við neinn í félagsmálanefndinni á staðnum, heldur vísaði til siðferðilegra og trúarlegra raka gegn þessu. Ég frétti að allt hefði orðið vitlaust í bæjarfélaginu og e-m árum seinna þegar hann sótti um starfið aftur (hafði hætt í millitíðinni) fékk hann það ekki, bara út af þessu. Þetta var víst eina sveitarfélag landsins sem gaf neikvæða umsögn og þetta sveitarfélag er sko ekki þekkt fyrir þröngsýni.

Ég veit ekki til þess að Akranes sé það fátækur kaupstaður að ekki sé hægt að hjálpa þessum konum. Mér finnst þetta vera mikil þröngsýni og alveg sorglegt að ein manneskja hafi svona mikil völd.  Þetta mun án efa hafa áhrif í kjörklefanum, svona hlut er ekki hægt að gleyma og ekki hef ég trú á því að meirihluti Skagamanna sé svona þenkjandi. 

Hér er fréttin: Fulltrúar Samfylkingarinnar, Vinstri grænna og Framsóknarflokks í Velferðarráði Reykjavíkurborgar leggja fram tillögu í ráðinu á morgun um að bjóða hóp flóttamanna frá Palestínu velkomin til Reykjavíkurborgar.

Í tilkynningu frá fulltrúunum segir, að ætlunin hafi verið að búa flóttafólkinu framtíðarheimili á Akranesi en í fjölmiðlum síðustu daga hafi komið skýrt fram í máli Magnúsar Þórs Hafsteinssonar, formanns félagsmálaráðs á Akranesi, að ekki sé rétt að taka á móti flóttafólki þangað heldur eigi bærinn að einblína á vanda bæjarbúa.

„Það er mat okkar að ekki sé leggjandi á flóttafólk að flytjast í bæjarfélag þar sem formaður félagsmálaráðs er á móti komu þeirra og vinnur opinberlega gegn dvöl þeirra þar. Það er trú okkar að þó svo sömu flokkar stýri málum í Reykjavík og á Akranesi, þá verði önnur afstaða tekin til málsins hér í borg," segir í tilkynningunni, sem Björk Vilhjálmsdóttir, borgarfulltrúi Samfylkingar, skrifar undir.

Flóttafólk verði boðið velkomið til Reykjavíkur

Athugasemdir

[Ragnheiður , 13.5.2008 kl. 19:30]

Þessi frétt sló mig illa í dag....en ég hef enn ekki skoðað minn hug hvað varðar flóttafólk yfirleitt. Þetta fólk þarna er alveg landlaust en mikið á þeim eftir að finnast undarlegt Íslandið, sama hvort þau verða hjá þér í nágrenni himnaríkis eða í Reykjavík.

[Guðríður Hrefna Haraldsdóttir, 13.5.2008 kl. 19:35]

Held að það sé skárra að koma á Skagann og byrja alveg nýtt líf en vera áfram í vesældinni. Læra tungumálið og verða sjálfbjarga. Það er eins og sumir haldi að verið sé að bjóða hryðjuverkamenn velkomna til landsins. (Allir Íslendingar eru fyllibyttur. Allir Danir eru nískir bjórdrykkjumenn. Allir Skotar eru aurapúkar. Allir Írar eru drykkfelldir og rauðhærðir. Allir Palestínumenn eru hryðjuverkamenn-dæmið)

[Magnús Þór Hafsteinsson, 13.5.2008 kl. 20:03]

Lestu greinargerð mína á vef Skessuhorns.

Ég hef fullan rétt til að tjá afstöðu mína til málsins sem stjórnmálamaður og kjörinn fulltrúi sem starfar í umboði kjósenda. Að bera mig saman við einhvern félagsmálastjóra sem hefur verið embættismaður en ekki pólitíkus er að skjóta langt yfir markið - svo notuð sé ekta Skagatermínólógía.

[Guðríður Hrefna Haraldsdóttir, 13.5.2008 kl. 20:13]

Já, sem betur fer er lýðræði og allir mega hafa skoðanir. Það var líklega klaufalegt af mér að bera þig saman við hinn félagsmálastjórann, enda þessu ekki saman að líkja, ég mundi bara að gjörðir hans höfðu þau áhrif að hann fékk ekki embættið aftur, og ég bið þig velvirðingar á því. Hins vegar gæti ég ekki verið meira ósammála þér varðandi flóttamennina.

[Þröstur Unnar, 13.5.2008 kl. 20:36]

Hvað er það helsta Gurrí, sem þú ert ekki sammála Magnúsi um?

Er þetta ekki aðeins of geyst farið í að fjölga bæjarbúum svona mikið á einu bretti, án þess að hafa lausnir um t.d. húsnæði, atvinnu og aðlögun?

Ég mundi flytja í gám og lána vistarverur mínar um tíma ef það væri til þess að geta bjargað fólki í neyð, það er ekki málið.

[Magnús Þór Hafsteinsson, 13.5.2008 kl. 20:39]

Ég er EKKI félagsmálastjóri heldur formaður félagsmálaráðs Akraness.

Því miður er það þannig í pólitíkinni að oft þarf að taka erfiðar ákvarðanir og það á ekki síst við innan félagsmálaráðs. Ég hef komist að niðurstöðu í þessu máli. Sem stjórnmálamaður sem starfar í umboði kjósenda á Akranesi þá er það frumskylda mín að verja hagsmuni þeirra umfram hagsmuni annarra. Við búum við takmörkuð gæði sem er bæjarsjóður.

Ég var ekki kosinn til að sinna málefnum flóttafólks á Akranesi. Þannig er það bara. Það var aldrei til umræðu í kosningabaráttunni árið 2006 hjá neinum flokki að gera slíkt á kjörtímabilinu.

Þið sem viljið taka þá áhættu að bæjarsjóður verði í framtíðinni fyrir verulegum fjárútlátum vegna flóttafólks verðið þá að minnsta kosti að koma með ábendingar um það hvaðan við ætlum að taka þá peninga af þeim fjármunum sem ætlaðir eru í velferðarmál og félagslega aðstoð innan bæjarfélagsins.

Eigum við að taka þá af öldrunarþjónustunni? Eigum við að hækka leikskólagjöldin? Eigum við að neita öllum fátækum foreldrum sem biðja félagsmálaráð um að greiða æfingagjöld eða mat í leikskólum og grunnskólum um hjálp? Áfram má telja.....

Það er auðvelt að dæma okkur sem berum ábyrgð og sennilega aldrei léttara en þegar um er að ræða svona mál. En ég hef hreina samvisku og mun óhræddur leggja störf mín í dóm kjósenda eftir tvö ár.

[Jenný Anna Baldursdóttir, 13.5.2008 kl. 20:48]

Mér kemur ekki á óvart þessi afstaða Magnúsar Þórs, þegar málflutningur hans í málefnum innflytjenda eru skoðuð.

Þetta er skammarlegt og Gurrí ég er þér svo innilega sammála.

Hvaða vandamál geta verið svona slæm á Akranesi að ekki sé hægt að hjálpa fólki sem kemur úr algjörri neyð, til sjálfshjálpar.

Svínarí.

[Magnús Þór Hafsteinsson, 13.5.2008 kl. 20:51]

Ég er nú alveg pollrólegur yfir svona árásum frá villta vinstrinu eins og kemur fram hjá Jenný Önnu Baldursdóttur. Fyrirsjáanlegt innantómt glamur.

[Guðríður Hrefna Haraldsdóttir, 13.5.2008 kl. 20:54]

Jæja, brussubína er búin að lesa aftur í gegnum greinargerð Magnúsar, miklu hægar að þessu sinni ... og verður að viðurkenna að sitt af hverju þar er vel rökstutt.

Ég hafði ekki tekið eftir afarkostunum, annað hvort allir eða enginn ... og skorti á eðlilegum upplýsingum og svörum til bæjarins. Mér finnst samt hrikalega sorglegt ef við getum ekkert gert. Ég snöggreiddist þegar ég sá hvað stóð í meðfylgjandi frétt, enda komum við Skagamenn mjög illa út í henni, en þar mætti gæta meiri sanngirni. Ástæðan fyrir því að ég nenni yfirleitt ekki að skrifa um svona mál er skítkastið og oft og tíðum sérkennileg túlkun mála.

Er ekki bara kominn tími á bold? 

[Ásdís Sigurðardóttir, 13.5.2008 kl. 20:58]

Innlitskvitt í himnaríki, hér er sól og blíða og ég hress og kát, en þú darling???  

[Hallur Magnússon, 13.5.2008 kl. 21:19]

Hornfirðingar tóku á móti hóp flóttamanna frá fyrrum Júgóslavíu árið 1996 - frekar en 1997- minnið aðeins farið að gefa sig.Hornafjörður var þá reynslusveitarélag með allt á fullu - meðal annars var sveitarfélagið að taka við grunnskólanum, heilsugæslunni, hjúkrunardeild aldraðra og málefnum fatlaðra - og byggja upp nútímalega, samþætta félags ög heilbrigðisþjónustu á öllum stigum. Með öðrum orðum - samfélagið var á kafi með litla stjórnsýslu að byggja upp öfluga samfélagsþjónstu.Þrátt fyrir það - og kannkse .ess vegna - þá var samfélagið í heild sinni reiðubúið að taka við 21 flóttamanni.Rauði krossin, sveitarfélagið og fólkið í samfélaginu tók höndum saman og tók vel á móti þessu fólki sem flest allt hefur nnáð að fóta sig afar vel í íslensku samfélagi.Þetta verkefni skilaði ekki bara flótamönnunum góðu - heldur var það afar dýrmætt fyrir hornfirkst samfélag.Akranes ætti að vera enn öflugra sveitarfélag til að taka á mót hóp flóttamanna.Ski ekki í Magnúsi - sem mér hefur alltaf fundist spennandi stjórnmálamaðuir þótt ég sé oft ekki sammála honum - í þessu máli. Held hann sé á rangri leið.

[Þröstur Unnar, 13.5.2008 kl. 21:30]

Já flott hjá Hornfirðingum Hallur. Í dag er árið 2008 og 25 fjöldskyldur bíða eftir húsnæaði hér í bæ.

Hvað viltu segja við þær? "Nú tökum við höndum saman og hjálpum innflytjendunum öll sem einn, þið bíðið bara nokkur ár í viðbót, elskurnar"?

[Hrönn Sigurðardóttir, 13.5.2008 kl. 21:31]

Þessi frétt sló mig illa!! Mjög illa! Eru Akurnesingar svo blankir að þeir hafi ekki efni á að rétta hjálparhönd?

Svei attan!! 

[Ragnheiður , 13.5.2008 kl. 22:04]

Ja ég meinti það kannski ekki alveg svoleiðis Gurrí. Ég held nú ekkert að þetta sé neinir terroristar, ég fann bara til með þeim að vera sendir hálfpartinn á kaldan klaka miðað við það sem þau eru vön. Kannski aðlagast fólk bara vel.

Einhversstaðar (man ekki hvar) úti á landi voru teknir inn margir flóttamenn, enginn þeirra ílengdist þar. Þeir sem ekki fóru aftur til heimalandsins fóru til Reykjavíkur.

[bb (IP-tala skráð) 14.5.2008 kl. 00:42]

Hjálpið þessu fólki annarstaðar en á Íslandi það er komið allt of mikið af útlendingum hér.Stend með þér Magnús Þór;)

[Sigurður Viktor Úlfarsson, 14.5.2008 kl. 02:09]

Set spurningamerki við 60 manns á einn stað.  21 fór á Höfn í Hornafirði.  Mér finnst það skynsamlegri fjöldi, eða þá t.d. fjórir ca. 15 manna hópar.  Annars er of mikil hætta á "gettómyndun" og að hópurinn falli ekki nægilega vel inn í samfélagið sem fyrir er.  Árangur svona verkefnis fellst að stórum hluta í því að nokkrar fjölskyldur eins og Gurrí taki þetta fólk að sér, bjóði því í saumaklúbbana, jólaböllin og taki það almennt inn í samfélagið sem fyrir er.  Slíkt er orðið mun erfiðara með 60 manna hóp.

Skiptum þessu í fjóra hópa á fjögur bæjarfélög.  Ég held það muni skapa betri niðurstöðu bæði fyrir bæjarfélögin og viðkomandi einstaklinga.

[Reykjavíkurmær (IP-tala skráð) 14.5.2008 kl. 02:11]

Æi, Kjarri, reyndu að halda þræði í umræðunni! Þú segir: "Reynsla af Flóttafólki (svo) er sú að það hefur aldrei í sögu þjóðarinnar verið einhver byrði frá byrjun flóttamannahjálpar Íslands 1952". Svona staðhæfing er málstaðnum ekki til hjálpar. ..."og sumir sig flytja um set til höfuðborgarinnar eftir árið og margir fara aftur til síns heima, fá nóg af kuldanum." Óttalegt gaspur er þetta í þér! Veistu ekki að hér er um að ræða ríkisfangslaust fólk?

Síðueigandi verðurskuldar hrós fyrir að viðurkenna að sitt af hverju í greinargerð Magnúsar er vel rökstutt. Virðingarvert.

[halkatla, 14.5.2008 kl. 09:30]

góð grein Gurrí, ekki orði ofaukið, þetta er leiðinlegt fyrir Akranesbæ. Ég held líka að það hefði verið betra fyrir hópinn að koma sér fyrir í góðum litlum bæ útá landi í stað stóru ljótu borgarinnar

[Auður Matthíasdóttir (IP-tala skráð) 14.5.2008 kl. 11:26]

Alveg sammála Magnúsi. Og vil bæta við að það er komið (of)  mikið af útlendingum hingað til lands.  Við höfum alveg nóg með að höndla það  fólk, sem komið er og sjá til þess að það læri íslensku og fái góð skilyrði til að koma sér fyrir.  Og börn þess góða skólagöngu o.s.frv.  Einnig þarf þjóðin að fá ráðrúm til að átta sig á nýjum tímum og ég tala ekki um í þeim þrengingum, sem nú dynja yfir okkur.  Gurrí, þú ert fín kona og flott hvernig þú tekur á athugasemdum. 

 Áfram með Boldið!!

[Guðríður Hrefna Haraldsdóttir, 14.5.2008 kl. 14:37]

Auður, ég vil nú samt endilega fá flóttamennina ...  þótt ég skilji alveg sumt í rökfærslu Magnúsar, þetta verður ekkert auðvelt. En hægt ef viljinn er fyrir hendi og allir leggi sitt af mörkum eins og var gert þegar Vestmannaeyjagosið var 1973.

[Magnús Geir Guðmundsson, 14.5.2008 kl. 17:43]

Nú þarf ekkert að ræða þetta meira,Karen þarna gengin í D og bæjarstjórinn með nikkuna líka! EFtir sitja kjósendur FF, magnús Þór og sonurinn síkáti m.a. með sárt ennið!

En spurningin lifir, hvort var það Magnús eða Björk sem voru "dropin sem fyllti mælin"?

[Guðríður Hrefna Haraldsdóttir, 14.5.2008 kl. 18:02]

Karen hefur án efa gert ansi marga kjósendur Frjálslyndra öskureiða. Stjórnmál geta verið svo andstyggileg og engu að treysta. Mikið er ég fegin að vera óháð í pólitíkinni. Samt er ég hálfleið yfir þessu öllu saman.

[Þórdís Bára Hannesdóttir, 14.5.2008 kl. 20:44]

Góð grein hjá þér Gurrý.  Þetta verður ekkert erfitt, bara gaman.  Sumir eru bara ekki gestrisnir svo ekki sé meira sagt. 

[Steinrikur. (IP-tala skráð) 14.5.2008 kl. 21:44]

'Afram Magnus Þór.Ekkert hippókrata rugl.

[Sævar Einarsson, 15.5.2008 kl. 18:12]

Ef það flokkast sem rasisti að setja Íslendinga í algeran forgang og það sé alger forgangur að aðstoða íslendinga sem eiga í alvarlegum vandræðum félagslega þá er orðið rasisti farið að hafa alveg nýja merkingu. Ég kalla svona gjörning hjá Kareni Jónsdóttur alvarlega aðför að Íslenska lýðveldinu og hrein og klár föðurlandssvik og er svoleiðis er saknæmt, þú hefur fullan stuðning frá mér Magnús Þór Hafsteinsson.

[Georg P Sveinbjörnsson, 15.5.2008 kl. 19:22]

Góð grein og ég er alveg samála.