Ógreiddi maðurinn horfinn!

16.7.2008 | 10:03

Nýi bílstjórinn kom okkur „óvenjumörgumfarþegum-miðaðviðaðþaðersumar“ heilu og höldnu í Mosó. Einhver gæfa er yfir mér, ég vann heima í gær og slapp algjörlega við 11 manna beygluna sem var víst notuð í gærmorgun og rétt dugði undir fólkið. Alvörudrossía kom í dag, eða venjulega rútan. Þegar ég fór inn í leið 18 við Ártún áttaði ég mig á því að ógreiddi maðurinn er að öllum líkindum horfinn úr lífi mínu.

Heilsan var mun skárri í gær en undanfarið en þá átti ég einmitt pantaðan tíma hjá dr. Sigríði, alveg týpískt, og svo í morgun vaknaði ég stokkbólgin, heit viðkomu og eins og hamstur í framan. Prófarkalesararnir mínir hér í vinnunni vilja að ég fari á slysó og ég sagði "jájá" til að róa þær. Ég fer ekki rassgat á slysó með óþægindi í andliti eftir sólbruna fyrir 9 dögum. Mér yrði fleygt öfugri út ... en líklega vegna útlits (leðurfés) sem vinnur gegn mér þessa dagana og hræðir lítil börn og gamalmenni.

Þeim DV.IS-mönnum tókst að plata mig svolítið, eins og kannski einhverjir hafa rekið augun í, og standa flutningar fyrir dyrum með tíð og tíma. Heiða skessa sagði orðrétt að það yrði nú "soldið mál að dröslast með allt þetta bold, strætóana, Tommana og kisurinar yfir á díví". Það er rétt hjá henni, það verður líklega eitthvert mál! Fyrirgef Reyni Trausta seint en hann setti Ý í nafnið mitt í DV í gær, Gurrí á það að vera og ég fyrirgef nokkrum bloggvinum alveg þótt þeir ruglist á þessu en ef ég snappa einn góðan veðurdag vegna þessa þá verður það gagnvart Reyni. Óttist eigi.

Megi dagurinn ykkar verða æðislegur og frábær ... mæli svo um og legg á!

Flokkur: Bloggar | Facebook

Athugasemdir

What!

Hvað ertu að fara að flytja? Boldið, bloggið, Himnaríki, vinnuna eða hvurn fjandan. Sko þú ferð ekkert af Skaganum kona.

Þröstur Unnar, 16.7.2008 kl. 10:55

Ég vissi að þetta væri bara skrök og lygi. Ég prófarkalas ekki greinina um þig því vitanlega hefði ég sett í í nafnið þitt. Þú getur bara rétt ímyndað þér.

Ég þarf að koma í skoðunarferð og sjá hamsturinn.

Helga Magnúsdóttir, 16.7.2008 kl. 11:03

Neibbs, Þröstur, vona að ég flytji aldrei af Skaganum, heldur yfir á bloggið á dv.is sem er að breytast í voða skemmtilegt blogg, sýnist mér, enn verið að vinna í því.

Fer heim á hádegi, Helga! Fæ far alla leið, lucky, lucky!!!

Guðríður Hrefna Haraldsdóttir, 16.7.2008 kl. 11:09

blessuð frænku baby.

Var fyrir norðan um helgina ásamt pabba og flestum afkomendum hans. Fórum út í Flatey. Það var rosa gaman en mikil breyting á eyjunni frá því ég var þarna síðast á seinni hluta seinni aldar.Það er verið að endurgera mörg hús þarna og þar á meðal er verið að gera upp Uppibæ sem afi og amma áttu.

annars annað láttu nú ath.með andlitið á þér það er ekki eðlilegt að vera með sólbruna í 9 daga. kveða tanta

tanta (IP-tala skráð) 16.7.2008 kl. 12:42

Skil ekki af hverju þú vilt flytja þig yfir á DV!!! DV?

Ég vil bara hafa þig hér - þekki þig ekki neitt en les bloggið þitt reglulega en DV skoða ég ekki, hvorki á vef né á prenti - einhver prinsipp verður maður að hafa í lífinu!

Held að þú fáir ekki fleiri innlit þar - en kannski er þér sama en ég er náttúrulega bara að hugsa um sjálfa mig!

Soffía (IP-tala skráð) 16.7.2008 kl. 14:06

Ég er dyggur lesandi gurrí, og mun fylgja þér yfir til dv.is er einhver sérstök slóð til að finna síðuna þína þar??

Eigðu æðislegan dag sömuleiðis

Skagaskarfur (IP-tala skráð) 16.7.2008 kl. 14:40

Soffía: Alltaf gaman að breyta til! DV.is fólkið er að gera góða hluti og mér líst vel á breytingarnar á síðunni hjá því. Þetta er fólkið sem ég borða með í matsalnum og fíla í ræmur!

Skagaskarfur: Ég er ekki flutt enn en mun skilja eftir hlekk.

Tanta: Það hefði verið gaman að vera með ykkur, hef ekki farið út í Flatey í tæp 45 ár og man ansi lítið eftir dvöl minni þar, enda var ég svo lítil. Vona að þú hafir tekið myndir og svona til að sýna frænku.