Fullur bíll af kjéddlíngum ... og smá bold

Heilmikið fjör var í strætó á heimleiðinni. Megn kaupstaðarlykt var af síðasta farþeganum sem kom inn í Mosó og sá var í glimrandi góðu skapi. Hann settist nálægt Haffa bílstjóra og reyndi mikið að fá hann til að gera eitthvað spennandi. „Fullur bíll af kjéddlíngum, sérðu möguleikana?“ sagði hann en Haffi lét ekkert trufla einbeitinguna við aksturinn, sýndi bara manninum ótrúlega þolinmæði og aðrir farþegar virtust skemmta sér vel. Sú sem sat fyrir aftan mig hvíslaði að mér: „Mikið er annars gott að vera á lausu.“ Hún meinti, held ég, að það væri gott að eiga ekki von á svona lítið edrú manni heim, frekar en að nú væri lag ... að veiða sér einn góðglaðan. „Ertu til í að koma við hjá hesthúsinu?“ kallaði maðurinn skömmu áður en við komum í göngin. „Já, já,“ sagði Haffi en ók samt beinustu leið á Skagann. Ég hefði ekki þurft að bölva því að vera búin með strætóbókina, en hún kláraðist í leið 15 á leið í Ártún í morgun, svo gaman var á leiðinni. Alltaf samt að vera með varabók!

Jæja, Brooke er búin að segja Nick upp sem pakkaði föggum sínum í pínulitla tösku, rétti henni giftingarhringinn og fór. Tár á hvörmum beggja og næstum því kveðjukoss. Brooke vill ekki leyfa systur sinni, Donnu, að segja Nick frá því sem hún sá, eða að Stefanía hafi hrint Jackie, mömmu Nicks, niður stigann. Stefanía sleit sig reyndar lausa af Jackie með þessum skelfilegu afleiðingum að Jackie er næstum í kóma eftir fallið.

„Þú kynnir ekki Beð Brooke fyrir Forrester lengur,“ segir Stefanía við Donnu og er búin að láta Jason pakka niður dóti hennar. Stefanía veit sem satt er að Donna gæti haft truflandi áhrif á vonandi tilvonandi enn eitt hjónaband Ridge og Brooke. Donna er svo skotin í Ridge. Donna er auðmýkt og tautar bölbænir og við vitum (vegna kristalskúlu minnar) að Donna á eftir að stela karlinum frá Stefaníu sjálfri, honum Eric. Svaðaleg hefnd. Brooke eiginlega segir Ridge upp líka en hann „veit“ að það er bara tímabundið á meðan fyrrverandi tengdó, Jackie, mamma Nicks, liggur svona stórslösuð á sjúkrahúsinu.

P.s. Fékk algjört lost þegar Nágrannar voru sýndir á undan boldinu en skv. Eyjunni (eyjan.is) var þetta með vilja gert og auglýst í dagskránni. Það er ekki hægt að treysta á neitt í þessum heimi, hvað næst? Kannski Latibær á besta tíma á laugardagskvöldum? Úps, það er víst þannig.

Athugasemdir

[Ásdís Sigurðardóttir, 18.8.2008 kl. 19:39]

Fjandans lati bær, geta þeir ekki haft hann milli sex og sjö svo for eldrar fái frið við að elda og svo borða allir kátir áður en simpson byrjar. Takk fyrir bold update.

[Þröstur Unnar, 18.8.2008 kl. 20:17]

Brooke and Ridge under the bridge.

Donna and Jackie under the Nicks.

Love it.

[Þröstur Unnar, 18.8.2008 kl. 20:19]

Shit rímar ekki só.... 

Brooke and Ridge under the bridge.

Donna and Jackie on top of the Nicks.

[Vera Knútsdóttir, 18.8.2008 kl. 20:36]

Jæja frú Guðríður, nú fer að styttast í að ég verði þér samferða á morgnana í strætó. Ég mun mæta eldfersk með Starbökks málið í hendi í fyrsta strætó ;-)

[Guðrún Ágústa Einarsdóttir, 18.8.2008 kl. 21:35]

Ég veit ekki hvað þeim stóð til að hrella mann með þessum vitlausa sýningar-tíma á boldinu...en sem betur fer að þá var ég búin að sjá þáttinn, jamm sá hann í morgun. En ég er annars með plús-stöðvar.. ef út í hart fer...hehehe...kv Gunna.

[Bergljót Hreinsdóttir, 18.8.2008 kl. 22:03]

[Guðríður Hrefna Haraldsdóttir, 18.8.2008 kl. 23:20]

Frú Vera, heldurðu að ég sé ekki orðin löt og sofi út ... til 7.15 og taki ferð 2 á morgnana ... svo fer ég í sjúkraþjálfun á morgun ... vinn heima alla þriðjudaga. Ef þú sefur yfir þig þá sjáumst við. Hehhehe

Þröstur, flottar vísur! Jackie er reyndar mamma Nicks, setjum bara Bridget í staðinn, hún elskar þennan fyrrum eiginmann sinn og bráðum fyrrum stjúpföður enn, hann Nick. Passar líklega betur. Hvað finnst öðrum aðdáendum boldsins? Múahahahaha

[Vera Knútsdóttir, 19.8.2008 kl. 00:25]

Ég mun sjá þig í 2. strætó á miðvikudaginn og mánudaginn frú Guðríður ;-) Sumarpróf alltaf jafn yndisleg.

[Guðríður Hrefna Haraldsdóttir, 19.8.2008 kl. 00:38]

Endilega pikkaðu í mig, gleraugun mín eru löngu orðin allt of dauf, ég er komin á það stig að ég veifa öllum sem heilsa mér úr fjarlægð og hef svo ekki hugmynd um hvaða fólk þetta er ... hehehheh