Morgunstuð og fundinn kettlingseigandi ...

Með latte í annarri og latte í hinni var svifið niður tröppur himnaríkis og beint inn í Ástubíl. Klukkan var 6.50 og spennan í algjöru lágmarki, enda röng útvarpsstöð í gangi. Eins gott, við hefðum keyrt út af ef við hefðum munað eftir leiknum. Báðar grútsyfjaðar en auðvitað huggulegar ... Það var frekar kalt í morgun, næstum vettlingaveður fyrir Ástu hina handköldu en með hita í sæti og volgan blástur í lofti, tala nú ekki um morgunsólina í andlitið varð fljótlega hlýtt og notalegt.

Komst að því hjá Ástu að Kolla, aðstoðarstúlkan í afmælinu mínu, á litla kettlinginn sem var á vergangi í gær. Kolla býr rétt hjá Skrúðgarðinum en samt of langt frá fyrir "vitlausa" kettlinga sem rata ekki heim. Sjúkkitt. Taugar heimiliskatta himnaríkis voru því ekki truflaðar í gær.

Ég er að lesa svo skemmtilega bók núna, Hjarta Voltairs, og hún hélt fyrir mér vöku fram yfir miðnætti. Hún er í tölvuskeytaformi og þótt hún sé ekki spennubók þá er hún svo spennandi að ég tími varla að sleppa af henni hendinni.

Megi dagurinn ykkar verða ævintýraríkur!

P.s. Dásamleg mynd hér að ofan sem segir allt ... takk, Vera.

Athugasemdir

[Jenný Anna Baldursdóttir, 20.8.2008 kl. 15:48]

Ég er að lesa sömu bók.  Hehe, var svolítið lengi að komast í gang, en svo rúllaði þetta.

[Brynja skordal, 20.8.2008 kl. 15:53]

Gott að kisa litla komst í réttar hendur Hafðu svo góða heimferð í Himnaríki

[Þröstur Unnar, 20.8.2008 kl. 16:49]

Verð að segja það að ég hef áhyggjur af höfundi. Er hún alfarin á dévaffið?

[www.zordis.com, 20.8.2008 kl. 17:34]

2 Latte .... með eða án koffeins?

Á alveg eftir að taka rúnt og prófa göngin ... er ekki alltaf sól þín megin.

[Sigríður Þórarinsdóttir, 20.8.2008 kl. 17:45]

Latte hljómar vel.... kl 6,50 ekki eins, úff hvað ég á erfitt með að vakna þessa dagana, enda fer ég alltaf of seint að sofa.    Gott að eigandi sætu kisu fannst.

[alva (IP-tala skráð) 20.8.2008 kl. 23:41]

mmmmmmmmm latte kl 06:50 dásemd!!

[tanta (IP-tala skráð) 21.8.2008 kl. 14:23]

hvort er ég B eða A manneskja fer seint að sofa og allt of snemma á fætur er ég þá C manneskja ?

kveðja tanta