Magnað lífshlaup ...

Var klukkuð og ákvað að afplána það þótt margt skrýtið hafi uppgötvast, t.d. það að ég hef aldrei farið sérstaklega í sumarfrí til útlanda, alltaf átt erindi ... kórferðalag, árshátíð (í hittiðfyrra til London), vetrarheimsókn til Elfu vinkonu og slíkt.

Eitt sumarfríið skrapp ég til Önnu og Ara á Álftanesið-gáfaða og varði með þeim skemmtilegri kvöldstund. Var síðan skutlað heim í Vesturbæinn í stórum jeppa þar sem svokallað “lóran”-tæki (minnir mig að það heiti) sýndi nákvæmlega leiðina vestur í bæ. Það stóð upp sem skemmtilegasta ferðalag þess sumars ef ég tel strætóferðirnar ekki með, hehhehe. Annars, meðan það mátti, seldi ég iðulega sumarfríið mitt. Mikill misskilningur að einstæðar mæður hafi það svo gott. Venjulegur mánuður: Konulaun + 10 þús. í meðlag + 5 þús. í mæðralaun. Það voru pörin sem þóttust vera „einstæðar“ sem gátu mögulega lifað mannsæmandi lífi og þar lá misskilningurinn. Jamm! Þetta átti nú ekki að fara út í eitthvað svona, lenti bara oft í rifrildi yfir því hvað við, þessar einstæðu, hefðum það nú gott á öllum þessum bótum. Hlátur minn yfir því í dag er enn pínulítið beiskjublandinn.

Fjögur störf sem ég hef unnið um ævina:

- Bakka- og vélastúlka í Ísfélagi Vestmannaeyja (hækkaði í tign úr orma- og beinatínslunni)

- Skartgripasölukona á Laugaveginum

- Skrifstofustúlka í ýmsum fyrirtækjum

- Útvarpskona (lengst af á Aðalstöðinni)

 

 

Fjórar bíómyndir sem ég held upp á:

- Empire of the Sun

- Sound of Music

- True Lies

- Allt um móður mína

(svona sem ég man eftir ...)

 

Fjórar bækur sem ég hef lesið oftar en einu sinni:

- Allar bækur Enid Blyton

- Vinur minn, prófessorinn (rómantísk spítalasaga)

- Snjallar stúlkur (útg. 1946, í eigu mömmu, spennubók fyrir krakka)

- Málsvari myrkrahöfðingjans (ja, þótti hún mjög skemmtileg á unglingsárunum)

(marglas bækurnar í gamla daga, geri það ekki lengur, nema Harry Potter)

 

Fjórir sjónvarpsþættir:

- House

- 24

- Illt blóð

- Útsvar/Silfur Egils/Kiljan/Simpsons ... get illa gert upp á milli, gleymi örugglega e-u

Fjórar fæðutegundir sem ég elska:

- Kjúklingur

- Nautakjöt

- Indverskur matur

- Mexíkóskur matur

 

 

Fjórir staðir sem ég hef farið á í sumarfrí:

- Álftanes

- Höfn í Hornafirði (sumarbústaður yfir helgi með mömmu og systkinum)

- La Conner (Washington-fylki USA, 2 vikur í jan. 2002)

- Austurríki, Þýskaland, Ítalía; kórferðalag í júní 1985

Fjórir staðir sem ég hef búið:

- Akranes (þrisvar: 2-12 ára, sem ung, nýgift, nú sem pipruð kattakerling í himnaríki)

- Reykjavík (0-2 mánaða, 13-18 ára, 24-48 ára)

- Sauðárkrókur (16-17 ára)

- Stykkishólmur (til 2 ára) (og Vestmannaeyjar hálft ár 1974)

 

 

Ég klukka  ... Hnakkus, Björn Bjarnason, DoktorE og Egil Helgason.

Athugasemdir

[Ragnheiður , 14.9.2008 kl. 16:16]

Þú ert huguð kona að klukka Hnakkus, en mikið svakalega væri gaman að sjá hans lista hehe.

[Guðríður Hrefna Haraldsdóttir, 14.9.2008 kl. 16:25]

Ég gat ekki hugsað mér að gera bloggvinum mínum það að klukka þá ... valdi bara nokkra góða sem ég stórefast um að taki áskoruninni, hvað þá lesi bloggið mitt!

[Helga Magnúsdóttir, 14.9.2008 kl. 16:29]

Ég var nú hálfhikandi þegar ég klukkaði þig, var ekkert viss um að þú tækir því vel.  Nú er ég rosalega ánægð, elska þegar fólk gerir eins og ég segi því.

[Guðríður Hrefna Haraldsdóttir, 14.9.2008 kl. 16:37]

Heheheh, ég þorði ekki annað en að hlýða þér, maddama Helga!

[Sigríður Ágústa Þórólfsdóttir, 14.9.2008 kl. 17:00]

Ég var að klára eitt svona klukk,nema ég var ekki eins hugrökk og þú,sendi bara engum klukker bara algjör hæna

[Edda Agnarsdóttir, 14.9.2008 kl. 18:42]

Ég kemst að því þegar ég les þitt klukk að það eru ekki eins spurningar hjá okkur! Ætli það séu tvær útgáfur af klukki!

Það voru engar bókaspurningar hjá mér og nú er ég súr.

[Guðríður Hrefna Haraldsdóttir, 14.9.2008 kl. 18:48]

Það vantaði líka eitthvað hjá mér, m.a. hvaða netsíður ég kíki á daglega ... ætli það séu ekki mbl.is, dv.is, jenfo sjálf og yr.no (norsk veðursíða) ... og á sem flesta bloggvini. Reyni grimmt að halda aftur af mér að sitja öll kvöld yfir blogginu.

[Hildigunnur Rúnarsdóttir, 14.9.2008 kl. 21:04]

hahaha, snilldar klukkun, til hamingju.  Verður samt eiginlega að linka á þá svo þeir taki eftir þessu

[Hildigunnur Rúnarsdóttir, 14.9.2008 kl. 21:04]

og hvers á Mengella að gjalda?...

[Guðríður Hrefna Haraldsdóttir, 14.9.2008 kl. 21:06]

Úps, steingleymdi Mengellu, hélt að hann væri hættur!

[Jens Guð, 14.9.2008 kl. 22:50]

  Já,  bjóst á Sauðárkróki.  Ég hef áreiðanlega séð þig þar.

[Guðríður Hrefna Haraldsdóttir, 14.9.2008 kl. 23:25]

Jamm, Jens, ég var kölluð Mafíuforinginn á tímabili þar! Gallabuxurnar mínar voru með hekluðum, marglitum dúllum á og beinar niður (þarna voru pressaðar, útvíðar terlínbuxur í tísku), gekk í vinnuskyrtu og svartri Álafossúlpu, stældi stórusystur, hippann. Einhver lagði saman tvo og tvo og fékk út mafíuna (!) og því fékk ég þetta viðurnefni sem ég var stolt af. Mun skárra en margt annað. Hehehheh

[www.zordis.com, 15.9.2008 kl. 00:48]

Alldeilis fínt klukk hjá zér kona.  Ég gleymdi hinu og zessu í mínu klukki .... er ad fara ad huga ad utanferd, hellisleit og ditten.

Álftanes er flottur stadur!

[Borghildur Anna (IP-tala skráð) 15.9.2008 kl. 17:36]

Leyfi mér að minna á Lundúnaferð, þar sem þú náðir þér í hyldjúpa flensu. Veikindin og lymskulegur áróður í Lundúnum urðu til þess að reykingafíknin fór í tímabundið hvarf.

Var þetta ekki sumarfrí, eða varstu að gera eitthvað allt annað?

[Guðríður Hrefna Haraldsdóttir, 15.9.2008 kl. 17:56]

Jú, vissulega, en um miðjan vetur ef ég man rétt, eins og ferðirnar mínar hingað til. Það var þó eins og besta sumarfrí að koma til ykkar. Fórum við ekki á þorrablót Íslendingafélagsins?