Skagaprýðin og Akrafjallsyndið ...

Ég átti í afar ljúfum tölvusamskiptum við mann hjá Ríkisútvarpi/Sjónvarpi áðan. Tek það fram að ég kannast við hann síðan við bjuggum í sama húsi um tveggja ára skeið og unglingurinn hans, hún Rún, setti hann í pössun til mín þegar hún fékk að halda partí. Pabbinn harðneitaði að fara fjær húsinu en í næstu íbúð, gott hjá honum. Heheheheh.

Í fyrra bréfinu stóð m.a.: Gerðu svo vel, Guríður skagaprýði. Ég þakkaði honum í svari mínu, hrósaði fyrir að kunna að umgangast heldri konur og fékk þetta til baka: Ekkert að þakka, Akrafjallsyndi. Ekki slæmt að vera álitin yndi Akrafjalls eða prýði Skagans. Já, sumir menn kunna sig heldur betur og mér finnst þetta satt að segja vera til eftirbreytni.

Fínasti matur var í hádeginu, grænmetisbuff með sterkri hunangssósu og/eða kjúklingabitar með kínverskri sósu og svo fullt af grænmeti. Auðvitað, bara lögmál að hafa báða réttina góða á sama deginum ... og svo aðra daga kannski er pasta með kjöti og pasta með grænmeti.

Athugasemdir

[Jenný Anna Baldursdóttir, 17.9.2008 kl. 14:36]

Það verður erfitt að toppa þennan mann í komplementum enda þú hin eina sanna Skagaprinsessa.

[Jenný Anna Baldursdóttir, 17.9.2008 kl. 14:37]

Halló, hvernig á fólk að geta valið um tvo rétti sem báðir eru góðir?

Annar verður að vera vondur.  Annars er valið ömurlegt.

[Elín (IP-tala skráð) 17.9.2008 kl. 14:42]

Já sææææll, er kannski komin hér fram á sjónarsviðið, sjéns á smá skrens ?? Hann kann allavega að daðra við konur. Voona þín vegna að hann sé ekki frátekin svo þú getir notið áframhaldandi dásamlegs daðurs, það er bæði hollt og gott  fyrir sálartetrið, sértaklega núna þegar rökkva tekur.

[Guðríður Hrefna Haraldsdóttir, 17.9.2008 kl. 15:12]

Enginn séns hér, Elín! Maðurinn kann bara að umgangast konur. Ekkert daður. Annars tæki ég ekki eftir daðri nema vera barinn í hausinn og dregin á hárinu inn í helli!

Ekki auðvelt, Jenný, ég valdi smávegis af báðum réttum, ekki annað hægt!

[Anna Ólafsdóttir Björnsson, 17.9.2008 kl. 15:57]

Frábær stíll, svona eiga sendibréf að vera!

[Þröstur Unnar, 17.9.2008 kl. 16:27]

Langar oft að segja eitthvað huggó við heldri konur, en þær eru svo djöf....fljótar í burtu að maður nær ekki að huxa hálfa huxun.

Kveðja til þín Skagaprýði...........

[Aprílrós, 17.9.2008 kl. 19:07]

[Guðný Anna Arnþórsdóttir, 17.9.2008 kl. 20:45]

Skagaprýði, Akrafjallsyndi, Langasandsljúfa, Himnaríkishringagná.... 

[Guðríður Hrefna Haraldsdóttir, 17.9.2008 kl. 20:48]

Hahahhaahhaha, snillingar!

[Helga Magnúsdóttir, 17.9.2008 kl. 20:50]

Þetta er greinilega maður sem kann sig. Hann hefur kunnað svona vel við sig í pössuninni hjá þér í den.

[Magnús Geir Guðmundsson, 17.9.2008 kl. 21:18]

Hlýtur að vera norðlenskur/þingeyskrar ættar eins og við!?

Annars er best að ég segi sem minnst, elín eða Jenný gætu haldið að ég væri daðrari af flagarahætti auk þess sem ég vil ekki gera Þröstin söngfagra afbrýðisaman!

[Lára Hanna Einarsdóttir, 17.9.2008 kl. 22:17]

Er hægt að yrkja undir flagarahætti, Magnús Geir...? 

[Sigríður Ágústa Þórólfsdóttir, 17.9.2008 kl. 22:19]

Frábært að fá svona æðisleg kompliment hafðu það gott ljúfust 

[Brynja skordal, 17.9.2008 kl. 23:01]

[Hrönn Sigurðardóttir, 17.9.2008 kl. 23:13]

Getur hann tekið að sér að halda námskeið?

[Guðrún Ágústa Einarsdóttir, 17.9.2008 kl. 23:22]

 Almennilegur maður þarna á ferð... kv Gunna.

[Vera Hróbjartsdóttir, 18.9.2008 kl. 01:13]

Það er ekkert meira kósý en fá að vita að við séum fallegar....þú ert algjört AKRANESKRÚTT

[Guðrún Jóhannesdóttir, 18.9.2008 kl. 01:24]

Barin í hausin og dregin á hárinu hehehhehehe,þú himnaríkiskrútt