Hvar eru sætu mennirnir? Svar: Í strætó!

Dásamlega gaman í strætó í morgun, öllum þremur vögnunum. Enginn sjór skvettist yfir átta-strætó í gær að sögn Skúla, bara fyrir framan vagninn eða aftan. Skúli er á einhverjum sérsamningi greinilega. Í leið 15 sat hinn frábæri Haraldur og keyrði okkur af miklu öryggi til Reykjavíkur. Ég og frábæri maðurinn við hlið mér dáðumst að bókaköflunum úr væntanlegum jólabókum Forlagsins sem voru fyrir framan hvert sæti, vandlega plasthúðaðir. Ég skelf af spenningi, hlakka ekkert smá til jólabókaflóðsins. Kannaðist ógurlega við þennan myndarmann sem sat hjá mér, samt er ég svo ómannglögg, og ... jamm, hann er í verkefninu okkar skemmtilega með Rauða krossinum. Býr í sveitinni og hefur boðið þeim sem vilja koma í heimsókn. Held að Lína og börn yrðu heldur betur ánægð að koma einhvern daginn þangað og sjá íslenska sveit.  

Held að erfðaprinsinn verði ekki jafnlestrarsjúkur í jólabækurnar og í fyrra, nú gengur skólinn fyrir öllu hjá honum. Ég er með nokkrar nýjar DVD-myndir heima til að horfa á og skrifa um og hann hefur bara horft á eina, geymir þetta til helgarinnar. Það er mjög gott að láta hann horfa fyrir sig, hann ráðlagði mér t.d. eindregið að horfa á Walk Hard og 10.000 BC, myndir sem ég hafði síðan mjög gaman af og skrifaði um. Þessi einbeiting hans hefur skilað sér. Hann fékk einkunn úr stærðfræðiprófi í morgun ... veit að hann vonaðist eftir að fá 8 þar sem honum gekk ágætlega í prófinu. Mont, mont, hann fékk 9! Ruglaði saman plús og mínus í einu dæminu, ekki því þyngsta, annars hefði hann fengið 10. Jess. Sorrí mömmumontið, ég er líka svo ánægð með að hann hafi drifið sig í skóla aftur eftir langt hlé!

Í leið 18 settist ég aftast og hjá ógurlega sætum Indverja í hvítri úlpu. Við brostum svo sætt hvort til annars að það braut ísinn sem vanalega ríkir milli strætófarþega (ís=feimni, fúlheit ...). Núna vitum við Indverjinn ALLT hvort um annað. Sagði honum m.a. að indverskur matur væri í sérlega miklu uppáhaldi hjá mér. Ég glotti aðeins hann sagðist heita Gris (rétt: Girish) og hann glotti þegar ég sagðist heita Gurrí (þýðir ábyggilega datt á rassinn á hindí). Indverjahópurinn vinnur við forritun hjá Glitni, eins og glöggur lesandi bloggsins hafði bent á fyrir löngu, og ungi maðurinn sagði mér að hann kynni mjög vel við sig á Íslandi, sumarið hefði verið einstaklega gott og hann sæi ekkert athugavert við haustveðrið, ég spurði hann auðvitað.

Langar að vekja athygli á ótrúlegu máli sem hægt er að lesa um á blogginu sem ég hlekkja við, ég er í losti yfir þessu, vona heitt að þetta verði lagað. Endilega kíkið á síðuna hennar Svövu:  http://slartibartfast.blog.is/blog/slartibartfast/entry/644702/

Athugasemdir

[Hrönn Sigurðardóttir, 19.9.2008 kl. 11:01]

Til hamingju með strákinn! Hann stendur sig vel

Tekur Þröstur strætó?

[Hrönn Sigurðardóttir, 19.9.2008 kl. 11:02]

Ég las síðuna henna Svövu bæði í gær og í dag! Mér finnst hræðilegt að heyra um þetta mál! Hrikalegt að skilja barnið bara eftir hvar sem er! Ég næ þessu ekki! Hvað hugsar svona fólk? Hverjum er það að kenna einhverjar lexíur??

[Guðmundur G. Hreiðarsson. (IP-tala skráð) 19.9.2008 kl. 12:39]

Það kemst enginn inn í Himnaríki, sem heitir svona dónalegu nafni, hm. Ja, það þarf minnsta kosti að standa í bölvuðu þrefi við hann Pétur, hm.

[Guðrún Jóhannesdóttir, 19.9.2008 kl. 12:46]

Hæ! ef þið lesendur Gurríar hafið týnt kisunni ykkar þá er hjá mér eitt vesælt grey úti í garði svona lýtur kisa út fleiri myndir eru svo HÉR

Sorrí Gurrí mín að ég sé að "misnota" síðuna þína en ég er næstum farin að skæla með angakisukrúttinu þarna úti

Til lukku með hvað erfðaprinsinn

[Guðríður Hrefna Haraldsdóttir, 19.9.2008 kl. 12:56]

Hvar á Skaganum áttu heima, Guðrún? Ég er viss um að einhver saknar kisa heilan helling. Auðvitað máttu "misnota" síðuna mína í svona góðum tilgangi! Skárra væri það nú.

Jú, Guðmundur, Pétur passar fyrir mig þegar ég er í vinnunni ... heheheh.

Hrönn, þetta er hræðilegt, það er rétta orðið. Það þarf að koma þessu í blöðin, sjónvarpið, gera eitthvað svo þetta hendi aldrei framar. Fatlað barn sem getur enga vörn sér veitt skilið eftir aleitt og foreldrarnir mæta bara geðillsku.

[Guðrún Jóhannesdóttir, 19.9.2008 kl. 13:22]

Kisi er staddur í garðinum á Sunnubraut 17

[Einar Örn Thorlacius (IP-tala skráð) 19.9.2008 kl. 13:50]

Mér er ljúft að upplýsa að ég var þeirrar ánægju aðnjótandi að sitja við hliðina á Gurrí í strætó í morgun og var þá væntanlega einn af þessum myndarlegu mönnum sem ferðast með henni á morgnana.  Við ræddum um bækur og ýmislegt fleira.  Þakka komplímentið!

Ég ræddi nú ekkert sérstaklega um þessa strætóferð í vinnunni minni, en einn af vinnufélögum mínum hér á Tryggingastofnun fylgist greinilega vel með.  Sendi mér slóðina á bloggið og spurði hvort að bloggarinn væri hugsanlega að tala um mig.  Og ég var ekki lengi að staðfesta það.

Einar Örn Thorlacius

fyrrverandi sveitarstjóri Hvalfjarðarsveitar og nú lögfræðingur hjá TR í Reykjavík

Svarfhóli, Hvalfjarðarsveit

[Þröstur Unnar, 19.9.2008 kl. 14:04]

Sko Einar Örn. Hún talaði bara um myndarlega Indverja.

Svo eru myndarlegir menn miklu nær þér heldur en í einhverjum strætisvagni Gurrí, mundu það.

Til hamingju með stráklinginn..............

[Guðríður Hrefna Haraldsdóttir, 19.9.2008 kl. 14:15]

Takk, Einar, fyrir að staðfesta söguna um myndarmanninn á leiðinni, bloggvinir mínir trúa mér oft ekki þegar ég segi strætósögur.  Nú vona ég bara að indverski vinur minn ljúfi (stráklingurinn) kommenti líka.

Þröstur, ég bjó til heila kvikmynd með þig í aðalhlutverki í gær, fattaði ekki að þú varst í kjól. Og mikið lítur þú vel út í dag, kæri nágranni.

Sunnubraut 17 er rétt hjá Einarsbúð, þar er kisan í óskilum. Koma svo, Skagamenn, finnum eigandann!

[Þröstur Unnar, 19.9.2008 kl. 14:34]

Hvernig lítur kisan út.

Það eiga að vera tveir litlir (þýskir) kettlingar í næsta húsi við mig, Skagabraut 17.

Get athugað hvort þeir hafi strokið.............

[Jenný Anna Baldursdóttir, 19.9.2008 kl. 14:53]

Til hamingju með prinsinn.  Flottur strákurinn.

[Hrönn Sigurðardóttir, 19.9.2008 kl. 15:15]

Þýzkir kettlingar? Mjálma þeir á þýzku?

[Guðríður Hrefna Haraldsdóttir, 19.9.2008 kl. 15:17]

Hann er gulbröndóttur, skv. myndum á síðunni hennar Guðrúnar ... og mjálmar á íslensku, MJÁ!

[Pálmi Guðmundsson, 19.9.2008 kl. 15:24]

Gurrí - ég er með fína (viðskipta) hugmynd handa þér.  Hvernig væri að þú gæfir út bók (fyrir jólin) sem innihéldi eingöngu sögur úr strætó. Þú ferðast vinnu þinnar vegna svo mikið með þessum farskjótum og það má eflaust krydda þær eitthvað (ef þörf er á) gera enn meiri spennu í kringum  þær, sorg og gleði og allt þar á milli. Svo mætti sækja um smá styrk til STRÆTÓ ... Þú ert svo helv.. góðu penni, þannig að þetta ætti ekki að vera erfitt fyrir þig.  - Ég sé fyrir mér bókarkápuna....  "Sögur úr Strætó"  

ps. Ég er ekki að grínast með þetta.

[Þröstur Unnar, 19.9.2008 kl. 15:51]

Þetta er ekki sá sem ég hélt.

Hann mjálmar, sing hæl.

[hag (IP-tala skráð) 19.9.2008 kl. 16:57]

Uff hvað ég er feigin að heira að ég sé ekki komin á svarta listann hjá þér ég var nefninlega skítnervus að fá allt Skagafólkið í vagnin hjá mér í morgun eftir að ég tók þessa mynd í gær

En svona er þetta maður er jú bara að skrásetja það sem gerist annars til hamingju með drenginn og góða helgi 

 kv hag

[Aprílrós, 19.9.2008 kl. 17:07]

Til hamingju með erfðaprinsinn ;)

[Kristín (IP-tala skráð) 19.9.2008 kl. 23:16]

Sæl Gurrí

Mikið gleður það mig nú að hægt sé að monta sig af erfðaprinsunum eftir að þeir verða 20 +  Minn er nefnilega bara þriggja núna og ég get endalaust montað mig af honum, finnst hann svo flottur og sé að ég á mörg ár eftir af monti :)  Bara sæla

kveðja, Kristín