Þjóðlegt skal það vera ...

Í hádeginu ákvað ég að standa með þjóð minni og borða saltkjöt og baunir í matsalnum. Getur það verið þjóðlegra? Ég var búin að fussa og sveia yfir þessum matseðli dagsins (pasta sem “grænmetis”réttur). Þegar samstarfsfólk mitt, hið sama kannski og úðaði í sig reyktu ýsunni um daginn, kom úr matsalnum með gleðiglampa í augum og strjúkandi vömbina ákvað ég að hætta þessu mótmælasvelti og sá ekki eftir því.

Lenti í spjalli að vanda eftir matinn og heyrðist á mönnum að þjóðfélagið myndi skjótt snúast við. Nú létu menn sér ekki nægja að þiggja smávinninga í peningakössum Háspennu, heldur tækju þeir bara kassann. Nokkrir ungir menn gerðu sér víst lítið fyrir í gær og reyndu að ræna einn spilakassavinningshafa þegar hann kom út af sódómugómorrustaðnum þar sem hann hafði grætt eitthvað smá. Skelltu poka yfir hausinn á honum og bjuggu sig undir að ræna hann. Vinningshafinn reif pokann af hausnum og kýldi gaurana, enda hraustur Ísfirðingur.

Svo voru einhverjir sem pældu í því hvort sáttmálar fyrri alda væru ekki enn í gildi og við gætum þá t.d. gert kröfu í olíulindir Norðmanna ... Lengi lifi konungurinn!

Við heimkomu setti ég sem snöggvast á Sky News. Aðalfréttin var ömurlegt attitjút Íslendinga, öllu heldur ráðamanna. Ég er mjög hrifin af Bretum og skil alveg að þeir séu grútspældir út í suma auðmennina okkar og viðbrögð ráðamanna okkar. Er ekki þannig í heiminum núna að hver hugsar um sig, líka Evrópusambandsþjóðirnar? Spennandi að vita hvernig þetta fer. Ábyggilega kalt stríð eitthvað áfram.

Ég ætlaði eldsnemma í rúmið en nýtt og spennandi verkefni bættist óvænt við ... og hef setið við tölvuna og unnið í allt kvöld, horft m.a. á Prison Break með öðru, en nú er það bað og síðan bólið. Eins og ég er með girnilegar bækur til að lesa verð ég að geyma þær til helgarinnar.

Athugasemdir

[Jóna Kolbrún Garðarsdóttir, 10.10.2008 kl. 01:12]

Tjallarnir eru tjúllaðir.  

[Jenný Anna Baldursdóttir, 10.10.2008 kl. 08:12]

Njóttu dagsins og í dag er örgla steik í mötuneytis.

[siggi (IP-tala skráð) 10.10.2008 kl. 08:57]

hæ hæ ekki get ég skilið það því miður að auðmenn þeir er hafa haft þjóðina af leiksoppum muni vera látnir bera ábyrgð, ekki hefur Breska né sú 'Islenska tekið ákvörðun um að frysta eigur þessara manna, hvort heldur bankareikninga þeirra  né eigur veraldslegar. Held því miður að Íslenska Þjóðin sé núþegar búin að missa sjálfstæði sitt nú þegar, og við verðum innlimuð í annað ríki, vonum að verði ekki Rússland. Þá verður hvorki Kjötsupa né ´kjöt í karrý sem er nú æðislega gott. Ertu búin að prufa grautin úr bankabygginu? með eplum eða perum.

getur þú ráðið daum er mig dreymdi í nótt. Mig dreymdi 3 hvíta Savani sem skiptust á að velta á undan sér gulleggi, þeir fóru afar varlega með eggið.

Bestu kv siggi

[Guðmundur G. Hreiðarsson (IP-tala skráð) 10.10.2008 kl. 12:20]

Ja, ég náði nú samstundis að toppa þetta með "Eyvindi með hor", hm.

[Einar (IP-tala skráð) 10.10.2008 kl. 12:28]

Rússarnir eru flottir!

Brúskí karamba!!!!

[Einar Örn Einarsson, 10.10.2008 kl. 18:55]

MMMM saltkjöt og baunir

[Linda Linnet Hilmarsdóttir, 10.10.2008 kl. 21:54]

Við biðjum innilega vel að heilsa og óskum ykkur innilega góða ljúfa helgi og knús knús og bestu kveðjur til ykkar

[Sigríður Ágústa Þórólfsdóttir, 10.10.2008 kl. 23:35]

Eigðu góða helgi ljúfust

[Anna Ólafsdóttir Björnsson, 11.10.2008 kl. 20:45]

Góða helgi, ég ætla að koma við hjá Elfu í bakaleiðinni frá Nínu.

[Sesselja Fjóla Þorsteinsdóttir, 11.10.2008 kl. 22:07]

[Guðný Anna Arnþórsdóttir, 12.10.2008 kl. 01:18]

Kjötsúpa, kjöt í karrí, fiskibollur með bleikri, ýsa með hömsum, soðið slátur með rófum, reykt ýsa með feiti (var það ekki annars kallað "feiti"?) - allt hollt og gott og er einhverra hluta dregið mikið upp sem kreppumatur....!!!! Margir virðast uplifa fortíðina sem allsherjar hallæriskreppu. Við nostalgíufíklarnir vitum nú betur.