Samsæriskenningar ...

Hringdi og frestaði viðtali við ótrúlega spennandi konu en ég átti að vera í morgunmat hjá henni í fyrramálið ... helvítis kvef! Hún reyndist vera bullandi kvefuð líka þannig að hún var bara fegin.

Gerði svo allt vitlaust hjá Þjónustumiðstöð rannsóknarverkefna þegar ég spurði sakleysislega hvort ég hefði átt að borga 700 kallinn í morgun ... heheheh!

Auðvitað átti ég ekki að borga hann, búið var að semja við allar heilsugæslur, ég hefði bara átt að opna munninn aðeins fyrr en inni hjá lækninum.

Ég heimtaði að fá að ánafna læknavísindunum þessum 700 kalli, ég græddi 100 íbúfen á þessu öllu saman, ekki frítt, en samt!

 

 

Mér finnst líka spennandi til þess að vita að einhvers staðar í óreykfylltu herbergi innan vísindageirans fyrirfinnist Blóðbanki Guðríðar. Hvenær og hvernig redduðu þeir blóði úr mér? Var uppskurðurinn bara feik? Eða getur verið að slysið á ógæfumölinni hafi verið planað og læknirinn góði hafi laumulega stolið blóði á meðan hann saumaði? Ég horfði ekki allan tímann, heldur naut þess pínulítið að hafa lent í svona agalegu slysi, í þessu fremur viðburðasnauða lífi mínu, eins og kommentahaturskonan mín myndi orða það!

 

 

Nú bíð ég bara eftir sendli úr Einarsbúð með mat (ekki saltkjöti og baunum), og þá get ég lagst í híði!

Hefði verið til í bollur í dag! Hvað borðar maður svo á öskudag?

Athugasemdir

[Ólafur fannberg, 20.2.2007 kl. 15:52]

blogginnlesturskvitt

[Ellen (IP-tala skráð) 20.2.2007 kl. 16:02]

Maður á víst að borða nammi á öskudag :) verður samt örugglega að fara í Nínu og á kaffihúsið og syngja til að fá öskudagsborðanlegt nammi ;)

[Guðríður Hrefna Haraldsdóttir, 20.2.2007 kl. 16:04]

Heheheh, ofboðslega væri gaman að fara í Nínu og syngja fyrir flottum fötum og syngja meira í kaffihúsinu og fá kökur og kaffi!!! Ég syng núna eins og Janis Joplin!

[Guðný Anna Arnþórsdóttir, 20.2.2007 kl. 21:16]

Elskan mín, maður bara borðar ösku en ekki úr öskubökkum. Ég borðaði bollur í gær, tertur, afgangsbollur og brauðtertur í dag og mun svo semsé borða ösku á morgun og verða orðin að öskubusku undir lok vikunnar. Sic transit....