Davíð og Björn!

Þeir hafa verið nokkuð samstiga í lungnaveseninu Björn Bjarnason og Davíð frændi, nema Davíð er bara tæplega 18 ára og lá á Barnadeild Hringsins þar til í gær! Til hamingju, báðir tveir með batann! 

Verst að önnin í skólanum er ónýt hjá Davíð og ekki í fyrsta sinn. Mikið er ég fegin að hann er bara með tvö lungu. Tveir stórir uppskurðir með fjögurra mánaða millibili!

Dóttir skólastráksins míns og Klöru Hreggviðs hér á Skaga, hún María, var ein af hjúkkunum hans Davíðs og sá um að bæði andleg og líkamleg heilsa væri sem best, svona eins og hægt er!  

Þótt ég telji mig vera ansi hreint ópólitíska, alla vega ekki tilheyra neinum flokki, þá hefur mér alltaf fundist mikið varið í Björn Bjarnason. Hann tók okkur Hirti Howser svo dásamlega vel einu sinni þegar við spjölluðum við hann (og fleiri frambjóðendur) eitt árið og spiluðum viðtalið síðan í útvarpsþætti okkar. Það þarf oft ekki meira til að uppskera virðingu og aðdáun. Ég hefði átt að hlæja meira að erfðaprinsinum þegar hann lét Árna Sigfússon kaupa sig með tveimur pylsum í borgarstjórnarkosningum einu sinni.

Ég er oft ósammála Sjálfstæðismönnum, líka Samfylkingunni og hinum. Ég er líklega þessi hallærislega manneskja sem tek mannfólkið fram yfir málefnin. Þess vegna myndi ég eflaust ekki þrífast í neinum flokki ... nema ég fengi að velja mér samherja úr öllum flokkum.   

Ég get varla bloggað, ég er svo spennt í leik Lille og Manchester United. Held með MU fyrir erfðaprinsinn, enda hef ég alist upp með Giggs og þessum gaurum þótt ást mín hafi meira beinst að þeim liðum sem Íslendingar leika með.

Já, og hvað er að mér, ég held auðvitað með West Ham!!! Mágur minn hér á Akranesi er formaður aðdáendafélags West Ham og við eigum West Ham!

Við erfðaprins spáum 2-0 fyrir MU; held að það sé óskhyggja, Lille eru allir að koma til! Rooney og Giggs skora mörkin. 

Björn Bjarnason útskrifaður af sjúkrahúsi

Athugasemdir

[Guðríður Hrefna Haraldsdóttir, 20.2.2007 kl. 21:22]

Jú, Davíð frændi er einmitt harður púllari og ég held pínku með Liverpool fyrir hann! Mig langar svolítið að fara að verða harður aðdáandi einhvers liðs ...

[www.zordis.com, 20.2.2007 kl. 21:23]

Ég hélt með Man Ut þegar ég var 12 og held bara með öllum strákunum í dag .... læri, læri tækifæri!  Hins vegar heldur Íris mín Hadda með Barcelona þar sem Eiður Smári leikur þar ......... enda passlegt aldursbil á milli þeirra / eða þannig

[www.zordis.com, 20.2.2007 kl. 21:24]

Og svo til að falla ekki alveg inn í sjálfan sig .... vona að Davíð frænda þinum vegni vel, lugnasjúkdómar eru erfiðir og sárir!

[Pétur Þór Jónsson (IP-tala skráð) 20.2.2007 kl. 21:43]

UNITED vann, mínir menn, næstum eins góðir og Framarar, ertu ekki sammála kæra vinkona, nú fáum við okkur einn öllara.

[Guðríður Hrefna Haraldsdóttir, 20.2.2007 kl. 21:47]

Takk, takk. Jú, Pétur, þetta táknar hátíð! Ég hafði næstum rétt fyrir mér, vantaði bara Wayne með annað mark!

[bara Maja..., 20.2.2007 kl. 21:54]

Blíðar heilsanir.

[Doddi - Þorsteinn G. Jónsson (IP-tala skráð) 20.2.2007 kl. 23:29]

Úff ... þetta var ekki sanngjarn sigur .... ólöglegt mark ... ! :-)  

Mínir menn í Liverpool keppa á morgun ... úff - það verður spennandi. Ég ætti bara að þegja þangað til er það ekki? 

Annars er frænka mín og maðurinn hennar harðir United aðdáendur (skil það ekki ... ) og í fyrra tapaði ég bjórkassa í veðmáli um hvort liðið endaði ofar á töflunni, og sannfærður um að ég myndi vinna hann til baka i ár ... sýnist það ekki gerast ... æ æ

[Guðríður Hrefna Haraldsdóttir, 20.2.2007 kl. 23:36]

Kæri Doddi minn, ég skal halda með Liverpool á morgun, ekki bara fyrir Davíð frænda, heldur líka þig!!! Hvað gerir maður ekki fyrir systurson og bloggvin?

[halkatla, 21.2.2007 kl. 00:15]

ég hef heyrt marga segja að Björn sé mjög traustur maður ef maður kynnist honum eitthvað, og að hann standi við orð sín. Mér finnst hann líka gera það svona almennt en er yfirleitt aldrei sammála honum um neitt pólitískt, svo að mín vegna mætti hann alveg gera eitthvað annað en vanalega, hehe. Ég hef heldur enga ástæðu til þess að rengja fólk sem þekkir hann, og BB á vissulega til að vera dáldið svalur á sinn hátt. Hann er amk alveg einstakur náungi.

frábært að heyra um batann hjá frænda þínum

[Guðríður Hrefna Haraldsdóttir, 21.2.2007 kl. 00:19]

Takk, vona að hann verði fljótur að ná sér. Miðað við það sem á undan er gengið verður hann þrítugur þegar hann lýkur stúdentsprófi ... garrrggggg!

Þetta er víst ansi sársaukafullt þegar lungun falla svona saman og líka stórhættulegt! 

[Guðrún Eggertsdóttir, 21.2.2007 kl. 08:53]

Batakveðjur til Davíðs