Öskureiðir strætófarþegar á Akranesi

Ég upplifði það í morgun í fyrsta skiptið að sjá reiðan Akurnesing. Ég sá meira að segja marga reiða Skagamenn!  

Fara átti tilraunahraðferð í morgun með Reykjavíkurstrætó og við biðum spennt við íþróttahúsið eftir að komast fljúgandi í loftinu í Ártún á örskotsstundu!

Við biðum og biðum og fimm mínútum of seint, miðað við í gamla daga (í gær), kom gamall hjöktandi vagn eftir Garðabrautinni.

Bílstjórinn þar sagði okkur að hraðferðin væri löngu farin í bæinn og hefði hvergi stoppað á leiðinni ... ekki einu sinn á Akranesi. Bílstjórinn tók jú upp farþega á endastöðinni (við kaffihúsið Skrúðgarðinn). Sætt af honum.

Mikið held ég að hraðferðarbílstjórinn (Geðvondi en samt ágæti bílstjórinn) sé hamingjusamur núna, honum var alltaf svo illa við að stoppa í Mosfellsbæ. Nú getur hann keyrt og keyrt án þess að þurfa að hleypa fólki inn í vagninn.Og þarf ekki einu sinni að garga á farþegana lengur.

Já, og annað, þetta var ekkert auglýst!!! Ég var komin út á ranga stoppistöð í morgun, vissi ekkert, enda búin að vera veikur eymingi í nokkra daga! Sigþóra sagði mér að dreifibréf hefði gengið um vagninn í gær en hún fékk ekkert. DÖHHH!

Við vorum eins og óttaslegnar kindur á réttardaginn ... höfnuðum Reykjavíkurhægferðinni fyrst, gengum út úr vagninum og sögðumst ætla að bíða eftir hraðferðinni. Svo kom innanbæjarstrætó sem kemur þessu ekkert við og við hoppuðum inn í hann við mikla skelfingu bílstjórans... þetta var svo mikið rugl í morgun. Svo hoppuðum við upp í höktandi vagninn aftur. Aumingja bílstjórinn var hundskammaður fyrir þetta rugl sem er auðvitað ekkert honum að kenna.

Ég var nú svo vitlaus að ég hélt að bæta ætti þjónustuna við farþega, ekki draga úr henni. Ef ég vil komast í hraðferðina þarf ég að labba alla leið niður í bæ til að ná henni! Til hvers var þá verið að breyta? Nú þarf stór hluti bæjarbúa áfram að labba langar leiðir til að ná strætó, það er bara búið að skipta um uppáhaldshverfi! Í gær var það fólk í grennd við Skútuna, í dag rúlar miðbærinn! Einn sem sat við hlið mér í strætó sagði að það væru svo margar lausar íbúðir í 101 Akranes að eitthvað þyrfti að gera til að laða að kaupendur. En hæga, hjakkandi ferðin kom mér á óvart!!! Við vorum ekki nema c.a. sex mínútum seinni en hraðferðin og ég náði leið 18 með því að hoppa út af við Vesturlandsveginn! Þannig að fátt hefur breyst hjá mér með tilkomu hraðferðarinnar.

En kannski var þetta bara alvörutilraunaferð þessi hraðferð og þá er vissulega betra að hafa vagninn tóman!   

Athugasemdir

[Steinunn Helga Sigurðardóttir, 23.2.2007 kl. 09:14]

kveðja frá lejre, til þín og akrans

steina 

[Ólafur fannberg, 23.2.2007 kl. 09:57]

innlitskveðja

[María (IP-tala skráð) 23.2.2007 kl. 10:02]

Ja hérna, pínu fyndið mína kæra Gurrí.  Í og úr strætó :-)

En fólk vissi greinilega ekki mikið um þessa breytingu í morgun. 

Skrúðgarðskonan kveður

[Guðríður Hrefna Haraldsdóttir, 23.2.2007 kl. 10:22]

Mér finnst ekki sniðugt að þurfa að hlaupa alla leið niður í Skrúðgarð til að ná hraðferðinni, heldur ekki körlunum við Jörundarholt, á sætukarlastoppistöðinni, þeim var ekki skemmt í morgun, en sætir voru þeir!!!

Þetta er eins og tilfærsla á Skútunni (á miklu betri stað reyndar) en áfram þarf stærstur hluti Skagamanna að fara langt til að ná vagninum og það eru færri bílastæði í miðbænum en við Skútuna!!!

[Guðmundur G. Hreiðarsson (IP-tala skráð) 23.2.2007 kl. 10:23]

Mér hugnast lítt þessi strætóbílstjóri á myndinni. Er hann ekki búinn að fá sér öllara?

[Guðrún Eggertsdóttir, 23.2.2007 kl. 10:25]

Það er ekki að spyrja að þjónustunni hjá strætó.  Viðskiptavinirnir eru alger hörkutól að halda tryggð við fyrirtækið!

[Guðríður Hrefna Haraldsdóttir, 23.2.2007 kl. 10:44]

Heheheh, þeir eru svo stabílir þessir bílstjórar okkar, aldrei fullir, held ég!!!

Ég bind allar vonir mínar við að þetta hafi verið undarleg tilraunaferð í morgun og engra farþega óskað!!!

[Bryndís Guðmundsdóttir (Binna), 23.2.2007 kl. 11:33]

Þegar það er talað um hraðferðir, þá hélt ég að það væri ekki í bkóstaflegri merkingu. Ætli  hafi stoppað hann á hraðferðinni og því engin orðið var við hann fyrr en á endastöðinni. Ja.... maður spyr sig.

[Karolina , 23.2.2007 kl. 20:13]

Hvað er þetta með strætóbílstjóra, fá þeir geðvonskupillu með kaffinu sínu á morgnana ?  eða kannski fá þeir bara ekkert kaffi, það er kannski málið

[Guðríður Hrefna Haraldsdóttir, 23.2.2007 kl. 20:26]

... það er reyndar bara einn sem er pínkugeðillur stundum, með svona attitjúd, hinir eru fínir! 

[Sigþóra Gunnarsdóttir (IP-tala skráð) 23.2.2007 kl. 20:38]

jæja Gurrý mín svona fór með sjóferð (hraðferð) þá sem við ætluðum að nota en hraðferðarbílstjórinn þurfti sko að stoppa í MosóE  því einn farþeginn sem ætlaði í hægferðina slapp í hrapferðina   En mér heyrist það vera dagskráin (sá blaðið í dag) að hraðferðin fari bara frá Skrúðgarði og í Ártún eins og krúttið okkar sá káti sagði í dag þegar ég kom heim. Sá að þú náðir 18 og þá var ég glöð fyrir þína hönd elskan

Hafðu það gott um helgina og láttu þér ekki verða kalt

kv Sigþóra (strætó vinur)