Strætó umfram, svifryksmengun og snobbað fyrir sjónvarpsfólki ...

Enginn hefur þorað að opna glugga í vinnunni í dag ... veit ekki hvort það sé af hræðslu við svifryksmengun eða bara kulda. Okkur er öllum skítkalt, meira að segja náði vel heitt og nokkuð gott lasagna í hádeginu ekki að hlýja þeim allra kulvísustu!  

Ég ákvað að snobba svolítið fyrir sjónvarpsfólkinu í matsalnum (X-Factor) og settist hjá því. Tæknikonurnar og tæknimennirnir töluðu svo spennandi og flókið tungumál að ég get ekki haft það eftir, enda breyttist ég í slefandi spurningarmerki eftir nokkrar mínútur. Ef ég hefði skilið orð vissi ég nú um allt sem fór úrskeiðis í X-Factor á fösudaginn en það var víst reyndar ekki mikið. Reyndi að koma með gáfuleg komment til að byrja með en svo sá ég að það þýddi ekkert og einbeitti mér að lasagnanu.

Þetta fólk er samt svooo alþýðlegt.  

Þá er það komið á hreint, hraðferðin góða sem allir Skagamenn (á strætó) töluðu um af tilhlökkun og gleði, er umframstrætó! Sem er auðvitað æðislegt! Það hlaut að vera!Þá skilur maður þetta miklu betur núna. Það hlýtur að koma eitthvað um þetta á prenti einhvers staðar, margir halda enn að Skútan sé endastöðin og fá sjokk þegar vagninn ekur Garðabrautina.

Athugasemdir

[Ólafur fannberg, 26.2.2007 kl. 13:11]

hehehe kvitt

[Guðrún Margrét Jónsdóttir (IP-tala skráð) 26.2.2007 kl. 14:22]

Hvernig lítur þessi þroskaþjálfi út ?

[Guðríður Hrefna Haraldsdóttir, 26.2.2007 kl. 14:23]

Það er nú ekkert hægt að miða við þig, Anna mín, sem færð stundum þúsundir manna inn á bloggið þitt á einum degi. Þetta er ekki spurning um magnið, heldur gæðin! Múahahhahahaha!

[Guðríður Hrefna Haraldsdóttir, 26.2.2007 kl. 14:27]

Gvuð ...  Hún er ósköp sæt og góð og vingjarnleg, ljóshærð minnir mig. Og ekki er elsku djákninn verri. Við Ásta mætum stundum svo illa í strætó (veikindi, far með Ástu) að við erum löngu búnar að missa rétt okkar á þessum sætum ... en ÞAU STÁLU ÞEIM SAMT ... múahahahahahah

Eins og ég hef sagt, ég myndi aldrei gagnast lögreglunni sem vitni ... get aldrei lýst fólki almennilega, sorrí!

[Guðrún M Jónsdóttir (IP-tala skráð) 26.2.2007 kl. 14:41]

já en er hún þroskaþjálfi ?

[Guðríður Hrefna Haraldsdóttir, 26.2.2007 kl. 14:50]

Einhver hvíslaði því að mér ... það getur verið alveg jafnsatt og þetta með hraðferðina með Skagastrætó sem er ekki hraðferð, bara aukabíll. Ég get verið búin að komast að þessu í fyrramálið!

[Kleópatra Mjöll Guðmundsdóttir (IP-tala skráð) 26.2.2007 kl. 16:36]

innlitskvitt.... alltaf gaman að að fylgjast með þér ... kveðja

[Guðný Anna Arnþórsdóttir, 26.2.2007 kl. 22:18]

Allir með nagladekkin af...núna.

Það er von að þið kvartið yfir heimsóknafæð, Gurrí og Vélstýra, þið fáið jafn marga á dag og ég fæ á einum hálfum mánuði...!! Sumir kunna bara ekki sínar eigin vinsældir og áhrif að meta...