7. þáttur aþjóðlegu lopasápunnar um dularfullu bloggverjana

1.3.2007 | 21:37

7. þáttur aþjóðlegu lopasápunnar um dularfullu bloggverjana

Vélstýran situr við skrifborð sitt hjá Orkuveitunni og er þungt hugsi. Er rétti tíminn til að fljúga geimskipinu til Kópavogs?

Of mikið er þó í húfi fyrst Íslendingar trúa því að þetta sé bara skringilegt hús. Best að bíða þar til tölurnar koma frá Dodda.

Og hvað var Fararstjórinn að hugsa með því að senda baðsalt í umslagi til Hugarflugu?

Á sama tíma á Filippseyjum: Fannberg kemur upp úr sjónum, dauðþreyttur eftir sundið frá Íslandi. Ágúst tekur á móti honum með hressandi drykk og segir: „Hvar eru skjölin?“ Fannberg tekur sér sopa, gengur til baka út í sjóinn og segir þreytulega: „Ég gleymdi þeim á Þingeyri, sæki þau ... kem að vörmu sundtaki!“

Á sama tíma á Þingeyri: Gerða hrukkar kynþokkafullt ennið á meðan hún talar í símann. „Nei, Kleópatra, ég er ekki blóðmóðir þín, ég er þremur árum eldri en þú! Spurðu Skessu, hún veit allt um móðerni þitt.“

Á meðan situr Halkatla og horfir á Nip Tuck. Hún fylgist vel með og skrifar niður glósur, alltaf gott að kunna lýtalækningar ef Guðmundur yrði svo óheppinn í fermingarveislunni hjá syni Gerðu og Braga að hitta Hólmgeir í stuði.

Dóttir Dodda er að verða gjafvaxta. Hann horfir heillaður á þennan gimstein sem líktist svo mjög Gunnu Pollýju.

Arna Hildur, dulbúin sem butler, kemur í dyrnar og segir Svövu að henni hafi fæðst sonur. „Hva, ég átti ekki von á honum fyrr en í næsta mánuði,“ segir Svava drembilega en lítur undrandi á magann á sér.

Á sama tíma á Spáni: Zordís drekkur kaffi með Katrínu ríku. Þær velta fyrir sér hvort tími Kikku sé loksins kominn. Hvenær kemst Kleópatra í Laugatún? Þarf hún Saumakonuna í lið með sér til að geta skilað hálsmeninu til Elenu? Og fær Tiddi þá langþráðan koss frá Stínu?

Hvenær lærir Svana margföldunartöfluna? Er til of mikils ætlast af Ágústi að hann vaski upp þótt hann sé verkfræðingur? Hver af Önnunum er rétti morðinginn? Var Pétur tældur eða var Gua bara að ýkja? Ríkir Grafarþögn?

Flokkur: Bloggar | Facebook

Athugasemdir

Hahaha já hvernær ætlar svana að læra margföldunartöfluna, þetta er spurning sem brennur á margra vörum.. Og kossinn væri ég til í að rukka inn fljótlega bara. En maður stjórnar víst ekki stórskáldum á svona ferð....

Hrikaleg spenna og eins og síðasti ræðumaður, búinn að bíða í nokkra tíma eftir þessu....

TIDDI (IP-tala skráð) 1.3.2007 kl. 22:02

Verst hversu auðtældur Pétur er, mikið hef ég hlegið sitjandi hér lesandi skrifin þín, þetta er frábært segi ég eina ferðina enn, keep on going girl.

Pétur Þór Jónsson, 1.3.2007 kl. 22:05

LOL LOL Þetta bjargaði alveg ömurlegum degi.... þessi sápa kemur manni alltaf til að hlæja!

Saumakonan, 1.3.2007 kl. 22:16

Vúhú !! Ég er með kynþokkafullt enni Æsispennandi eins og ávallt

Gerða Kristjáns, 1.3.2007 kl. 22:18

LOL snilld as always

Gunna-Polly, 1.3.2007 kl. 22:21

Bestu kveðjur.

Ágúst H Bjarnason, 1.3.2007 kl. 22:25

Bonka kaffið bregst ekki þótt Kvöldroði frá kaffitár sé best! Katrín hefur enn ekki sett út á handmalaðar Bonka baunir ..... Spurning hvort Grandið villi fyrir um bragðið ??

www.zordis.com, 1.3.2007 kl. 23:08

Stórkostleg snilld ... eins gott að fylgjast með ... dóttirin orðin gjafvaxta og beðið eftir tölunum ... þetta er æði!

Doddi - Þorsteinn G. Jónsson (IP-tala skráð) 1.3.2007 kl. 23:30

Vá maður má ekki skreppa í burtu þá fer eitthvað æsispennandi að gerast. Hversu langt aftur í tímann þarf ég að fara til að fylgjast með frá upphafi?

Guðrún Eggertsdóttir, 1.3.2007 kl. 23:48

Auðvitað ríki ég á Holtinu, hvað annað. Var meira að segja kosin í sóknarnefnd á sunnudaginn ásamt einum vinnufélaga Önnu og framsóknarþingmanni. Ekki seinna vænna en að fara að grafa fyrir kirkjunni

Sigríður Jósefsdóttir, 2.3.2007 kl. 00:13

sko ég og ólafur höldum að þú gurrí mín og eða mamma séu með eitthvað plott um að aðskilja okkur en við bara erum svo innilega ástfangin í sápuóperuheiminum að ekkert fær okkur aðskilið ekki einu sinni blóðskyldleiki ... hehe

Kleópatra Mjöll Guðmundsdóttir (IP-tala skráð) 2.3.2007 kl. 01:58