Nú skil ég fyrirlitningu kattanna minna

Tommi og Kubbur hafa undanfarið verið fjarlæg við mig (Kubbur er stelpa, ef e-r hefur gleymt því) og sérstaklega Tommi hefur ítrekað reynt að troða sér upp í fangið á mér þegar ég er að skrifa Blogg and the bjútífúl og þarf frið til að upphugsa ægilega atburðarás fyrir bloggvini mína! Kubbur trampað á skrifborðinu og reynt að trufla mig við skriftir.

Nú sýna þau mér bara fyrirlitningarblandið afskiptaleysi. Þiggja rjóma og rækjur með semingi og rétt svo þola mig.

 

 Líklega þarf ég að koma fyrir sérhönnuðum körfum við tölvuna því að ég harðneita að horfast í augu við netfíkn mína og get þá til skiptis skrifað eða lesið ódauðleg orð bloggvinanna í tvær mínútur og klappað kvikindunum næstu tvær mínútur. Held að þessu sé reddað! 

Skilja vegna netfíknar

Athugasemdir

[Guðríður Hrefna Haraldsdóttir, 2.3.2007 kl. 19:20]

núna liggur tommi í fanginu á mér, ég blogga m annarri, og kubbsa liggur uppi á tölvunni, ég er farin að sinna þeim betur. sápuópera í kvöld ...

[kikka (IP-tala skráð) 2.3.2007 kl. 19:46]

Aha, nú er ég farin að skilja krakkana og hundinn... ummm vorum við fleiri hérna? (Slæ vísifingri á hökuna hugsi)

[Anna Ólafsdóttir Björnsson, 2.3.2007 kl. 20:58]

Simbi hefur sínar aðferðir, leggst ofan á fartölvurnar í fangi okkar allra heimilsmeðlimanna. Við erum ekkert með netfíkn, við getum alveg talað saman með tölvurnar í fanginu og horft á sjónvarpið á meðan. Og klappað Simba, og prjónað ....

[Guðríður Hrefna Haraldsdóttir, 2.3.2007 kl. 21:02]

Já, ég trúi þessu alveg! Þú ert ábyggilega ein fjölhæfasta manneskja sem ég þekki, frú Anna! Ég er einmitt að upphugsa gjörðir þínar í sápuóperu kvöldsins! Múahahaha! 

Já, Arna, klónun væri fín ... eða bara einn aukahandleggur!

[Gerða Kristjáns, 2.3.2007 kl. 21:43]

[halkatla, 2.3.2007 kl. 23:01]

rosalega áttu fallega ketti

ég ber mikið lof á þína netfíkn, hvort sem það eru höfuðhöggin sem valda því eða ekki

[Svafa (IP-tala skráð) 2.3.2007 kl. 23:02]

Kæra frænka.

Ég hef grun um að þú hafir ekki áttað þig á að Kubbur og Tommi eru einungis að reyna að vekja athygli þína á að þeirra þáttur í hinni rómuðu froðu, Blogg and the bjútíful, hefur ekki enn komið út á prenti...eða það grunar mig.

[Guðríður Hrefna Haraldsdóttir, 2.3.2007 kl. 23:45]

Já, þetta eru flottir og guðdómlegir kettir. Best að skella þeim í sápuna á morgun! Takk frænkubeib!