Vekur vonir um Hugh!

Þá er Hurley loks búin að gera Arun Nayar að heiðvirðum manni. Ég sá einu sinni mynd af hjúunum í slúðurblaði og fannst Arun alveg ótrúlega fallegur. Ég held reyndar að ég hafi verið indversk í fyrra lífi (ef fyrri líf eru til), mér finnst margt indverskt fólk svo rosalega fallegt. 

Liz er orðin fertug og gekk samt út.

Þetta vekur mér heilmiklar vonir um að ég geti sjálf gengið út en frá því á fertugsafmælinu hef ég frekar búið mig undir hryðjuverkaárás en giftingu.

Svona getur nú innrætingin haft áhrif á líf manns. Skyldi Hugh vera á lausu?

Elísabet Hurley giftist á laun

Athugasemdir

[Svala Jónsdóttir, 3.3.2007 kl. 21:05]

Hugh er á lausu, nýhættur með Jemimu nokkurri Khan. Ef þú getur horft framhjá Divine Brown fíaskóinu hans er hann svosem alveg þokkalegur kostur. Veit samt ekki hvort að hann er nógu góður fyrir þig. ;)

[Guðríður Hrefna Haraldsdóttir, 3.3.2007 kl. 21:10]

Ahhhh, var búin að gleyma Brown! Nei, held ég hætti við Hugh! Fyrst vonir mínar hafa vaknað veit ég að nægir fiskar eru í sjónum. 

[Gerða Kristjáns, 3.3.2007 kl. 21:36]

Isss þú getur gert betur en Hugh

[Karolina , 3.3.2007 kl. 21:43]

Gurry mín, bara allt annað en Hugh, gæturðu ekki bara nælt þér í indverskan Gúrrú

[Guðríður Hrefna Haraldsdóttir, 3.3.2007 kl. 21:45]

Hehhehe, frábær hugmynd!!!

[kikka (IP-tala skráð) 3.3.2007 kl. 22:36]

Held að Huge Grant sé úr gummíi ((((Sama efni og Ridge er úr)))) Mæli frekar með því að þú nælir þér alvöri Íslending... jafnvel skagamann af því  að þú átt ekki bíl og þá getið þið eytt tilhugalífinu í strætó

[Guðný Anna Arnþórsdóttir, 3.3.2007 kl. 22:39]

Grant er eitthvað svo linur; hann yrði að gjalti í höndunum á Himnaríkishúsfreyju með Skaga-blóð í æðum. EN, hvernig er með Colin Flirth?

[Guðríður Hrefna Haraldsdóttir, 3.3.2007 kl. 22:46]

Hann er víst hamingjusamlega kvæntur og tengdaforeldrar hans deyja alltaf úr hlátri þegar kemur í fjölmiðlum eitthvað um að hann sé kynþokkafullur. Þau hafa kannski séð hann á sundskýlu ... eða heyrt hann smjatta!!! Er því miður ekki með Skagablóð í æðum. Er Reykvíkingur með þingeyskt, skagfirskt, eyfirskt og fl. blóð í æðum. En uppalin á Akranesi og það gerði mig svona fallega ... sjávarloftið!