Morgunpæl ...

 

Eitt það besta sem ég get gert fyrir sjálfa mig er að hafa fötin mín tilbúin, samanbrotin á stól, á morgnana. Helst nálægt ofninum. Mér líður svolítið eins og ég sé fordekruð prinsessa, sérstaklega ef ég reyni að gleyma því að það hafi verið ég sem setti fötin á stólinn.

Reyni líka að gleyma því að það hafi verið ég sem kveikti á kaffikönnunni fyrir fimm mínútum þegar ég fæ mér ilmandi kaffi.

Reyni svo líka að sjálfsögðu að gleyma því að ég hafi farið sjálf út á stoppistöð og gengið upp í strætisvagninn sem flytur mig í vinnuna. Gott að ímynda sér limmósínu, kampavín og demanta þegar maður lygnir aftur augunum ...

Allt þetta komst í uppnám í morgun þegar ég fékk SMS fá Ástu. „Er á bíl, viltu far?“

Mér datt ekkert í hug til að ímynda mér, nema þá helst að mér hefði verið boðið í opnbera heimsókn til Reykjavíkur. Eina sem skemmdi stemmninguna var George Michael sem vældi einhvern viðbjóð í græjunum.

Ættjarðarlög hefðu verið miklu meira við hæfi.

Athugasemdir

[Ólafur fannberg, 12.3.2007 kl. 08:28]

allt er betra en Goggi Michael

[Eydís Rós Eyglóardóttir, 12.3.2007 kl. 08:35]

Þó svo að mánudagar séu nú ekki bestu dagar vikunar er engin ástæða til að gera hann enn verri með George Michael

[Guðríður Hrefna Haraldsdóttir, 12.3.2007 kl. 08:38]

Ohh, ég elska þessa bloggvini mína, heheheheh! Eins og Ásta er nú smekkleg í músik. Yfirleitt er það Pink Floyd sem snúllast á fóninum ... hún flissaði þegar ég talaði um væminn músikmorðingja ... múahahahahahah!

[Gunna-Polly, 12.3.2007 kl. 08:52]

látið ekki svona Goggi er flottur! eða var það eða var hann það kanski ekki?

[Steinunn Helga Sigurðardóttir, 12.3.2007 kl. 09:11]

yndisleg frásögn, sá þetta eins og stuttmynd!

steina 

[Jenný Anna Baldursdóttir, 12.3.2007 kl. 09:15]

Gurrí mín í ævintýrunum hefðir þú bara haldið þína leið í þinni "eigins" límósínu. Hurru, ég hef lítið að gera nú um stundir vantar þig hirðmeyju í kaffið og fötin?

[Guðríður Hrefna Haraldsdóttir, 12.3.2007 kl. 09:26]

Til væri ég í að fá hirðmeyju til að sjá um kaffi og fatnað ... en ég ímynda mér alltaf einhverja eða einhvern æðislegan ... sem hitar fötin mín í þurrkaranum ... gefur mér kaffi og staðgóðan morgunverð og heldur á´mér út á stoppistöð eftir að hafa klætt mig! heheheheh,  úps ... ein alveg að missa sig ...

[Katrín Snæhólm Baldursdóttir, 12.3.2007 kl. 10:28]

Þetta vissi ég..allar konur eru prinsessur inn við beinið. Krakkarnir mínir elska að fá fötin sín eftir nokkra snúninga í þurrkaranum á morgnana..sérstaklega á köldum vetrarmorgnum. Getur ekki mútað strætóbílstjóranum til að tölta eftir þér upp og bera þig útí strætóinn? Þú leyfir honum bara að njóta útsýnisins í himnaríki í staðinn.

[Kristín Katla Árnadóttir, 12.3.2007 kl. 10:30]

Gurrí þú ert alveg frábær þú kemur manni alltaf í gott skap

[Guðríður Hrefna Haraldsdóttir, 12.3.2007 kl. 10:44]

Jamm, við erum sko preinsessur  ... ég sef hjá bílstjóranum í staðinn! Þá fæ ég líka eitthvað skemmtilegt út úr þessu ... múahahahahah! ÞETTA VAR DJÓK!!!

[Vilborg Valgarðsdóttir, 12.3.2007 kl. 11:19]

Aldrei hefði mér dottið þetta í hug með þurkarann, að láta hann hlýja fötin mín!!! Ég er svo jarðbundin að mér hefur ekki dottið í hug að nota heimilistækin til nokkurs annars en þau eru framleidd til. Ég lærði reyndar ung að það hjálpaði á köldum vertarmorgnum að setja fötin á heitan miðstöðvarofn. Þú ert bara snillingur

[Guðríður Hrefna Haraldsdóttir, 12.3.2007 kl. 13:10]

Í verstu hríðarbyljunum eða frostlátunum í vetur hitaði ég fötin einmitt í þurrkaranum og það var svo notalegt að fara í þau. Þvoði þau kvöldinu áður og þurrkaði og í stað þess að taka þau út um kvöldið geymdi ég þau til næsta morguns! Prófaðu þetta ... við Katrín erum snillingar!!! Heheheheh