Ekki enn milljarðer og morgunspan á Hellu

Ekki mætti fleðulegi maðurinn með hreiminn, brilljantínið og peningatöskuna í heimsókn til að gera mig að milljarðer og fleira notalegt ... og ég sem fer út á land í fyrramálið og gisti eina nótt. Ekkert rómantískt er á ferðinni þar, bara aðstoð við að setja upp eins og eitt stykki sumarbúðir! Jibbí! Skráning hefur gengið ágætlega en það er samt ekki orðið alveg fullt. Það gæti þó ræst úr því, enda margir búnir að skrá börnin sín síðustu daga.

Talaði við eina vinkonu mína í dag sem var svo viss um að það væri orðið fullt í Ævintýralandi, eins og venjulega, að hún ákvað bara að sleppa sumarbúðum fyrir dæturnar í ár. Hún snarhætti við og ætlar að skrá þær í júlí. 
Hilda gat ekki ýmissa hluta vegna auglýst fyrr en svo seint og hinir aðilarnir græddu á því. Eins og ég bloggaði um nýlega þá er frekar slæmt að 2/3 hluti sumarbúða á Íslandi fái háa styrki og geti í skjóli þeirra skekkt samkeppnisstöðuna. Svona starfsemi á að geta staðið undir sér en veikist vissulega þegar sumum er gert svona miklu auðveldara fyrir. 

Ellen frænka fer austur undir hádegi sem passar einmitt svo vel. Stefnumót í Kringlunni. Þori því ekki að vaka lengi þrátt fyrir stórkostlegar bíómyndir á sjónvarpsstöðvunum (grín) og stilli klukkið á níu. Það er heilum þremur klukkutímum seinna en en vanalegur fótaferðatími flesta virka daga ársins. Best að nota Pollýönnu á þetta þótt ég hafi ómögulega nennt að horfa á myndina um hana á RÚV í kvöld. Gægðist frekar aðeins á Flightplan, hef bara séð hana einu sinni áður.

Dagurinn hefur verið þreytandi, enda ekkert áhlaupaverk að fylgjast með þeim óbjóði sem gengur hér á.
Hvað segja bloggvinir um myndina sem ég náði fyrr í dag? Ég veit eiginlega ekki hvað ég á að halda. Getur verið að slökkviliðsmennirnir hafi verið að kæla einhverja starfsemi sem mögulega fer fram neðanjarðar, þarna undir bílastæði íþróttavallarins? Takið eftir öllum rauðu bílunum á planinu!

P.s. Ég steingleymdi að horfa á boldið ... klikka ekki á því í næstu viku. Promisss!

Athugasemdir

[Eva Þorsteinsdóttir, 9.6.2007 kl. 00:52]

Hmm... ég sé aðeins 2 rauða bíla og annar er slökkviliðsbíll, sýnist þeir vera að vökva rusl :)

[Hrönn Sigurðardóttir, 9.6.2007 kl. 00:54]

hvað gefið þið eiginlega fénu ykkar þarna á skaganum? Lyftiduft?

Mér sýnist þér vera í leynilegri aðgerð gegn sjávarföllum? Hefur enginn sagt þeim að það gengur ekki upp?

[Katrín Snæhólm Baldursdóttir, 9.6.2007 kl. 00:55]

Eru þeir að reyna að mynda stafinn G? Vonandi ekkert um G blettinn..frekar dulin skilaboð til þín Gurrí mín um að þegar þú færð bílpróf að þá sé örugglega G númer í bílnum. Get ekki séð neitt dularfyllra út úr þessu en það. Enda bara augljóst fyrir Smart Spæjara.

[Anna Ólafsdóttir Björnsson, 9.6.2007 kl. 01:07]

Þetta eru bílastæðaverðirnir á kristnihátíðinni. Það var svo lítið að gera hjá þeim að þeir tóku upp á því að raða bílunum sem kom á svæði eftir fánalitunum, rauðir saman, bláir saman og hvítir saman, og svo var allt hitt kraðakið sent út í horn. Það er nokkuð augljóst að rauða deildin er mætt til ykkar.

[Guðríður Hrefna Haraldsdóttir, 9.6.2007 kl. 01:16]

Þar sem eru tvö tré er skógur, Eva! Svo er þetta ekki sauðfé á myndinni, heldur vandlega samanpakkað drasl úr húsi sem verið er að vinna við, held ég. Snyrtimennskan í fyrirrúmi. Takk fyrir æsispennandi tillögur!!!

Brjálaða konan á Skaganum, þessi sem hatar öll dýr, myndi ekki linna látunum ef fé fyndist innan 300 Akraness. Hún er búin að koma böndum á ketti með aðstoð bæjarstjórnarinnar, hvað næst? Keflum börnin? (beiskj, beiskj)

[Svava S. Steinars, 9.6.2007 kl. 01:28]

Það hefur greinilega orðið stórt eiturefnaslys þarna og slökkviliðið er í örvæntingu að reyna að skola ummerkjunum á haf út.  Ekki verða hissa þó að þér vaxi skyndilega þriðji handleggurinn.  Mér sýnist þetta vera geislavirkt...

[Ólöf Anna , 9.6.2007 kl. 01:54]

Þú ert greinilega bara svona HOT að það er verið að kæla starfsmennina. Eru samt alveg grunsamlegar aðgerðir.

[Jóna Á. Gísladóttir, 9.6.2007 kl. 02:23]

Mmmmmm slökkviliðsmenn....

[Katrín Snæhólm Baldursdóttir, 9.6.2007 kl. 08:48]

Ég myndi sko alveg örugglga senda mína krakka til hennar Hildu..þetta eru örugglega sniðugustu og bestu sumarbúðir fyrir börn að fara í. Svo gætu þau líka sagt með stolti..Gurrí aðstoðaði við skráninguna árið sem við fórum í sumarbúðirnar hjá Hildu Systur hennar.

Annars hugsaði ég um rauðu slökkviliðsbílana alveg þar til ég sofnaði í gærkveldi og mín tilgáta er að helvíti sé þarna undir Langasandinum og það sé verið að kæla það niður..enda veitir ekkert af.

[SigrúnSveitó, 9.6.2007 kl. 10:40]

Ég segi að ég hlýt að búa vitlausumegin eða eitthvað, það fer allt framhjá mér sem gerist við sandinn okkar fríða...

[Kristín Katla Árnadóttir, 9.6.2007 kl. 11:43]

Gurrí min þú missir ekki  mikið af boldinu í gær eins og þú veist þá er þetta svo slóf

[Ólafur H Einarsson, 9.6.2007 kl. 12:10]

Eru þetta ekki bara slökkviliðsmenn að pissa, hm...................... þarna á myndinni.  Annars er sjónin hjá mér frekar slög.  Set stundum upp tvö gleraugu og dugir varla til.

[Guðrún Jóhannesdóttir, 9.6.2007 kl. 12:23]

eru þeir ekki bara að láta taka eftir sér, það er nú ekkert smá glæsikvendi í himnaríki, nýklippt og tilhöfð ;)

[Ragnheiður , 9.6.2007 kl. 14:08]

Horfði alveg á 2 mínútur af boldinu áðan og fékk gubbuna. Komst að því að boldið er miklu skemmtilegra endursagt af þér í örsagnastíl.

Skil ekkert í þessum slökkviköllum hjá þér...þú verður að fylgjast með áfram.

[Bertha Sigmundsdóttir, 9.6.2007 kl. 14:43]

Ég held að rauðu bílarnir séu grænir innanundir, bara búið að sprauta þá rauða svo að þú haldir að allt sé stopp hjá þeim, því greinilega eru þeir að brassast eitthvað. Kannski eru vélmennin úr War of the Worlds þarna niðri, og eru að bíða eftir réttum tíma til þess að að ráðast á heiminn, en ekki vissu þeir að þeir væru staddir beint fyrir neðan himnaríki...greyin, það þarf bara vatn núna til þess að drepa þá, ekki blóðið úr fólki...

Takk, Gurrí mín, þú hefur mjög sannarlega bjargað öllum heiminum, and we lived happily ever after

[Guðríður Hrefna Haraldsdóttir, 9.6.2007 kl. 14:58]

Nú er það bara guð og gæfan ... Er á Hellu núna og get ekki bjargað heiminum fyrr en seinnipartinn á morgun.