Syfjublogg úr Rangárþingi ... zzzzzZZZZZZZ

Ó, hvað það er búið að vera gaman. Um tíu manns hafa verið að skrúfa saman kojur, baka súkkulaðikökur í tonnatali, sandkökur og annað gúmmulaði sem verður fryst og síðan þítt og notað fram eftir sumri og fleira og fleira. Við Hilda höfum mest verið í verðlaunatiltektinni en börnin munu fá verðlaun fyrir margt hérna. M.a. ruslatínslu í kringum húsið næstsíðasta daginn, sigur í karaókíkeppninni (sem Ellý sjálf heldur utan um), kassabílarallíið, snyrtilegt herbergi og margt fleira.
Sigurjóna matráðskona (frá Sandgerði en samt ágæt) gaf okkur guðdómlegt lasagna í kvöld ... slurp. Það er hægt að venjast því að vera í fæði hérna í sumarbúðunum ...

Læknanemarnir okkar í Ungverjalandi hringdu í matartímanum og grétu það að vera ekki að vinna í sumarbúðunum í sumar, eins og oft áður. Þær byrjuðu í þrifum og eldhúsi þegar þær voru unglingar og kunna allt utan að í sumarbúðunum. Vonandi velja þær að vinna hér á sumrin eftir útskrift heldur en fyrir einhver skítalaun á sjúkrahúsi. Alltaf gott að geta látið alvörulækni hugsa um börnin ef þau fá ælupest eða nefkvef.

Sama má segja um Davíð frænda og Ágúst, þeir voru bara krakkar þegar starfsemin hófst en eru orðnir ungir menn núna. Davíð heldur sig líklega við kvikmyndagerðina, klippa bíómyndir barnanna og slíkt ... og kannski verður Ágúst áfram í eldhúsinu hjá Sigurjónu, hann er skrambi góður með uppþvottaburstann.

Þegar fyrsti hópurinn mætir á miðvikudaginn verður þetta orðið geggjaðislega flott. Þarf að muna að taka myndir á morgun. Nú bara S O F A ... zzzzz en lesa pínku fyrst.

Eini gallinn við heimsóknir mínar í sumarbúðirnar á sumrin er sá að ég fæ alltaf sama matinn þegar ég kem í heimsókn á laugardögum, eða pylsur! Svo er ég farin fyrir kvöldmat á sunnudeginum þegar eitthvað stórkostlegt er ... arggg. Þetta er við mikla gleði barnanna en fýlusvip minn. Hilda ætlar að biðja Sigurjónu að geyma kjúkling frá föstudagskvöldinu handa mér ...

Jæja, ég er eiginlega dauð úr syfju ... Dean Koontz bíður líka eftir mér inni í herbergi, lokkandi og girnilegur.

Athugasemdir

[Heiða Þórðar, 9.6.2007 kl. 22:38]

Góða nótt mín kæra.

[Ólafur fannberg, 9.6.2007 kl. 22:47]

góða nótt og góða drauma.....um mig heheheh

[Kristín Katla Árnadóttir, 9.6.2007 kl. 23:34]

Góða nótt elskan.

[Jóna Á. Gísladóttir, 9.6.2007 kl. 23:47]

Gurrí, hvaða sumarbúðir eru þetta aftur?

[Jenný Anna Baldursdóttir, 9.6.2007 kl. 23:55]

Sweet dreams og hvað er í matinn á sunnudögum?

[Saumakonan, 10.6.2007 kl. 11:48]

Hvað eru yngstu börnin gömul?  Er með einn 6 ára (7 í des) sem er alveg óður í að fá að komast í sumarbúðir nefnilega hehe      Sendu mér uppls í meilið um þetta ef þú getur      

[Guðríður Hrefna Haraldsdóttir, 10.6.2007 kl. 11:48]

Ævintýraland (á Hellu).

Eitthvað hryllilega, ofboðslega gott í matinn á sunnudögum sem ég missi alltaf af. Þetta er reyndar ekki alveg uppáhaldsmatseðillinn minn samt, en krakkarnir emja úr gleði. Heimabakaðar pítsur eitt kvöldið, hamborgarar, franskar og kók annað, og slíkt.

Mætti ég biðja um indverskan ... einnig sushi ... osfrv. Ekki sumarbúðahæft!!!

[Guðríður Hrefna Haraldsdóttir, 10.6.2007 kl. 11:49]

Saumakona, hann er nógu gamall, fyrst hann verður sjö ára á árinu. Hilda systir er fædd í desember og lætur engan tapa á því að vera svona yngstan ... heheheheh kíktu á www.sumarbudir.is ....