Innipúkar

Flestir samstarfsmenn farnir út í sólina en vér Vikukonur þurfum að senda allt í prentsmiðju í dag og bíðum eftir góðgæti úr prentaranum til að geta lesið yfir. 

Mikið er ég fegin að vera ekki sóldýrkandi, þá væri ég viðþolslaus. Nýt bara rólegheitanna sem hafa læðst yfir. Gott að hér er smávindur ... annars myndi allt bráðna. Hitti Ingu vinkonu áðan og hún talaði um að það væri hrikalega mikil umferð, hún var á leið í garðinn sinn þar sem er algjör suðupottur! Fjara, tíkin hennar, var í bílnum og þvoði mér vel og vandlega. Slepp því við að fara í ísmolabað í kvöld ...

Guðrún Eggerts er svipuð vélstýrunni í almennilegheitum og nú á að skutla manni á Skagann í kvöld eftir vinnu. Held að Guðrún eigi heimsóknametið síðan ég flutti uppeftir ... án þess að ég telji heimsóknir fólks.

Fann þessa sumarlegu og sætu mynd og ákvað að deila henni með ykkur.

Athugasemdir

[Kristín Katla Árnadóttir, 29.6.2007 kl. 19:56]

Ég er nú eingin sérstakur sóldýrkandi Gurrí mín en ég fór út í dag og var í sólinni ég var að drepast úr hita alltof heitt fannst mér.

[Jóna Á. Gísladóttir, 29.6.2007 kl. 20:16]

já svakalega krúttleg mynd

[Magga (IP-tala skráð) 29.6.2007 kl. 20:49]

Vá æði.......fær maður þá rifin börn!!!!!!!! Náttrlega bara ósmekklegt

[Katrín Snæhólm Baldursdóttir, 29.6.2007 kl. 21:28]

Jamm...sólin ykkar megin og hérna megin allt að RIGNA í kaf...flóð og hörmungar..meira af slíku næstu fimm dagana...en ég er svo heppin að búa í brekku svo allt lekur niðureftir. Nema ég..ég stend uppúr eins og sólin ein og líkar bara vel útsýnið hjá mér.

Knús til þín Gurrí...

[Guðríður Hrefna Haraldsdóttir, 29.6.2007 kl. 21:30]

Rifin börn? Ef þú skoðar myndina vel sérðu að skórnir stoppa drenginn í að komast lengra ... svo er þetta bara uppstilling. Enginn í hættu. Ég var bara svo öfundsjúk út í þá sem gátu verið úti í góða veðrinu meðan ég vann að ég vildi sjokkera þá þegar þeir komu inn í límonaðisafa og íste ... og svo veistu líka hvað ég er nærsýn. Sá þetta ekki almennilega fyrr en ég stækkaði þetta upp í raunstærð. 

[Guðríður Hrefna Haraldsdóttir, 29.6.2007 kl. 21:31]

Hæ, elsku Katrín, þú bara komst í heimsókn þegar ég var að reyna að afsaka mig við Möggu ... Knús á móti í rigninguna, elskið mitt!

[Magga (IP-tala skráð) 29.6.2007 kl. 21:38]

Heyrðu annars.....var að finna kaffibaunir......datt í hug að bjóða þér í kaffi.....er ekkílagi að þær séu síðan um miðja síðustu öld

[Guðríður Hrefna Haraldsdóttir, 29.6.2007 kl. 21:58]

Við getum kannski reykt þær saman í friðarpípu?

[Ólafur fannberg, 29.6.2007 kl. 22:05]

krúttmynd

[Guðríður Hrefna Haraldsdóttir, 29.6.2007 kl. 22:17]

Já, skil ekki æsinginn í henni Möggu yfir henni ... Þótt krakkinn lendi á hundaskít eða eitthvað ...

[Hildigunnur Rúnarsdóttir, 29.6.2007 kl. 23:44]

heh, þetta var engin uppstilling, augljóslega fótósjoppað. Og reyndar bráðfyndið. Kallið mig sick...

[Guðríður Hrefna Haraldsdóttir, 29.6.2007 kl. 23:47]

Loksins einhver sem skilur mig, held að ég skelli "vondu" myndinni aftur inn til að Magga missi ekki alveg mannorðið.