Svalir óttans

Hef verið með hrikalegan athyglisbrest síðustu vikurnar, ekki getað eirt almennilega við lestur og það er alveg fáránlegt! Girnilegar, ólesnar bækur bíða í bunkum, meira að segja tvær Dean Koontz-bækur sem ég fékk lánaðar á dögunum. Þegar ég kom heim á föstudaginn hefði ég átt að fara að lesa en nei, ég fór að þrífa ísskápinn! Svona gerir maður ekki. Held að ég prófi að setjast út á svalir með Leyndu kvöldmáltíðina ... eða Þrjá daga í október ... eða Skurði í rigningu ... eða The Bad Place ... eða By the Light of the Moon.

 

Það hljómar vissulega afar vel að setjast út á svalir en samt gerðist eitthvað þar í gærkvöldi sem fær mig til að halda að þetta gætu mögulega verið Svalir skelfingarinnar ...

Tommi kom nefnilega veinandi inn í bókaherbergi snemma í gærkvöldi og þar sem ég skil ekki kattamál fór ég inn í stofu. Mætti þar Kubb sem kom úfin og stressuð af svölunum.

Eitthvað hrikalega skelfilegt hlýtur að hafa gerst, hárin risu á Kubbsu og hún jafnaði sig ekki fyrr en hún fékk að borða og mikið klapp. Jamm, hér gerast sko hin dularfyllstu ævintýri.

Athugasemdir

[Þröstur Unnar, 15.7.2007 kl. 13:11]

Vissirðu ekki að bróðir Loch Ness er á Langasandi og hann hefur sérstakt dálæti á kisukjöti ?

[Guðríður Hrefna Haraldsdóttir, 15.7.2007 kl. 13:16]

Ég skvetti bara ónýtu sólvörninni minni á það ef það abbast upp á mig á eftir!

[Kristín Katla Árnadóttir, 15.7.2007 kl. 13:21]

ÚPPS. Loch Ness passaðu kisurnar Gurrý.

[Jenný Anna Baldursdóttir, 15.7.2007 kl. 13:34]

Ég held að kisurnar séu einfaldlega forspáar og að svalirnar muni uþb að losna frá húsinu.  Muhahahahaha Hef alltaf verið skelfingu lostin við þessar svalir eftir þú settir myndina af húsinu á bloggið og þær "hanga" fríhangandi utan á viðkomandi byggingu.  Passaðu þig

[Magga (IP-tala skráð) 15.7.2007 kl. 13:36]

Gurrí mín........þau sáu flugu í nærmynd......nokkuð sem innikisur eru ekki vanar

[Halla Rut , 15.7.2007 kl. 13:56]

Kisan hefur séð draug. Einhver er að fylgjast með þér.

[Guðríður Hrefna Haraldsdóttir, 15.7.2007 kl. 13:57]

Flugu, Magga, ... huhhhh, þær snæða allar flugur sem villast hingað inn. Jenný, the svals hvíla á niðurgröfnum staurum og haldast þótt ég héldi dansleik á þeim. Og Katla, ég skal svo passa dúllurnar mínar!

[Guðríður Hrefna Haraldsdóttir, 15.7.2007 kl. 13:59]

Úps, sá þig ekki Halla, þar sem jarðneskir karlar líta ekki við mér þá verð ég bara að sæta mig við drauga sem aðdáendur. Held að þú hafir hitt naglann á höfuðið!

[Þröstur Unnar, 15.7.2007 kl. 14:19]

Þér var nær að sleppa Tomma í golfið.

[Jóna Á. Gísladóttir, 15.7.2007 kl. 23:20]

Við minnumst þessarar færslu þegar einn daginn birtist í Vikunni lífsreynslusaga með þessu nafni. Svalir skelfingarinnar.