Afmælisgjafir, bold-skýrsla og viðhald í himnaríki

Þar kom að því, nú er loksins komið viðhald í himnaríki. Hann er ljós yfirlitum, þögull, interísant, umlykjandi og með einn fótinn styttri en hina. Inga vinkona skutlaði mér með hann upp á Skaga. Ég á engin verkfæri af viti til að lengja stuttu löppina, bara skrúfjárn, hamar og töng finnst í himnaríki. Jamm, þetta er Lazyboy-stóllinn langþráði, lítill, drapplitur og bara ágætur, en vantar skrúflykil til að laga löppina. Inga kemur með hann í næstu heimsókn.
Fékk löngun í svona stól þegar ég sá stólinn hennar Nönnu Rögnvaldar í Þorláksmessuboðinu síðast. Ég hélt áður að allir leisíbojar væru algjörar hlussur og tækju álíka pláss og flyglar.

Ég held ég elski hann Magnús, Akureyring, vin og bloggvin. Hann sendi mér í pósti Rick Wakeman-plötuna um Arthúr konung, þessa sem ég hef leitað að undanfarið en ekki fundið ... og ekki bara hana, heldur líka gömlu uppáhaldsmyndina mína síðan ég var lítil; Sound of Music. Snemmbúin afmælisgjöf, segir hann. Ég var ekki næstum því búin að tilkynna á blogginu að ég ætti allt og þyrfti engar afmælisgjafir, heppin. Hann hefur eflaust frétt af tertunni 2001 ...

Ridge á ansi bágt núna. Taylor, konan hans, kyssti nefnilega slökkviliðsmanninn eftir að hafa hringt í Ridge og Brooke svaraði í símann og sagði: „I love you too.“ Hélt að þetta væri Ridge. Nick hamast í Bridget og segir að þau geti víst verið hamingjusöm saman þótt hann elski mömmu hennar. Bridget segir: „Þú elskaðir mömmu á undan mér og ég get ekki keppt við það, þú elskar hana meira en mig.“ Stefanía ætlar að hugsa um Bridget og barnið og rífst nú við Brooke sem fer síðan beint og klagar í fyrrum eiginmann sinn, Eric, pabba Bridget, sem er líka fyrrverandi maður Stefaníu, mömmu Ridge, fyrrum hönks þáttarins áður en Nick tók við hlutverkinu. Eric segir Brooke að hann sé löglega skilinn við Stefaníu og hún megi fara til fjandans. Þátturinn endaði á því að Bridget sagði Nick upp!

Athugasemdir

[Jenný Anna Baldursdóttir, 18.7.2007 kl. 19:57]

Er í kasti, stækkaði tertuna og var töluverða stund að átta mig á árásunum á hina efnaminni (og nísku) Hahahahahaha!

Til hamó með stólinn.

Bold?? Ég segi ekki orð.

[Þröstur Unnar, 18.7.2007 kl. 20:18]

Hvoru megin heldurðu að hún hafi byrjað að skera tertuna, jennsla?

Ég held fátækra megin.

[Guðríður Hrefna Haraldsdóttir, 18.7.2007 kl. 20:22]

Rétt hjá Þresti, ég færði sjálfri mér engar gjafir og varð að ráðast í fátæklinga- og nískuhlutann!

[Vilborg Valgarðsdóttir, 18.7.2007 kl. 21:18]

Já, vegir Boldsins eru órannsakanlegir, það er víst satt og rétt

[Ásdís Sigurðardóttir, 18.7.2007 kl. 22:04]

Kíkirðu aldrei á Boldið fram í tímann?  ég geri það af og til og horfi svon næstum aldrei á það.

[Hrönn Sigurðardóttir, 18.7.2007 kl. 22:22]

hahahahaha Flott terta

[Steingerður Steinarsdóttir, 18.7.2007 kl. 22:38]

Ég veit ekki hvar ég væri ef ég fengi ekki reglulega uppdeit á boldinu hjá þér.

[Nanna Rögnvaldardóttir, 18.7.2007 kl. 23:03]

LazyBoy: the sign of a home where the man makes the desicions.

En þessi er nú frekar kvenlegur af svona sjónvarpsletistól að vera.

Ég man einmitt eftir þessari tertu. Ætli það hafi ekki verið í þetta skipti sem ég gaf þér Chippendales-matreiðslubókina? (Sem ég er líklega ekki enn búin að skila eftir að ég fékk hana lánaða í fyrra - eins gott að muna eftir að finna hana fyrir afmælið núna, annars fæ ég örugglega á mig einhverjar blammeringar á tertunni.)

[Guðríður Hrefna Haraldsdóttir, 18.7.2007 kl. 23:23]

Hehhe, Nanna, myndi aldrei blammera þig á tertu! Þetta bold ... djísús, hef breyst í slefandi vanvita þegar það hefur rúllað síðustu dagana, vissi að ekkert myndi gerast. Það er nóg að horfa vikulega. Það munaði samt litlu að ég missti af því að Taylor kyssti þennan slökkviliðsmann, frétti fyrst af því þegar hún játaði fyrir manni sínum ... kíkti einu sinni fram í tímann í boldinu og sá að Taylor og Nick voru byrjuð að vera saman, þá hló ég svo mikið ... jamm. Fann enga almennilega mynd af leisíbojsanum mínum á gúgglinu, bara af svona stórum flyglum. Held að minn sé eins og Nönnu, dömulegur en drapplitur ... arggg, verð að fara að prjóna/hekla litskrúðugt teppi til að hafa við hann, dregur úr leiðindunum af dröppun.

P.s. Hef þurft að innskrá mig nokkrum sinnum til að geta sett þetta komment á eigin síðu, hvað þá að kommenta hjá öðrum. Rosalega skal ég vera dugleg að blogga á bloggsíðum annarra um helgina ... passið ykkur bara! 

[Ólöf Anna , 18.7.2007 kl. 23:44]

haha snildar terta. Má ég fá hugmyndina lánaða??

[Anna Ólafsdóttir Björnsson, 18.7.2007 kl. 23:50]

Held það fari betur um þig í lasyboy en þessum sem myndin er af, en helv. eru þeir kúl. Og staðfesti hér með að terturnar (og áletranirnar) í afmælinu þínu eru snilld.

[Elín Arnar, 19.7.2007 kl. 00:05]

Eins gott að klikka ekki á gjöfinn í þetta skiptið

[Kristín Katla Árnadóttir, 19.7.2007 kl. 02:08]

Við eru eins með boldið gurrí min þetta er orði grín en samt er maður að glápa á þetta

[Guðríður Hrefna Haraldsdóttir, 19.7.2007 kl. 07:58]

Ójá, Ólöf Anna, þú mátt sko fá hana lánaða. Nú þarf ég að upphugsa nýja áletrun, (hringja í Halldór frænda) það styttist óðum í ammlið.

[www.zordis.com, 19.7.2007 kl. 09:15]

Klikkuð terta .... Eins gott að koma með gjöf ef járnfuglinn klikkar ekki ........

[Magnús Geir Guðmundsson, 19.7.2007 kl. 15:34]

Þakka fallegan hug fyrir ekki meira fröken G!

Vona að ég sé verðugur slíkrar upphefðar!

Vona samt að þetta verði nú bara "lognið á undan storminum"! Hvernig væri til dæmis að nokkri þinna 7233 aðdáenda skytu saman í eina almennilega tölvu handa þér!? Væri búin að henda þessari "leiðindadræsu" þinni ef ég ætti hana!

Tillagan hér með lögð fram til ályktunar!

[Guðríður Hrefna Haraldsdóttir, 19.7.2007 kl. 16:04]

Tölvan er í fínu lagi ... þyrfti bara að læra að uppfæra, henda og laga til í henni, þá myndi hún fúnkera vel.