Lúmska, freudíska þvottaprófið ...

Persónuleikapróf eru yfirleitt lítt marktæk og svarmöguleikarnir innihalda jafnvel ekki það svar sem þú myndir krossa við. Þetta freudíska þvottapróf er eitthvað það skýrasta og nákvæmasta sem ég hef rekist á. Endilega látið mig vita ef þið hafið krossað oftast við einhvern sérstakan bókstaf ... Ég valdi oftast B-in. Þegar þú ert búin/n að taka þetta próf skaltu bíða eftir næstu færslu frá mér, þá koma svörin. Múahhahahaha!

FREUDÍSKA ÞVOTTAPRÓFIÐ
Sigmund Freud sagði margt athyglisvert um viðhorf fólks til þvottarins síns. Eftirfarandi örstutt próf segir hvernig þú kemur út.

1. Þegar fötin þín eru í þurrkaranum, hvað sérðu?
A Gallabuxur
B Skyrtur
C Sokka
D Kynlíf

 

2. Hvað óttastu mest þegar þú ferð niður í þvottahús sem þú deilir með öðrum?
A Að týna öðrum uppáhaldssokknum þínum
B Að setja mislitan þvott með hvítum
C Kóngulær
D Kynlíf

3. Hvaða heitir þvottaefnistegundin þín?
A Íva
B Ariel
C Milda
D Bio-Sex

4. Hvað gerirðu á meðan þú bíður eftir að þvottavélin ljúki þvotti?
A Ferð frá vélinni og gerir eitthvað gagnlegt
B Stendur og horfir á vélina klára
C Situr og horfir á vélina klára
D Leggst og gerir eitthvað annað

5. Þú sérð kaffiblett á einni skyrtunni þinni. Á hvað minnir hann þig?
A Einhvern sem þú þekkir
B Kaffi
C Fiðrildi
D Kynlíf

Þetta hefur nú verið meiri slökunardagurinn. Heill dagur án þess að þurfa að gera nokkuð. Mér datt fyrst í hug að setja af stað keppni um kynþokkafyllsta bloggarann en steinsofnaði út frá þeim hugsunum í skakka leisígörlstólnum mínum.

Hringdi í Rúmfatalagerinn í gær og kvartaði yfir stólnum. Var sagt að ég FENGI MANN í heimsókn fljótlega sem myndi kíkja á stólinn. Góð þjónusta. Stóllinn er grindarskakkur og ekki hægt að hækka eða lækka stóllappirnar ... Ellý sveiflaði honum á hvolf með einu handtaki og þá kom þetta í ljós.  

P.s. Ef verndarar okkar, þessir sem sjá um loftvarnir Íslands, koma bara fjórum sinnum á ári í eftirlit hvernig getum við þá stýrt óvinum okkar þannig að þeir geri innrás á Ísland akkúrat á þeim tíma sem verndararnir eru staddir hér? Bara pæling. Sjá fréttir í kvöld.

Athugasemdir

[Jenný Anna Baldursdóttir, 28.7.2007 kl. 19:50]

Skv. prófi er ég kyndauð.  Sko steindauð.  Hahahahaha

[Guðríður Hrefna Haraldsdóttir, 28.7.2007 kl. 19:55]

Sérðu ekki bara kóngulær í þvottahúsinu? Múahahhahaha

[Jóna Á. Gísladóttir, 28.7.2007 kl. 19:57]

hahaha. OMG. Þvílíkt rugl. Jú, ég sé einmitt kynlíf í kaffiblettnum.

Stóllinn er með grindargliðnun, enda lazy girl

[Guðný Anna Arnþórsdóttir, 28.7.2007 kl. 21:08]

Já, prófið er greinilega bæði Freudískt og lúmskt...!  Og greystóllinn með grindargliðnun, - hugsaði nákvæmlega það sama og Jóna. Ætli við deilum þeirri lífsreynslu báðar með stólnum?  RL búðin er góð búð með góðri þjónustu, þó hlutirnir þeirra endist ekki í 100 ár. Who cares? Við skiptum þessu öllu út hvort sem er reglulega, nema gömlum kaffibaukum, kökuboxum og þvottarullum. Ekki satt?

[Rebbý, 28.7.2007 kl. 21:32]

ég lendi á fyrstu bókstöfunum til skiptis þarna í prófinu verst að lenda aldrei á kynlífinu

[Þröstur Unnar, 28.7.2007 kl. 23:15]

Þorissu ekki. tekur svo mikið pláss.

[halkatla, 29.7.2007 kl. 00:11]

verum bara vinir allra og þá þurfum við ekki neina verndara

annars snilldarlegt próf, ég er góður freudisti og valdi alltaf d

[Hólmgeir Karlsson, 29.7.2007 kl. 00:54]

A-B-C-A-B er mitt svar, en ég væri alveg til í að deila þvottahúsi með Önnu Karen  ...

[www.zordis.com, 29.7.2007 kl. 10:10]

Ég þvæ ekki svo mín niðurstaða yrði ekki marktæk .....  Dásamlegur stóll sem þú keyptir þér!  Hvað er svona aðallega ekki að virka i honum og HEILL MAÐUR sem kemur spes upp á Skaga að skoða ykkur, góður díll sem þú gerðir .....

[Halldór Sigurðsson, 29.7.2007 kl. 11:42]

Þetta minnir á brandara sem ég vona að fólk mógist ekki yfir.
Maður var hjá geðlækni í Rochas blettu myndaprófinu.
Og læknirinn setur blettu mynd á borðið og spyr hann hvað hann sjái - og maðurinn svarar " par að stunda kynlíf "
Læknirinn setur aðra mynd og spyr aftur hvað hann sjái - og maðurinn svarar " tvær konur að stunda kynlíf"
Og enn ein myndin og sama spurning og maðurinn svarar " tvær konur og karl að stunda kynlíf "
Og læknirinn segir þá við manninn " ég sé að þú ert með kynlíf á heilanum "
Þá svarar maðurinn " kjaftæði,þú ert að sýna mér allar þessar klámmyndir "

[Guðríður Hrefna Haraldsdóttir, 29.7.2007 kl. 13:00]

Hehheeh, hér móðgast enginn ... held ég! Vona ég!