Alvörusumar og styggur RL-maður

„Loksins komið sumar,“ malaði bílstjórinn á heimleiðinni, en honum þykir þessi rigningarsuddi mun heimilislegri en sólin og blíðan sem ríkt hefur mestan part sumars. Ég gat ekki annað en tekið undir hluta af gleði hans þar sem vestanáttinni hefur fylgt öldugangur og einstaklega gaman er að horfa og hlusta á sjóinn núna. Kannski er ég klikkuð en ég hlakka mikið til vetrarlægðanna þótt ég njóti sumarsins vissulega ... upp að vissu marki.

Myndarlegi maðurinn úr Rúmfatalagernum mætti á svæðið um tvöleytið, rataði alveg sjálfur í himnaríki og kíkti á leisígörl. Hann fussaði og sveiaði og sagði að R-lagerinn gæti ekki verið þekktur fyrir að selja svona skakka og skælda stóla, hann væri greinilega gallaður og ég fengi sko nýjan, helst á morgun. Hann tók stólinn undir arminn og ... forðaði sér. Þetta var svona hviss, bang, búið heimsókn og ég steingleymdi að bjóða honum kaffi, hvað þá kyrrsetja hann. Held að Flytjanda-menn séu því miður alltaf tveir saman.

Athugasemdir

[Ásdís Sigurðardóttir, 30.7.2007 kl. 18:14]

Búin að lesa síðustu blogg, frábær að vanda. Von að stóllinn verði góður, vertu svo bara dugleg að kvarta, endar kannski með lagermanninn í sófanum, hehe.  knús á Skagann.

[Katrín Snæhólm Baldursdóttir, 30.7.2007 kl. 18:39]

Jiii enhvað ef þetta var bara einhver lúði sem les alltaf bloggið þitt og kom við að ná sér í ókeypis stól og situr núna alsæll heima sjá sér og ruggar sér yfir fréttunum..hehe.

Svo kemur piturinn á morgun frá rúmfatalagernum og enginn stóll hjá frú Guðríði!!!!

[Guðríður Hrefna Haraldsdóttir, 30.7.2007 kl. 18:42]

Elskan mín ... hann var á merktum bíl, ég tékkaði sko á því, lét hann líka sýna mér RL-skjöldinn sinn og allt!

[www.zordis.com, 30.7.2007 kl. 18:42]

hi hi hi, Þarf nú ekki að vera slæmt að fá þá í kippu !!!! Elsku Katrín er með dulítið glæpó pælingar sem eru skemmtilegar!  Go Gurrí!

[Eva Þorsteinsdóttir, 30.7.2007 kl. 18:42]

Ehhh það er rigning hjá mér líka ...... voða sumó, NOT!

[Jóna Á. Gísladóttir, 30.7.2007 kl. 18:48]

Grindargliðnunarrúmfatalagerslazygirlstóllinn er sem sagt úr sögunni.

[Guðríður Hrefna Haraldsdóttir, 30.7.2007 kl. 18:53]

Jamm, þessi elska! Svakalega gott að sitja í honum ef ég setti eitthvað undir lappirnar á honum hægra megin. Rosalega er ég ánægð með þjónustuna hjá RL. Nema þetta hafi verið glæpón með falsaðan bíl og skjöld og hafi stolið stólnum ... Kemur í ljós næstu daga ef nýr stóll kemur ekki! 

[Jenný Anna Baldursdóttir, 30.7.2007 kl. 19:00]

Sá næsti mun þá heita leisígörlígörlístóllinn.  Tekur smá tíma að segja og skrifa en er vel þess virði.  Er sammála bílstjóranum.  Ég þekki þetta veður og það hefur róandi áhrif á mig.  Vetrarlægðanna verður beðið með mikilli eftirvæntingu (skömmustukall).

[Guðríður Hrefna Haraldsdóttir, 30.7.2007 kl. 19:15]

Gluggarnir mínir allir orðnir svo rosalega hreinir, sannarlega ekki hægt að segja að rigning sé slæm!

[Rebbý, 30.7.2007 kl. 19:54]

heyrðu vinkona, bara bjóða okkur einstæðu konunum að koma og skoða flutningamennina með þér þegar þeir koma tveir að heimsækja þig   samt kannski bara einni í einu, hitt gæti orðið hættulegt

[Guðríður Hrefna Haraldsdóttir, 30.7.2007 kl. 19:56]

Heheheh, yrði upplit á mínum ....

[Guðný Anna Arnþórsdóttir, 30.7.2007 kl. 20:04]

En krúttan mín; þú ert nú tveggja manna maki....í öllum skilningi....

[Guðný Anna Arnþórsdóttir, 30.7.2007 kl. 20:11]

Gleymdi að segja, að já, sumarið er verulega og virkilega komið núna; rigningarsuddi en bjart....Og ég nýbyrjuð í sumarfríi. Ójá.

[Þröstur Unnar, 30.7.2007 kl. 20:12]

Muhahahahah Katrín!

[Maja Solla (IP-tala skráð) 30.7.2007 kl. 20:59]

Æi, ég er eiginlega farin að örvænta í þessu "sólarleysi".
En nýi stóllinn þinn upplitast allavega ekki á meðan þetta er svona.

[Anna Ólafsdóttir (anno) (IP-tala skráð) 30.7.2007 kl. 21:01]

Kenningin hennar Katrínar er nokkuð sannfærandi. Tíhíhíhí

[Hugarfluga, 30.7.2007 kl. 22:06]

LOL Katrín!!!

[Ingibjörg R Þengilsdóttir, 31.7.2007 kl. 14:49]

RL er nú annars alveg frábær verslun - ég fór þar í gær og upplifði þvílíka stemmingu - þarna voru eingöngu útlendingar og algerlega í kippum og kölluðust á þvers og krus yfir búðina þannig að mér fannst ég bara vera í útlöndum - alveg óþarfi að fara til útlanda að versla, svo kom rúsínan í pylsuendanum, þegar ég kom á kassann, sagði þessi líka sæti strákur "anything else for you"  and I said "no thank you"  bætti svo við "when did you come to Iceland my friend?" og drengurinn sagði "oh I´m Icelantic"   "ó" sagði ég "ég líka" 

Ég veit þetta er kvikindisskapur - en það svona aðeins fauk í mig "konuna á breytingaskeiðinu" eins og ég nota mér til afsökunar þegar ég verð of hvöss í svörum

kveðja

Ingibjörg Þ