Leynivinavika

Hér í sumarbúðunum er leynivinavika hjá starfsfólkinu. Ég fríkaði út í Heilsuhúsinu á Selfossi í gær á meðan ég beið eftir því að verða sótt og keypti dýrindisgjafir handa leynivinkonu minni. Hef sjálf fengið minnisbók, afþurrkunarklút og gló-stiku! Klúturinn er víst algjör dásemd, þrífur af sjálfu sér, skilst mér. Litla sæta minnisbókin er flott í strætó, gló-stikan ef ég týnist uppi á fjalli og þarf að láta björgunarsveitina finna mig og klúturinn, jamm, kemur sér alltaf vel að eiga svona örtrefjaklút.
Við Hilda leggjum í hann héðan upp úr tvö og stefnan er að fara heim á Skaga með Ingu og keyra Hvalfjörðinn svona einu sinni, annars bara strætó. Hef þó ekki náð í Ingu, hún er kannski búin að gleyma þessu og er á rassgatinu úti í Eyjum, það væri nú eftir öllu. Það er nóg að gera hér, þori ei að blogga meira, þrælahaldarinn hefur hvesst á mig augum. Klaga síðar.

Athugasemdir

[Þröstur Unnar, 5.8.2007 kl. 15:20]

Það hlýtur að vera gott að sofna á kvöldin, eftir svona gefandi vinnu.

[Elín Arnar, 5.8.2007 kl. 15:59]

þú mátt nú ekki þræla þér út í fríinu Gurrí mín :) treysti á að þú komir úthvíld til baka ;)

[Anna Ólafsdóttir (anno) (IP-tala skráð) 5.8.2007 kl. 16:08]

Bíð spennt eftir klaginu  

[www.zordis.com, 5.8.2007 kl. 16:12]

Engu líkara en þú sért komin í þrælabúðir!  Það er nottl. nauðsynlegt að eiga góðan afþurrkunarklút, þegar þörfin hellist yfir konu.  Verslunnarmannahelgarkremjjjj!

[Jenný Anna Baldursdóttir, 5.8.2007 kl. 18:09]

Mér finnst nú leynivinurinn frekar ódýr á því sonna () þegar sumir setja sig á höfuð í Heilsubúðinni.  Hm.. gott að þú ert ánægð með glóstikuna.  Nauðsynlegt verkfæri á fjöllum og við malbikunarframkvæmdir.

Smjúts.

[Ólöf Anna , 5.8.2007 kl. 18:17]

spurning um að setja glóstikuna ekki í gluggan  í himnaríki gætir vilt um fyrir skipunum. Ja nema þig langi í heila áhöfn heim í stofu

Það var einu sinni svona leynivinaleikur í vinnunni minni (gömlu) þá beið mín gjöf og falleg skilaboð á hverjum degi. Það var góð vika.

[Jóna Á. Gísladóttir, 5.8.2007 kl. 18:42]

Eru þetta fangabúðir sem þú hefur villst í Gurrí?

[Ásdís Sigurðardóttir, 5.8.2007 kl. 18:57]

Heyrðu ég reiknaði þig út svona 1+2+0+8+1+9+5+7 = 33= 6  viltu fá minn lestur á þesssari tölu, get emlað það.

[Guðríður Haraldsdóttir, 5.8.2007 kl. 19:05]

Hmmm, Ásdís, við Madonna erum fæddar 1958!!! Líka Michael Jackson, öll í ágúst!

[Bertha Sigmundsdóttir, 5.8.2007 kl. 19:13]

Passaðu þig nú á þrælahaldaranum, og passaðu þig nú á að fá kannski smá frí í fríinu... Gleðilega Verslunarmannahelgi, kossar og knús til þín