Tertuáletrun, horfinn leisígörlstóll og eldrauður ástareldur

5.8.2007 | 19:41

Tertuáletrun, horfinn leisígörlstóll og eldrauður ástareldur

Fáránlega mikil umferð á leiðinni frá Hellu í dag, hélt að morgundagurinn ætti að vera martröðin mikla á vegunum. Kom við í Eden og keypti Ástareld, minn guli er orðinn frekar druslulegur, og vinunum hefur fækkað í takt við það. Nú ákvað ég að breyta til og fá mér eldrauðan Ástareld þótt hættulegt sé upp á piparmeydóminn.

Held að Katrín Snæhólm hafi haft rétt fyrir sér í sambandi við leisígörl ... enginn nýr stóll er kominn í stað þess gallaða, það er mjög dularfullt. Nú situr einhver lesandi bloggsins ofsaglaður og svolítið skakkur í stólnum mínum, alveg eins og Katrín spáði.

Við Inga ókum Hvalfjörðinn á leið á Skagann og það var skemmtileg tilbreyting, myndi samt ekki nenna að gera það á hverjum degi. Tíkin Fjara sat vælandi aftur í. Henni finnst sveitin æði og dýr svo spennandi, af og til sá hún nefnilega hesta og kindur. Hún vælir líka svona þegar hún sér konur með töskur. Hún kom upp í himnaríki í smástund og Tommi finnur á sér hvað hún er meinlaus og óttast hana ekki en Kubbur sat titrandi uppi á fataskáp í herberginu mínu.

Get nú svo sem ekki klagað Hildu fyrir mikið þrælahald ... ég hjálpaði til seinnipartinn í gær og í allt gærkvöld og þess á milli tróð Sigurjóna, matráðskona og gömul skólasystir úr Austurbæjarskóla, í mig klikkaðislega góðum mat. Hún kallaði meira að segja þegar við Hilda vorum að fara í dag: „Viljið þið ekki tertusneið áður en þið leggið af stað?“ Ekki séns að neita svo góðu boði.

Þarf að panta marsipantertuna fyrir afmælið á morgun. Vantar góða áletrun á hana, hefur einhver hugmynd? Búin að nota t.d.:

DOFRI HVANNBERG – 10. ÁGÚST
TIL HAMINGJU MEÐ FYRSTA FALLHLÍFARSTÖKKIÐ

Man að ég fékk hana mjög ódýrt í bakaríinu ...

Meginflokkur: Bloggar | Aukaflokkar: Dægurmál, Ferðalög, Lífstíll, Matur og drykkur, Vinir og fjölskylda | Facebook

Athugasemdir

ég er greinilega ekki alveg með á nótunum. ertu að meina að þú þurfir að panta tertu fyrir afmæli sem er á morgun eða þarftu að panta tertu á morgun fyrir afmælið þitt?

Jóna Á. Gísladóttir, 5.8.2007 kl. 19:46

úfff sorry stelpa, klikkaði á þessu þá ertu bara 7 flott tala. Geggjuð terta, er í aðhaldi svo ég má bara horfa.

Ásdís Sigurðardóttir, 5.8.2007 kl. 19:51

Afmælið er eftir viku og bakarar vilja fá góðan fyrirvara, auðvitað get ég ekki pantað fyrr en á þriðjudaginn, fattaði ekki hvaða dagur er í dag ... Það verður fullt af megrandi tertum í afmælinu ... bý svo hátt uppi að kaloríurnar flysjast af fólki þegar það hoppar upp og niður stigana! Sver það.

Guðríður Hrefna Haraldsdóttir, 5.8.2007 kl. 19:53

Er tóm, algjörlega hugmyndasnauð og gáfum mínum og frjósemi hugans við brugðið. Þar sem ég hef bloggað um fitu eða skort á henni, þú um kaloríur og tertur þá dettur mér helst í hug að á tertuskömminni mætti standa; "eruð þið að segja að ég sé feit, svínin ykkar?" Nefndin.

Smjúts og velkomin heim. Vona að stóllinn skili sér.

Jenný Anna Baldursdóttir, 5.8.2007 kl. 20:09

Ég uppgötvaði ekki almennilega hvað Hvalfjörðurinn er fallegur fyrr en göngin komu og umferðin hvarf. Fer hann alltof sjaldan, því miður.

Helgi Már Barðason, 5.8.2007 kl. 20:10

Hmmm,,,, þar sem undirritaður er nú með prófskírteini uppá að vera Brauða og Kökugerðarmaður, þá er freistingin um kökuskriftina mikil, en getur ekki hugsað sér að Reykvíkingar gúffi í sig kökunni að honum fjarverandi, og segir ekki boffs um kökuskriftir.

Súmí......stolið.

Þröstur Unnar, 5.8.2007 kl. 20:15

Ég keyrði Hvalfjörðinn um daginn og þvílík dýrð. Ég var líka á leiðinni á Hvolsvöll í dag og skíthrædd í allri brjáluðu umferðinni. Hvað er að gerast með fólkið á skerinu? Allir úti að aka...í einu?

Brynja Hjaltadóttir, 5.8.2007 kl. 22:48