Stuð hjá öldruðum

Besta vörnin er sókn. Það sannaðist í morgun þegar Sigþóra ætlaði upp í aukastrætó í morgun, þrátt fyrir hótanir um annað í gær. Bílstjórinn hafnaði henni áður en hún gat hafnað honum og stakk upp á því að hún biði frekar eftir Tomma á aðalbílnum svo að hann þyrfti ekki að stoppa við Vesturlandsveginn og hleypa henni einni þar út. Snjallt! Tommi fer t.d. ekki á Kjalarnesið,  aukabíllinn sér um það, og með þessum samræmdu aðgerðum hafa þessir bílstjórar flýtt för okkar um alla vega fjórar mínútur. Ég tek aftur það sem ég hef sagt um að bílstjórar séu eingöngu ráðnir eftir útlitinu ... nú veit ég að greindin spilar líka inn í! Sigþóra kom bara yfir á mína stoppistöð og hinkraði þar eftir Tomma. Ósköp sæl með lífið og tilveruna.  

Helga smiður bauð mér sæti hjá sér fremst en Sigþóra fór aftar og bað mig um að vekja sig við komu í bæinn. Það var gaman að spjalla við Helgu, Ásta má alveg passa sig og drífa sig úr sumarfríi svo að ég gleymi henni ekki alveg ...  

Við Helga  eigum það sameiginlegt að hafa báðar sest aldraðar á skólabekk, eða menntað okkur á "gamalsaldri", ég í blaðamennsku, hún í trésmíði. Fjögurra ára algjörlega frjáls aðgangur hjá henni að gullfallegum karlmönnum! Eins og allir vita eru smiðir langfallegustu iðnaðarmennirnir.  Enda sá ég á dreymnu augnaráðinu að þetta voru skemmtileg ár. Eins árs framhaldsnám hjá mér ... og eintómt kvenfólk allan tímann, nema stöku kennarar! Gluggaröðin í vinnunni minni er f.v. Vikan, Nýtt líf og Gestgjafinn. Allt konur nema Úlli kokkur. Og ef ég sæi ekki bakið á Guðmundi Magnússyni, heyrði óhljóðin í strákunum hjá Séð og heyrt og sæi stundum gæunum í umbrotsdeildinni bregða fyrir væri ég örugglega orðin einkynhneigð.

Athugasemdir

[Guðrún Jóhannesdóttir, 31.8.2007 kl. 10:52]

einkynhneigð

[Jenný Anna Baldursdóttir, 31.8.2007 kl. 11:05]

Þú værir orðin að frumu eða amöbu elskan.  Nú hefur þú verið kópíeruð inni hjá www.dua-athugasemd.blog.is Hehe.  Smjúts 

[Guðríður Hrefna Haraldsdóttir, 31.8.2007 kl. 11:17]

Já, ég kíkti á það. Alltaf gaman að láta gera illgirnislegt grín að sér.

[Guðríður Hrefna Haraldsdóttir, 31.8.2007 kl. 11:57]

Finnst Dúa reyndar skemmtilegri að bolda ... hefur betri handritshöfund ... hehehehe

[Ásdís Sigurðardóttir, 31.8.2007 kl. 12:35]

Sá vikun í gær og las viðtalið við forsíðumódelið, falleg kona.  Ég er smiðsdóttir og pabbi minn er mjög laglegur maður, það er sagt að sé sérlega lík honum 

[Jens Guð, 31.8.2007 kl. 14:37]

  Einkynhneigð!  Snilldar orð.

[Katrín Snæhólm Baldursdóttir, 31.8.2007 kl. 15:24]

Þú veist vonandi hvernig einkynhneygðir fjölga sér Gurrí mín og njóta laugardagskvöldanna margfrægu???

Þeir tala saman og þar sem ég er tvíburakona þarf alveg rosalega mikið röfl til að koma mér til...þó ég sé ekki einkynhneigð. Reyndar hneygist ég bara að einu kyni..hvað gerir það mig,....hmmm. Þarf að hugsa þetta aðeins!!!

[krossgata, 31.8.2007 kl. 16:10]

Heppilegt að hafa svona áætlunarferðaskipulagsverkfræðinga við stjórn morgunferðanna.  Æ, þetta náði ekki Vaðlaheiðarvegavinnuverkfæravinnuskúrsgeymslulyklinum.  En það mátti reyna.

[Guðríður Hrefna Haraldsdóttir, 31.8.2007 kl. 16:39]

Með því að umgangast svona mikið konur kæmi mér ekki á óvart þótt ég færi að fjölga mér með sjálfri mér, það tel ég vera einkynhneigð. Muna ekki allir hvernig fór fyrir risaeðlunum, alla vega í Jurassic Park? Hmmm

[Kristín Katla Árnadóttir, 31.8.2007 kl. 19:17]

Gurrí mín þú ert bara þú sjálf.