Vetrarkuldi ... og kaffidrykkjubann skollið á í strætó

„Enginn Heimir hjá mér í dag,“ sagði Kolla á Bylgjunni og dæsti mæðulega. Ég hló hróðug, nýkomin upp úr Hvalfjarðargöngunum, enda sat Heimir fyrir framan mig og keyrði strætó. Hann brunaði fram úr aukabílnum, sem tímajafnaði á Kjalarnesinu, en tafðist örlítið við að hleypa kvensmiðnum út skömmu síðar. Þegar við renndum í hlað í Mosó náði aukabíllinn okkur. „Ætlar þú virkilega að leyfa honum að ná þér?“ spurði ég Heimi. „Við erum ekki í kappakstri,“ sagði Heimir rólyndislega og gerði ekkert til að stinga aukabílinn af. Þetta var nokkuð sem ég hefði ekki viljað vita ... því að hluti af spennu minni yfir að fara með strætó í haust hefur verið þessi tryllingslega spennandi kappakstur á milli aðalbíls og aukabíls. Svo var þetta allt blekking og bara tilviljun hvor kemst fyrr í mark.

Ég tók latte með í strætó í morgun, óafvitandi um að slíkt væri í raun bannað! Las nefnilega í DV að farþega í Rvík hefði verið meinaður aðgangur í vagn vegna þess að hann hélt á götumáli með kaffi. Þeir hjá Strætó bs segja að Gísli Marteinn hefði lofað þessu með kaffið upp í ermina á þeim. Hvað er svona slæmt við kaffidrykkju í strætó? Varla sullar fullorðið fólk mikið niður, sérstaklega þar sem það drekkur kaffið sitt í gegnum pínulítið gat á lokinu.

Engin Sigþóra var í aukabílnum þannig að ég gekk alein og einmana upp kúlurassbrekkuna og bjóst við að Prentmetsgæinn æki framhjá mér á móts við súkkulaðiverksmiðjuna. Kannski kom hann bílnum ekki í gang í Mosó, enda var ansi kalt í morgun. Tók vetrarvettlingana með en fattaði ekki að fara í sokkabuxur. Veturinn er að skella á, folks!

Athugasemdir

[Haraldur Guðjonsson (IP-tala skráð) 17.9.2007 kl. 09:20]

Varðandi Kaffið þá er þetta tvíþætt fyrsta lagi þá er Strætó bs skaðabótaskilt ef að fattnaður farþeganna skemmist í vögnunum, í öðrulagi þá er þetta öryggisatriði það veit einginn hvað kaffið er heitt og það geta verði börn og jafnvel ungabörn sem myndu skaðbrennast ef að kaffi sullaðist yfir þau.

 Það að fullorðið fólk sulli ekki kaffi er svolítið kjánaleg atugasemd, strætisvagnar eru jú ekkert annað en bílar!!! og það getur ýmislegt komið uppá þegar þeir eru á ferðinni, eða hedur þú kanski að rútufarþegarnir sem voru í rútunni sem keirði í aurskriðunna í kollafirði hefðu getað haldið kaffibolla kyrrum?

[Guðríður Hrefna Haraldsdóttir, 17.9.2007 kl. 09:23]

Ég tala út frá farþegum, þú strætó, við erum greinilega ósammála en ég tel mig ekki vera kjána og þetta frekar dónalega athugasemd, Haraldur minn.

[Birgir Þór Bragason, 17.9.2007 kl. 09:37]

Ég gæti nú alveg haldið á mínu kaffi í strætó. Það er að segja ef ég væri með beltin spennt. Eru öryggisbelti í strætó sem fer alla þessa leið?

[Guðríður Hrefna Haraldsdóttir, 17.9.2007 kl. 09:44]

Við sitjum alltaf bundin í Skagastrætó og höggumst ekki á leiðinni. Þrátt fyrir beygjur og hringtorg og læti ...  Hef stundum óskað þess að belti væru í leið 15 sem ekur Vesturlandsveginn á leið upp í Mosó. Veit varla hvort ég myndi treysta mér til að drekka kaffi úr kúffullu máli í honum.

[Harpa (IP-tala skráð) 17.9.2007 kl. 10:03]

Sæl og blessuð Gurrý.

Ertu nokkuð búin að henda fínu myndinni minni? Þarf að fara að nálgast hana svo ég týni henni ekki. Elska að lesa bloggið þitt, mátulega kaldhæðið, bíð spennt eftir að einhver(Siggi) gefi mér svona ryksuguróbót, búin að finna nafn á hann og allt.

[Guðrún Jóhannesdóttir, 17.9.2007 kl. 10:05]

ég held að ef Skagakonurnar sem lentu í aurskriðunni hafi lagt af stað með kaffi í máli, hefði málið verið tómt þegar þangað var komið ;) 

Ætli það sé ekki líka hættulegt að vera með harðar töskur í strætó, sem liggja kannski lausar í fangi eigenda, þær geta skaðað ef "eitthvað gerist"  Reynda viðurkenni ég það að GM hefði átt að láta strætó um það að gefa kaffiloforðið, það er tæplega í hans verkahring, eða hvað ? 

Óska þér góðs dags kæra himnaríkisbloggvinkona 

[Haraldur Guðjonsson (IP-tala skráð) 17.9.2007 kl. 10:06]

Ég tala ekkert út frá strætó ég vildi bara ekki setja fyrir framan þig þegar þú ert með brenandi heitt kaffi, 

ég sé ekki að hvað sé dónalegt við að fynnast þetta kjánaleg afstaða.

Ég er hinsvegar alveg hjartan lega samála ykkur Birgi um það að það ætti að vera öryggisbelti í öllum vögnum, mér fynst líka að það ætti að banna stæði þetta er frá þeim tíma þegar að strætisvagnar skröltu á 30km hraða um mjóstræti,

núna geta strætisvagnar ekið löglega með 100 mans ynnanborðs á 80km hraða einginn í belti og helmingurinn standandi!!

 og Birgir þú veist það alveg að beltið hjálpar þér ekkert að halda kaffibollanum!

[Björg K. Sigurðardóttir, 17.9.2007 kl. 10:21]

Ég bendi Haraldi á að það er hægt að fá fín kaffimál með vel föstu loki. Á lokinu er svo lítið gat með tappa fyrir. Þeir sem á annað borð taka kaffi með sér í strætó notast líklega ekki við venjulegan kaffibolla heldur eru með örugg kaffimál sem sullast ekki úr.

[Guðríður Hrefna Haraldsdóttir, 17.9.2007 kl. 11:28]

Sammála Björg, flestir nota örugg kaffimál, myndi maður halda, en ég myndi ekki vilja sitja við hliðina á manneskju með opinn kaffibolla. Hef reyndar milljón sinnum farið með svona mál í strætó í Reykjavík í gegnum árin og aldrei hellt niður einum dropa.

[Ásdís Sigurðardóttir, 17.9.2007 kl. 11:47]

Eigið ánægjulega vinnuviku öll sömul. Ég drekk mitt kaffi í Lazy boy 

[Nanna Rögnvaldardóttir, 17.9.2007 kl. 11:47]

,,Varla sullar fullorðið fólk mikið niður ..." Gurrí, við erum búnar að þekkjast frá því áður en við urðum fullorðnar og ætlarðu að segja mér að þú hafir aldrei tekið eftir einstökum hæfileikum mínum til að sulla niður kaffi hvar, hvenær og á hvað sem er?

[Guðríður Hrefna Haraldsdóttir, 17.9.2007 kl. 11:49]

Hahahahah, nei, ég hef aldrei tekið eftir því. Aftur á móti hefur Steingerður almáttugur verið dugleg að benda mér á þetta hjá henni. Þú fengir bara sérstakan strætósmekk!

[Birgir Þór Bragason, 17.9.2007 kl. 11:53]

Haraldur!!! Með beltin spennt þá eru hendurnar fríar til þess að halda á kaffibolla í strætó rétt eins og í flugvél. Hvað er að því að vera með kaffi í strætó, fatta ekki að það skuli vera bannað.

[Katrín Snæhólm Baldursdóttir, 17.9.2007 kl. 12:33]

Neibb taka þetta á hörkunni og hræðslunni..banna banna og banna því það getur alltaf eitthvað hræðilegt gerst. Gera eins og bretarnir sem hafa svo margar öryggisreglur um leiki barnanna í skólanum að þau hafa ekki hreyft sig neitt af viti og ekki heldur fengið skrámur eða marbletti......Guð blessi fyrirhyggjuna...Þessi óskrámuðu og ómarblettuðu börn og reynslulausu og kunnáttulausu börn eru nú uppvaxandi aumingjar. Meira að segja bresku fótboltafélögin eru hættir að sjá harða nagla koma upp í deildunum. Það að fara með kaffi í vel lokuðu máli með tappa  á í skagavagninn er órásðsía. Hvað ef Gamall maður sem gleymir að taka töflurnar sínar fær svima og dettur á þann sem heldur á málinu??? Ha??? Já það verður að hugsa fyrir öllu í lífinu þar sem allt getur gerst og við erum hvergi örugg.  Svo er fólk bara þannig að það getur ekki hugsað sjálft um hvað má og hvað ekki. Áfram reglugerðarmenn og foringjar. Eitt enn..banna að tala saman í strætó.  Algerlega stórhættulegt. Hafið þið ekki heyrt um konuna sem gleypti tunguna í rokhviðu???

[Glúmur Gylfason (IP-tala skráð) 17.9.2007 kl. 13:38]

Kristín Snæhólm hefur fundið ástæðuna fyrir slöku gengi enska landsliðsins í knattspyrnu!

Ástæðan fyrir því að Ítalir  eru heimsmeistarar hlýtur þá að vera sú, að leyfilegt er að standa í strætó í Róm. Þar meiðist enginn þótt snarhemlað sé á 90 af því að vagnarnir eru svo  troðfullir af standandi farþegum að þeir geta ekki dottið. 

[Guðrún Jóhannesdóttir, 17.9.2007 kl. 13:45]

Ja Katrín þú færð 10+ í fyndni fyrir þetta komment

[Doddi - Þorsteinn G. Jónsson (IP-tala skráð) 17.9.2007 kl. 14:39]

Hér á Akureyri eru laufin að gulna og falla af ... og fjúka. Hlíðarfjallið er hvítt að ofan og Vaðlaheiðin líka. Haustið er komið en ég trúi ekki öðru en að við fáum smá hlý-kafla fyrir veturinn. Annars er þetta gott mál upp á geitungana... ég geri ráð fyrir að þeir séu dánir núna! Woo hoo!!

Knús og heitt frá Akureyri!

[Jenný Anna Baldursdóttir, 17.9.2007 kl. 14:54]

Hér þvælast "Þórðar húsverðir" um ganga.  Muha, hvernig er hægt að eiga "heitar" umræður um kaffi í strætó?  Er nokkuð sjálfsagðara en að tjilla með kaffimál á leið til vinnu?  Sumir mega þakka fyrir að maður REYKI ekki bara á leiðinni í djobbið, í almenningsvagnum.  Hm...

Smjúts

[Heiðrún Sigurðardóttir (IP-tala skráð) 17.9.2007 kl. 15:39]

Sæl Gurrý 

" Keflavík. Það er bær sem mér finnst skrýtið að heimsækja ... húsin þar eru svo lík húsunum á Akranesi nema á röngum stöðum, eða þannig"

Ég las  þessa setningu þína á öðru bloggi, ég gat ekki annað en brosað, því í gær var ég á Akranesi og ég hugsaði þetta sama. 

 Alltaf gaman að lesa bloggið þitt, kannski manstu eftir mér, vinkona mín heitir Anna Þóra og hún var að passa fyrir þig  og ég kom nokkrum sinnum með henni.

kveðja Heiðrún Sigurðardóttir

[Katrín Snæhólm Baldursdóttir, 17.9.2007 kl. 17:24]

Glúmur .....þjálfarar hér í bretlandi hafa lýst yfir áhyggjum sínum af aumingjalegu uppeldi breskra barna..bæði næringarlega og ekki síður hafa þeir stórar áhyggjur af því hversu hreyfigeta þeirra er slöpp og líkamlega geta og úthald lítið. Segja að þetta muni hafa áhrif á fótboltann í framtíðinni og horfa því frekar til  annarra og hressari landa eftir efnilegum framtíðarfótboltamönnum..og þetta er dagsatt!!!  Og ég heiti Katrín en ekki Kristín Snæhólm Gestur minn.

[krossgata, 17.9.2007 kl. 19:25]

Dagur vonbrigðanna?  = Strætó ekki í kappakstri, auk þess kaffi bannað í þeim, engin Sigþóra eða Prentmetsgæi.  Mikið hlýtur dagurinn á morgun að verða frábær svo maður Pollýannist.  En þessi sérhönnuðu nýmóðins kaffimál eru snilld hvort sem neyta á kaffis í strætó eða bara einkabíl - leyfum kaffi í þeim og málið dautt. 

En af því Doddi þarna uppi fagnar dauða geitunganna má ég til með að segja frá því að ömmukúturinn minn 3ja ára kom í gær,  honum hefur verið meinilla við stóru ljótu flugurnar í sumar, þessar sem amma vill ekki koma nálægt og sagði fullur af eftirsjá og depurð:  "Nú eru geitangarnir dánir".  Hann hugsar líklega með söknuði til ævintýranna þegar afi var að veiða þá hetjulega, það var alltaf spennandi.

[Guðríður Hrefna Haraldsdóttir, 17.9.2007 kl. 19:27]

Hæ, Heiðrún!!! Fyndið þetta með húsin í Keflavík og Akranesi! Bið að heilsa Önnu Þóru. Ég er viss um, Guðmundur, að þú hefur stundum ekið mér. Katrín, mikið er ég sammála þér með þetta að ofvernda okkur út í eitt, það gerir okkur að aumingjum. Takk fyrir öll kommentin og knús til Akureyrar, Doddi minn. 

[Jóna Á. Gísladóttir, 17.9.2007 kl. 23:15]

Hér sé fjör og friður. ertu ekkert að djóka með Gísla Martein og ermina. Ég á ekki til orð. Ég get nú ekki annað en hlegið af þessari athugasemd með kaffibollana og aurskriðuna. Eins og fólk hefði áhyggjur af kaffiblettum eftir að hafa rétt sloppið úr aurskriðu. Kaffibollana í strætó segi ég. Það er margt annað sem liggur á lausu í vagni á ferð og er hættulegra en kaffimál.

[Steingrímur Helgason, 17.9.2007 kl. 23:38]

Það er opið mál að það má alveg drekka kaffi úr lokuðu máli í strædó míns smáþorps.  Reynir reyndar lítt á það því að eina ferðin er síðdegisferð á tveggja daga fresti ~suður~ til "Agureiris" & farþegar í þeirri ferð eru oftast undir fermíngaraldri.

En það má nú samt !

S.

[Guðríður Hrefna Haraldsdóttir, 18.9.2007 kl. 00:35]

Takk fyrir sögurnar, Guðmundur, rosalegt að lesa þetta um frúna þína. Ásta sest alltaf aftast í leið 15, eins og hinir villingarnir, og finnum miklu meira fyrir hossingi og hraða en þeir sem sitja framar. 

Steingrímur, mér finnst að það eigi að kenna krökkum miklu fyrr að drekka kaffi en nú er gert! Hmmmm!

Úje, Jóna, hjartanlega sammála!