Ódömuskapur Ástu og frekar langt bold

Elskan hann Elli ók okkur heim með strætó. Þegar við mættum Tomma á Kjalarnesi veifuðum við Ásta til hans og sendum honum fingurkossa. Þessir tveir eru sannarlega á topp tíu listanum okkar yfir skemmtilegustu bílstjórana. Við fórum beint í Skrúðgarðinn og fengum okkur kaffi og köku, það er snilld að enda vinnudaginn þannig. Vinkonur Ástu settust hjá okkur og það var mikið stuð. Þegar Ásta hvarf allt í einu og kom svo út af kvennasnyrtingunni sagði hún: „Ég þurfti bara að frussa úr Friðriku,“ fölnaði ég. Hún hefur alltaf jafngaman af því að sjokkera tepruna, vinkonu sína. Þegar hún sagði svo að það hefði verið svo kalt í morgun að þörf hefði verið á miðstöð uppi í ra........ á sér, þá hreinlega leið yfir mig. Eins og Ásta er nú mikil dama.
Í Einarsbúð var fullt af sætum körlum að vanda og ljómandi gaman að daðra við grænmetisborðið ... ef ég hefði ekki verið á hraðferð. Það er alltaf margt fólk í Einarsbúð, þrátt fyrir lágvöruverslanir allt í kring. Segir mikið um hvað þetta er góð búð.  

Setti á Stöð 2 plús við heimkomu til að ná að bolda, hef vanrækt það undanfarið, sorrí allir nema Hildigunnur. Klukkan 19.50 hefst svo á Sýn leikurinn Valur-ÍA!!! Vona að ég þori að horfa.

Boldað í beinni: Stefanía spyrst fyrir um dóttur sína, Feliciu, sem liggur veik á sjúkrahúsi en krabbameinið tók sig upp aftur. Nick hefur ekki enn þorað að segja Bridget að hann eigi nokkurra mánaða gamalt barn með Feliciu. Hann ætlaði að gera það eitt kvöldið en hún neitaði að skemma mómentið með einhverju „leiðinlegu“. Hún vildi eitt friðsælt kvöld og fékk. Nick talar um þetta við Stefaníu og segist vilja segja henni þetta sjálfur.

Eric plottar áfram með Brooke sem segir: „Heldur þú að Stefanía fatti ekki hvað við erum að gera, að reyna að hafa af henni fyrirtækið og að þú þykist hata mig til að komast inn undir hjá henni og ert að fara út að borða með henni kvöld.“ Ef hún heldur þessu áfram mun einhver hlera við dyrnar og allt kemst upp.

(Myndin er tekin í einu brúðkaupi Ridge og Brooke en þau hafa gifst alla vega þrisvar) 

Massimo gleðst yfir því að Nick og Bridget séu orðin sátt. Bridget tilkynnir honum að „fyrsta“ barn Nicks (Massimossonar) sé stelpa.

Stefanía: „Ef einhver tekur Dominick litla (syni Nicks) vel þá er það hin ljúfa Bridget, hún hefur reynt margt í lífinu, þökk sé móður hennar.“
„Ekki blanda Brooke í þetta!“

„Fjandskapurinn milli ykkar Erics eykst dag frá degi,“ segir geðþekki geðlæknirinn, Taylor, við Brooke, og trúir plottinu. Bótox í varir er greinilega forheimskandi.

Eric kemur prúðbúinn til Stefaníu og fer að tala illa um Brooke við hana. Stefanía er hálfviti ef hún áttar sig ekki á þessu. Hvað ætlar hann svo að gera þegar hann er búinn að veiða hana með smjaðri, kannski plata hana til að skrifa undir að hann megi eiga fyrirtækið? Stefanía horfir furðulostin á hann og hrukkar ennið.

„Hvernig heldur þú að þér líði að halda á frumburði þínum í fyrsta sinn?“ spyr Bridget Nick.
Nick tilkynnir Bridget að hann eigi barnið með Feliciu.

Aukafréttir: Sally lokaði tískuhúsinu sínu og greiddi öllum starfsmönnum góðan lokabónus.

Athugasemdir

[krossgata, 17.9.2007 kl. 19:39]

 Mamma kom til mín í gær með hækjur (ég fór í aðgerð í dag) og hún er einmitt alltaf svona dömuleg í orðum og sagði nákvæmlega þetta í gær þegar hún fór á salernið - Jæja, ég ætla aðeins að frussa úr henni Friðrikku. (með tveimur káum).

Þetta er með aumkvunarverðari brúðkaupsmyndum sem ég hef séð, en hvernig tók Bridget tilkynningunni?

[www.zordis.com, 17.9.2007 kl. 20:05]

Eins gott að Friðrikka var í för en ekki Skuðdís  Skvettudrós!

Ég öfunda ykkur Ásta hvor af annari og það veit sá sem allt veit að öfund er ekki guðleg tilfinning!  Njóttu þín í þessum frábæra félagsskap. 

[Guðríður Hrefna Haraldsdóttir, 17.9.2007 kl. 20:16]

Ásta er alveg frábær, Zordís!

Já, Krossgata, skelfileg brúðkaupsmynd, þetta var eflaust eitthvert skelfilegt þema hjá þeim skötuhjúum. Bridget var sjokkeruð á svipinn og svo kom bara The End! Lofa að fylgjast vel með þættinum á morgun þótt handritshöfundar láti samtal þeirra endast í heila viku. 

[Birna Dis Vilbertsdóttir (IP-tala skráð) 17.9.2007 kl. 21:47]

Takk ég missti af boldinu í dag. Báðum sýningunum og líka á plúsnum. Gott að fá frásögn  Hafa Ridge og Brooke ekki gifst oftar? Mér finnst þau alltaf  annað hvort vera að skilja eða giftast.

[Guðríður Hrefna Haraldsdóttir, 17.9.2007 kl. 22:02]

Jú, örugglega, Birna! Þarf að gúggla það einhvern daginn til að hafa þetta á hreinu.

[Katrín Snæhólm Baldursdóttir, 17.9.2007 kl. 22:14]

Jæja best ég kreisti úr katakompunni áður en ég fer að sofa. Góða nótt!!

[Þröstur Unnar, 17.9.2007 kl. 22:20]

Þú hefðir kanski átt að biðja Miss Nolan að stíga upp á stól, áður en þú tókst myndina í Skrúðgarðinum.

Boldið neeeeee......

[Guðrún Jóhannesdóttir, 17.9.2007 kl. 22:26]

bold bold bold, takk fyrir þennan ágæta boldpistil 

Að frussa úr henni Friðrikku var algengur talsmáti í minni sveit hér  í denn

[Jenný Anna Baldursdóttir, 17.9.2007 kl. 23:04]

Giviminngóður; kjafturinn á ykkurég helst bara varla við í þessum almúgapotti hérnahe,he.

Bold: No comment en myndin af brúðhjónum er "villt".

[Rannveig Lena Gísladóttir, 17.9.2007 kl. 23:18]

Þú minnir mig á það reglulega af hverju ég hætti að horfa á BOLD AND THE BEAUTIFUL vitleysuna... og ég rifja það upp í leiðinni að ég sakna þáttanna ekki rass í bala   Þvílík og önnur eins tímasóun

[Guðríður Hrefna Haraldsdóttir, 18.9.2007 kl. 00:40]

Frú RLG, þú veist að ég horfði aldrei á þetta bull í denn, þetta byrjaði bara þegar ég gerði grín að þessu bulli og bloggvinir, sem tímdu ekki alveg að slíta sig í burtu frá BogB en nenntu samt ekki að horfa, sáu sér leik á borði og grátbáðu mig um að bolda af og til. Ég fórnaði mér! Nú er ég farin að bera umhyggju fyrir þessum rúsínurassgötum og vil vita um afdrif hennar Amber sem einu sinni var gift Nick, þá Deacon sem fór síðan til Bridget og þau giftust, allt var í lukkunnar velstandi þar til Brooke kom og stal tengdasyni sínum (þeim fyrri af tveimur) og eignaðist Hope litlu með honum. Amber er horfin og enginn virðist taka eftir því nema við Gunna Pollý!

[Guðríður Hrefna Haraldsdóttir, 18.9.2007 kl. 08:59]

[Kristín Katla Árnadóttir, 18.9.2007 kl. 10:25]

Maður síglápandi á boldið úff

[kikka (IP-tala skráð) 18.9.2007 kl. 15:38]

Elsku Gurrí

Gott að þú stendur með okkur Boldingunum sem sjáum sápuna aldrei en getum ekki án lýsinga þinna verið-og fyrir ykkur hin þá er þetta allt gert í gamni og engin sem fær fráhvarfseinkenni þá lýsingar detti niður í nokkra daga (Sem minnir mig á það, hvernig endaði sápan sem þú varst að skrifa um bloggvini þína og  okkur fasta lesendur bloggsins . Síðast þegar ég vissi þá var ég í einhverjum háska vestur í Stykkisshólmi með einhverja glæpamenn á eftir mér en þú sjálf orði prinsessa í Afríku-eða eitthvað þannig. Endaði það einhverntíman, eða verð ég að gera eins og hinir og bíða eftir bókinni).

Þetta er athyglisvert með hana Amber, en er hún sú eina sem hefur horfði sporlaust úr þáttunum? Vonandi fer hún að finnast-ertu búin að Googla þetta mál?

 kv. kikka