Miklu betri en kartöflur

Myndatakan gekk bara vel í dag. Förðuð og flott fyrir framan aftökusveitina tókst mér að pósa snilldarvel og gat nýtt reynsluna síðan í fegurðarsamkeppninni 1978, eða hefði getað gert ef mér hefði verið boðin þátttaka. Var líka búin að skoða Hagkaupsbækling í bak og fyrir og lærði aðferðina við að virka undirgefin með dassi af framakonudugnaði. Sænski ljósmyndarinn var að fríka út af gleði og fannst ég örugglega taka mig miklu betur út en kartöflurétturinn sem hann myndaði fyrr í morgun.

---------------        ---------------       ---------------------- 

Fólkið í boldinu hjakkar svo í sama farinu að ég afber varla að horfa á það þótt ég hafi lofað að fórna mér annað slagið. Stefanía og Brooke, erkifjendurnir, hafa rifist síðan í síðustu viku um sama gamla dæmið eða þangað til Eric kemur og stoppar þær. Taylor er „ein“ á gamlárskvöld og Hector (slökkviliðsmaður, ekki hundur) bendir henni á að gift kona ætti ekki að vera ein á svona kvöldi. Ridge er einhvers staðar að tískuhúsast í útlöndum og Taylor væflast um húsið í sexí undirfötum og vonar að eiginmaðurinn komi heim svo að hún geti tælt hann. Hún ætti bara að vita að karlar laðast ekki að líkama kvenna, heldur vitsmunum þeirra.

Athugasemdir

[Ásdís Sigurðardóttir, 3.10.2007 kl. 18:33]

Ha, ha ég var einmitt að Bolda áðan, datt inn á að horfa á í dag. Auðvitað varstu lang huggulegust í myndatökunni, það verður gaman að sjá myndina.

[Jenný Anna Baldursdóttir, 3.10.2007 kl. 19:06]

Frábær ábending með vitsmunina.  Skil ekki af hverju konur eru ekki búnar að átta sig á því ennþá, að karlmenn hafa engan áhuga á útliti kvenna.  Bara því sem er á milli eyrnanna.  Hm.. torskilið.

Girnilegur kartöfluréttur.  Hvenær fær maður að berja portrettið augum?

[Már Högnason (IP-tala skráð) 3.10.2007 kl. 19:47]

Í mér prjónar einhver þrá

óskir vil því kynna:

Mætti ég fá mynd að sjá

milli eyrna þinna?

. 

[María Anna P Kristjánsdóttir, 3.10.2007 kl. 20:01]

Það er nú það,hvað er á milli eyrnanna,jú hluti af útlitinu andlitið sem karlmenn ættu fyrst að sjá.

[krossgata, 3.10.2007 kl. 20:23]

Ég er að velta fyrir mér hvort vitsmunir mínir séu nokkuð að verða of bústnir.  Horfir greindarleg á svip út um gluggann.

[sigrún Jónsdóttir (IP-tala skráð) 3.10.2007 kl. 20:53]

Ég stóðst ekki mátið!

I am your Doctor. Sorry to inform you that you have a brain problem. Your brain is in 2 parts... left, and right. The left part has nothing right in it and the right has nothing left in it!

[Kjartan Pálmarsson, 3.10.2007 kl. 21:28]

Segi enn einu sinni og stend við það, mig langar að hitta höfund þessarar Bold vitleysu og buffann, ja allavega bankann

[Guðný Anna Arnþórsdóttir, 3.10.2007 kl. 22:06]

Hvar verður afrakstur myndasmiðsins til sýnis, með leyfi að spyrja ?

[Guðríður Hrefna Haraldsdóttir, 3.10.2007 kl. 22:12]

Alla vega á starfsmannaskírteininu sem gildir í matsalinn ... hehehhe, og kannski í Vikunni, líklega ... frú Guðný og frú Jenfo ...

Skal hjálpa þér við kýlingar, Kjartan. Góð, Sigrún

[Jóna Á. Gísladóttir, 3.10.2007 kl. 23:09]

og hvenær fáum við að sjá allar nýju fitufellingarnar og hrukkurnar?

[Anna Ólafsdóttir Björnsson, 3.10.2007 kl. 23:09]

1978, eitthvað sem þú átt eftir að segja mér?

[Brynja (IP-tala skráð) 3.10.2007 kl. 23:47]

Er nokkuð viss á því að ég get upplíst ykkur að kellan hún Brooke er einn aðaleigandi þáttana og hennar maður þannig að já Bold stúlkan agalega sem er reyndar ómissandi þar Sel þetta ekki dýrara en ég keypti

[Jens Guð, 4.10.2007 kl. 03:43]

  Ég skil ekki upp né niður í frásögn af Stefaníu og Brooke.  Veit bara ekkert hvaða fyrirbæri það eru.  Ég get þó vottað að vitsmunir vega mun þyngra en flest annað í samskiptum karla og kvenna. 

[Guðríður Hrefna Haraldsdóttir, 4.10.2007 kl. 08:52]

Sorrí, Jens. Sko, hún Brooke hefur tvisvar gifst manninum hennar Stefaínu (Eric) og tveir synir Stefaníu hafa líka verið kvæntir henni. Ridge svona fjórum sinnum en Thorne bara einu sinni, held ég. Þess vegna hatar Stefanía Brooke og þær rífast alltaf um það sama; að Brooke sé drusla og að Brooke sé ekki drusla (þetta fyrra segir Stefanía og það seinna segir Brooke) Að auki hefur Brooke stolið eiginmanni af dóttur sinni, ekki einu sinni heldur tvisvar. Hún stal Deacon af henni Bridget og eignaðist dóttur með honum. Svo eru þau Rick eiginlega nýhætt saman þar sem hann ætlar að láta hjónabandið við dótturina ganga upp, hún er nú ólétt greyið, dóttirin sko, ekki tengdamamman. Ef þú skilur þetta færðu verðlaun.

Anna, ég á mér skelfileg leyndarmál um ættarauð og Baskerville-hundabeinagrindur í skápum en þetta með keppnina 1978 var uppspuni og bull ... sorrí. Nýju fitufellingarnar "allar" (takk fyrir að velta þér upp úr því, Jóna) og hrukkurnar verða frumsýndar í Vikunni bráðum, skilst mér á dularfulla ritstjóranum mínum.