Djöfulleg hugmynd að morgni dags

„Ég næ þessu varla á fjórum mínútum,“ sagði ég við sjálfa mig í morgun, enda fötin mín í þurrkaranum (þurr) austanmegin í himnaríki og tannburstinn vestanmegin. Með fádæmaskipulagningu, sporléttelsi og engum köttunum sem þvældust fyrir tókst þetta nú samt. Stoppistöðin var grunsamlega þögul þegar ég flaug þangað í loftinu, og eiginlega var allt Akranes afar kyrrlátt í yndislegri rigningunni ... en svo heyrði ég greindarlegt hóstakjöltur úr steinsteypta strætóskýlinu og þar leyndist heill hellingur af fólki. Elskan hann Heimir mætti augnabliki síðar á strætó og Ásta sat þar með útbreiddan faðminn og frátekið sæti fyrir Gurrí sína. Kaffilausar en ótrúlega geðgóðar dormuðum við í bæinn í góðum félagsskap annarra Skagamanna. Sæti karlinn fyrir aftan okkur sagði eitthvað um að veifa þegar ég stóð upp, Ásta flissaði en ég hafði eiginlega ekki tíma til að segja HA, heldur rauk út. Smá morgunþoka í kollinum. Þarf að komast að þessu ...

- -----------      ---------------          --------------

Inga beið fyrir neðan Vesturlandsveg og þar sem grimmur trukkabílstjóri hafði fælt hana úr vanalega staðnum sneri bíll hennar í átt að miðbænum. „Eigum við að koma niðrí Kaffitár?“ spurði ég og rauðu hornin spýttust út úr hausnum á mér. Inga var greinilega einnig andsetinn af koffíndjöflinum því að hún gaf brosandi í og áður en varði vorum við komnar með kaffi í aðra og heitt súkkulaði-crossiant í hina og stefndum upp í Hálsaskóg (Lyngháls&Co). Ég stimplaði mig inn fyrir klukkan átta þrátt fyrir það. Í Bankastrætinu voru þrír strákar að vinna, hver öðrum huggulegri. Myndin er ekki af þeim.

Athugasemdir

[Heiðdís (IP-tala skráð) 4.10.2007 kl. 09:35]

Takk fyrir herðanuddið í morgun, elsku kerlingin. Þú ert hér með útnefnd samstarfsmaður mánaðarins - ef ekki ársins

[Guðrún Jóhannesdóttir, 4.10.2007 kl. 10:20]

Góðan dag Gurrí, koffin kom mér fram úr fyrir kl 9 í morgun, og ég sem tarf ekki að mæta í vinnu fyrr en kl 4 í dag ;/

[Saumakonan, 4.10.2007 kl. 11:02]

Ahhh kaffi!!!    Sit í þessum skrifuðu orðum með rjúkandi bolla fyrir framan mig... nr 3 síðan kl 7 í morgun    Algert MÖST að fá kaffi á morgnana... sérstaklega notalegt líka þegar maður er búin að fara með skæruliða á leikskóla og getur sest niður í rólegheitum með saumadótið og kaffibollann í seilingarfjarlægð

[Fjóla Æ., 4.10.2007 kl. 11:40]

Bráðnauðsynlegur startvökvi þetta kaffi. Ótrúlegt að fólk komist í gegnum daginn á hans. 

[Einar Viðar (IP-tala skráð) 4.10.2007 kl. 12:14]

Kaffi er málið, með mjólk og sykri er þetta drykkur guðanna

[krossgata, 4.10.2007 kl. 14:15]

Í mér rennur ekki blóðið nema með reglulegri kaffiintöku allan sólarhringinn. 3 bollar fyrsta hálftímann eftir vöknun þar í ræsinguna.  En er ekki svolítið langt að fara bæinn á enda eftir þessu?  Er ekki eitthvað nær?   Maður gæti dáið af kaffiskorti á svo langri leið.

[Guðríður Haraldsdóttir, 4.10.2007 kl. 14:40]

Ja, ég dó næstum því ... dormaði hálfmeðvitundarlaus í örmum Ástu í strætó ...

[Steingerður Steinarsdóttir, 4.10.2007 kl. 16:18]

Ég sakna ósegjanlega kaffiferðanna okkar í Bankastrætið hér í denn. Þvílík sælutíð. Megi hún renna upp aftur.

[Guðríður Haraldsdóttir, 4.10.2007 kl. 16:37]

Ójá, elsku Steingerður mín, það voru dýrðartímar. Hver morgunn öðrum betri ... hehehehe!

[Ásdís Sigurðardóttir, 4.10.2007 kl. 17:58]

Í fyrsta lagi, hvar voru kettirinir?? í öðru lagi, sefurður nóg?? ef ekki þá kemur það ekki niður á gleði þinni og skemmtileg heitum sem smita út um allt.  Kaffikveðjur til þín.  Bæ ðe vei, ég er farin að fylgjast með veðrinu á leiðinni sem strætó fer svo ég geti sofnað róleg á kvöldin, vitandi að þú lendir ekki í hrakförum, en EF það kemur vond spá þá VERÐURÐU að vera heima, ekki lenda í vandræðum. Taka bara næsta vagn.

[Brynja (IP-tala skráð) 4.10.2007 kl. 18:22]

Bara Elska flottu kaffimaskínuna mína fyrsta sem ég geri á morgnana er að starta þessari elsku og hún malar svo fallega og kaffið er unaðslegt skál í kaffi öll