Staðið við heitavatnshótun

Heita vatnið var tekið af um kvöldmatarleytið, eins og hótunarmiðinn sagði. Nú er mér orðið svo kalt að ég mun borga hvað sem er fyrir hita í ofnana. Þetta voru þá engar samsæriskenningar hjá mér í síðasta bloggi. Það er meira að segja svo kalt í himnaríki að ég ætla að skríða upp í rúm, óböðuð og allt.

Mikið vona ég að strætó fari í fyrramálið þrátt fyrir væntanlegt hvassviðri sem er reyndar nú þegar farið að berja á þaki himnaríkis. Ummm, notalegt, eða væri það ef hlýtt væri innandyra, hér ornar bara hjartahlýja kattanna, já, og sængin.  
 

Athugasemdir

[Ásdís Sigurðardóttir, 11.10.2007 kl. 22:35]

Æ, skottið mitt. Mundu að sofa í sokkum. Hugsa HLÝLEGA til þín, eru ekki kisurnar örugglega uppí hjá þér?  Þú ferð ekkert í bæinn ef allt er brjálað passaðu þig fröken ómissandi.  

[Guðríður Hrefna Haraldsdóttir, 11.10.2007 kl. 22:41]

Hlýnaði helling við þetta komment. Best að pína kettina í hlutverk hitapoka. Það er mest að gera á föstudögum í vinnunni, grautfúlt að komast ekki. Vona það besta. Góða nótt!!!

[Jenný Anna Baldursdóttir, 11.10.2007 kl. 22:43]

Sendi gassalega hlýjar kveðjur til þín, Gurrí mín, snússaðu þér undir sængina og láttu þig dreyma fallega.  Brrrrr, þú verður heima á morgun. Ekki rjúka af stað í vondu veðri.  Ónei.

[Guðrún Jóhannesdóttir, 11.10.2007 kl. 22:47]

já undir sængina og kettina með í bólið, en láttu Jónas í friði, býst ekki við að hann fari vel í rúmi . Vonandi sefurðu nú samt vel í "kuldanum"

Góða nótt góða kona, og mundu bara að engin er ómissandi

[Guðríður Hrefna Haraldsdóttir, 11.10.2007 kl. 22:48]

Er að lauma mér upp í ... flestir dagar væru í lagi að vera veðurteppt en ekki frædeis Góða nótt, snúllumdúll! 

[Edda Agnarsdóttir, 11.10.2007 kl. 22:52]

Já góða nótt í kuldanum Gurrý mín, ég var að drepast úr kulda í kvöld en þá fór mannurinn út í bílskúr og náði í gasofn!

[krossgata, 11.10.2007 kl. 22:59]

Muniði í gamla daga þegar voru til heitavatnspokar á hverju heimili.  Það væri nú ekki slæmt að ylja tánum á slíku fyrirbæri í heitavatnsskorti. 

[Þröstur Unnar, 11.10.2007 kl. 23:03]

Það verður komið fínt veður í fyrramálið samkv. spám.

Skrýtið hve fljótt kólnar þarna uppi, hér er enn þá fun hiti og ef ég væri ekki svona feiminn og óframfærinn fugl þá mundi ég örgla bjóða þér gestaherbergið, spáðu í það.

[www.zordis.com, 11.10.2007 kl. 23:09]

Jó, hlýtt hjá Þresti en fimbulkuldi hjá þér! Held að aðdáandi standi fyrir þessu ... einhver ógisslega sexý sem bankar uppá seinna í kvöld!

Góða nótt þyrnirós!

[Ragnheiður , 11.10.2007 kl. 23:32]

Æj elskan mín, myndin er æðisleg... sat hér í sófanum og hló eins og bjáni. Það vill til að kallinn minn er orðinn öllu vanur....stórar kókflöskur eru upplagðar sem hitapokar, verður þá að hita vatn í katli...ja svona ef kettirnir verða ósamvinnuþýðir hitapokar.

[Steingrímur Helgason, 12.10.2007 kl. 00:27]

Góður köttur hitar allt upp frá sér. En, ég hef nú aldrei náð því að brúka með einhverjum árangri það að þegar mínu konudýri kólnar að henda kettinum í hana.

 Konur eru líka skrýtin dýr.

S.