Af óvissuferð og risakjötbollum ...

Eftir að ég heyrði utan af mér í morgun setningar á borð við: „Veistu hver ældi í rútunni?“... „xxxxx pissaði óvart á mig í myrkrinu.“ og „Hver fleygði forstjóranum í Hvítá?“ held ég að ég ætti að dauðskammast mín fyrir að hafa ekki farið í óvissuferðina á laugardaginn. Mér skilst á öllu að þetta hafi verið mjög skemmtileg ferð, river-rafting, heitir pottar, gufa og grillmatur á Drumboddsstöðum á eftir. Og drukkið! Jamm. Ef þetta hefði nú verið kaffismökkunarferð ...

Rosalega voru kjötbollurnar stórar í hádeginu og kartöflurnar litlar. Soldið asnalegt að sjá diskinn eftir að hafa fengið sér tvær og tvær. Múlakaffi vs frönsk matargerð ...

 

Viti dagsins fannst á google.com.

Athugasemdir

[Jóna Á. Gísladóttir, 15.10.2007 kl. 14:22]

hahahahaha Múlakaffi vs frönsk matargerð. Love it.

[Steingerður Steinarsdóttir, 15.10.2007 kl. 14:26]

Viti dagsins er glæsilegur og gaman að heyra að Birtíngsmenn gefa forfeðrum okkar ekkert eftir. Fyrirmenn fyrri tíma hentu Jóni Gerrekssyni í Brúará en Birtíngsmenn steypa forstjóra sínum í Hvítá.

[Guðríður Hrefna Haraldsdóttir, 15.10.2007 kl. 14:58]

Ég laug þessu nú með forstjórann, fannst það hljóma svo vel, múahahahahah, annað er hreinasatt!

[krossgata, 15.10.2007 kl. 15:08]

Ég held reyndar að þetta allt sé gert í öllum óvissuferðum.  Þetta hljómar mjög líkt ef ekki bara eins og eftir óvissuferðina, sem ég fór ekki heldur í, á mínum vinnustað fyrir rúmri viku.

Meðan ég man ég veit hver pissaði í rútuna, en hef líka haft lengri tíma til upplýsingaöflunar. 

[Guðríður Hrefna Haraldsdóttir, 15.10.2007 kl. 15:50]

Kommon, Anna, fyrst alþingismennirnir okkar geta borðað matinn frá Múlakaffi í mötuneyti alþingis þá skil ég að þú getir það. Varstu kannski að þvælast niðri á þingi?

[Jenný Anna Baldursdóttir, 15.10.2007 kl. 22:16]

Merkilegt þetta með íslenskar kjötbollur.  Þær eru ótrúlega stórar.  Vona að þær hafi smakkast.

Ég held að sumir í vinnunni hafi kannski verið með móral!  En það þarf ekki að vera rétt.

Smjúts.

[Guðríður Hrefna Haraldsdóttir, 15.10.2007 kl. 22:28]

Ellllskan mín, allir skælbrosandi og glaðir í dag eftir skemmtilega ferð. Sá alla vega engan flóttalegan með gubbubletti á fötunum. Þetta er svo skemmtilegt fólk sem ég vinn með og góður andi í hópnum. Sögurnar í morgun voru eflaust sagðar til að gera okkur sem ekki fórum afbrýðisöm ... 

[jensen (IP-tala skráð) 15.10.2007 kl. 23:03]

Kvæðamannafélagið ´´Djóki,, sendir eftirfarandi

Fröken Gurrí telur sig óheppna

fyrir að fara ekki ferðina í ,,,,,,,,,,,,,,,,,,,,,,,,botn óskast

[Guðríður Hrefna Haraldsdóttir, 15.10.2007 kl. 23:07]

Þér þarna karlrassgat!!! Hvað rímar eiginlega við óheppna? Hehehhehe, nú verður heilinn lagður í bleyti, skömmin yðar!

[Guðríður Hrefna Haraldsdóttir, 15.10.2007 kl. 23:13]

Fröken Gurrí telur sig óheppna

fyrir að fara ekki ferðina í.

Eigi telur hún sig vera plebbna, (að vera plebbin=plebbaleg (nýyrði)) 

þótt segi' hún sífellt ókei, I see! 

Gjöra svo vel að koma með betri fyrripart næst! Kannski gengur Jenfo betur ...

[Þröstur Unnar, 15.10.2007 kl. 23:15]

Í fleygna kjólnum óhneppta

hana langar ekki í

jónatan..............

[Guðríður Hrefna Haraldsdóttir, 15.10.2007 kl. 23:26]

Jensen, hafðu næsta fyrripart um Þröst!!!

[Ásdís Sigurðardóttir, 16.10.2007 kl. 00:30]

AFHVERJU FÓRSTU EKKI MEÐ Í ÓVISSUFERÐINA?? ÞÚ HEFÐIR ÖRUGGLEGA GETAÐ SKRIFAÐ HEILA RITGERÐ UM HANA FYRIR OKKUR SEM ELSKUM AÐ LESA BLOGGIÐ ÞITT.

[Guðríður Hrefna Haraldsdóttir, 16.10.2007 kl. 00:35]

Ég skal njósna ögn betur og svo færðu söguna, heillin mín. Elska þig líka!

[Anna Ólafsdóttir Björnsson, 16.10.2007 kl. 00:37]

Og ekki gleyma því að sögurnar verða betri ef þú fórst ekki með, ekki satt? Sjáumst eftir Ungverjalandi, sakna þín!